လံာ်တၢ်ဂံၢ် 9:5 - Sgaw Karen Common Bible

⁵ ဒီးလၢလါအခီၣ်ထံးကတၢၢ်တလါထီၣ်တဆံလွံၢ်သီတသီ အဟါန့ၣ်အဝဲသ့ၣ်မၤတ့ၢ်ဝဲဒ်န့ၣ်လၢကစၢၢ်စံၤနါအပှၢ်မုၢ်ကနၢ အပူၤန့ၣ်လီၤ. ပှၤဂီၢ်မုၢ်မၤတ့ၢ်တၢ်ကိးမံၤဒဲးဒ်ယွၤမၤလိာ်စီၤမိၤၡ့ အသိးန့ၣ်လီၤ.

လံာ်တၢ်ဂံၢ် 9:5 Iomraidhean Croise

လံာ်တၢ်ကဲထီၣ်အခီၣ်ထံး 6:22

ဒီးစီၤနိအၤမၤဝဲတၢ်ကိးမံၤဒဲးဒ်ကစၢ်ယွၤမၤလိာ်တ့ၢ်အီၤ အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 7:5

ဒီးစီၤနိအၤမၤဝဲဒ်ကယဲၢ်တၢ်လၢယွၤမၤလိာ်တ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 12:50

ဒီးကယဲၢ်ပှၤအံၣ်စရ့လးဖိခဲလၢာ်စူၢ်ဒီးမၤထွဲတၢ်လၢယွၤမၤ လိာ်တ့ၢ်စီၤမိၤၡ့ဒီးစီၤအၤဟရိၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:32

ကယဲၢ်တၢ်မၤလၢယွၤအိၣ်ဝဲဆိးဝဲအဒဲစီဆှံအဂီၢ်န့ၣ်, လၢခံကတၢၢ်န့ၣ်ဘၣ်တၢ်မၤဝံၤအီၤဂ့ၤဂ့ၤန့ၣ်လီၤ. ပှၤအံၣ်စရ့လးဖိတဖၣ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 39:42

ပှၤအံၣ်စရ့လးဖိတဖၣ်မၤဝံၤကယဲၢ်တၢ်မၤခဲလၢာ်, ဒ်ယွၤမၤလိာ်တ့ၢ်စီၤမိၤၡ့န့ၣ်လီၤ.

လံာ်တၢ်ဂံၢ် 1:54

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်မၤကယဲၢ်တၢ်ကိးမံၤ ဒဲးလၢယွၤမၤလိာ်တ့ၢ်ဝဲစီၤမိၤၡ့န့ၣ်လီၤ.

လံာ်တၢ်ဂံၢ် 29:40

မၤသးဒ်န့ၣ်ဒီးစီၤမိၤၡ့တဲဘၣ်ကီၢ်အံၣ်စရ့လးအပှၤဂီၢ်မုၢ် လၢကယဲၢ်တၢ်ကိးမံၤဒဲးလၢယွၤမၤလိာ်တ့ၢ်အီၤန့ၣ်လီၤ.

လံာ်တၢ်ဂံၢ် 8:20

မၤသးဒ်န့ၣ်ဒီး, စီၤမိၤၡ့, စီၤအၤဟရိၣ်ဒီးကယဲၢ်ကီၢ်အံၣ်စရ့ လးအပှၤဂီၢ်မုၢ်ပာ်စီဆှံထီၣ်ပှၤလ့ၤဝံဖိတဖၣ်ဒ်ယွၤမၤလိာ် တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဂံၢ် 9:4

မၤသးဒ်န့ၣ်ဒီး, စီၤမိၤၡ့တဲဘၣ်ပှၤဂီၢ်မုၢ်လၢကမၤဘူၣ်လဲၤကပာ်,

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

မၤတၢ် 26:19

ဒီးလၢတၢ်န့ၣ်အဃိ, စီၤပၤအကြံးပၤဧၢ, ယတိၢ်န့ၢ်ဒီးမၤထွဲတၢ်အကလုၢ်လၢယနၢ်ဟူဘၣ်ယဲခီဖျိတၢ်ထံၣ် တၢ်လၢညါခီလၢအဟဲလီၤလၢမူခိၣ်န့ၣ်လီၤ.

လံာ်သိၣ်လီၤသီလီၤတၢ် 1:3

ဖဲအဝဲသ့ၣ်ဟးထီၣ်ကွံာ်လၢကီၢ်အဲၤကူပတူးဝံၤအလီၢ်ခံအနံၣ် လွံၢ်ဆံ, လါတဆံတလါထီၣ်အခီၣ်ထံးကတၢၢ်တသီန့ၣ်စီၤမိၤၡ့တဲဘၣ်ပှၤဂီၢ် မုၢ်လၢကယဲၢ်တၢ်ကိးမံၤဒဲးလၢယွၤမၤလိာ်တ့ၢ်အီၤဒ်သိးအကတဲ ဘၣ်အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ဧ့ၤဘြံၤ 3:5

စီၤမိၤၡ့အကလုၢ်တီဝဲလၢယွၤအပှၤဂီၢ်မုၢ်အဖီခိၣ်ဒ်တၢ်အခ့ အပှၤတဂၤအသိး, ဒီးအဝဲကတိၤတၢ်ဘၣ်ဃးတၢ်လၢကစၢ်ယွၤ ကစံးကတိၤဝဲလၢခါလၢအကဟဲအပူၤတဖၣ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.