လံာ်တၢ်ဂံၢ် 9:23 - Sgaw Karen Common Bible

²³ အဝဲသ့ၣ်သူၣ်ထီၣ်ဒဲဒီးရူၢ်လီၤသူၣ်ဒဲအလီၢ်န့ၣ်လၢတၢ်ဒိကနၣ် ယွၤအကလုၢ်ဒ်အကတိၤတၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 9:23 Iomraidhean Croise

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

စံးထီၣ်ပတြၢၤ 107:7

အဝဲဆှၢအီၤလၢကျဲလၢအလိၤအဘျၢတုၤ အဝဲသ့ၣ်လဲၤတုၤဆူဝ့ၢ် လၢကအိၣ်ဝဲဆိးဝဲလၢအပူၤန့ၣ်လီၤ.

စံးထီၣ်ပတြၢၤ 73:24

နဆှၢယၤလၢနတၢ်ကူၣ်ထီၣ်ဖးလီၤ ဒီးလၢခံက့ၤနကတူၢ်လိာ်ယၤလၢ တၢ်လၤတၢ်ကပီၤန့ၣ်လီၤ.

လံာ်တၢ်ဟးထီၣ်ကွံာ် 17:1

ဒီးပှၤအံၣ်စရ့လးဖိဒီဒူၣ်ဒီထၢဟးထီၣ်ကွံာ်လၢပှၢ်မုၢ်ကနၢ စံၤဒီးလဲၤဆူညါတတီၤဘၣ်တတီၤဒ်ကစၢ်ယွၤမၤလိာ်ဝဲအသိးန့ၣ်လီၤ. အဝဲသ့ၣ်သူၣ်လီၤအဒဲဖဲတၢ်လီၢ်ရဖံၤဒံၣ်န့ၣ်လီၤ. ဘၣ်ဆၣ်ဒီးဖဲန့ၣ်, ထံတအိၣ်လၢအဝဲသ့ၣ်ကအီဝဲအဂီၢ်ဘၣ်လီၤ.

လံာ်ယၡါယၤ 63:14

ဒ်ဂီၤဘုၣ်ဂီၤဖံးတဖၣ်ဘၣ်တၢ်ဆှၢနုာ်အီၤဆူဟီၣ်ခိၣ်ညၣ်ထ့ၣ် အတြီၤတပူၤအသိး, ယွၤဟ့ၣ်တ့ၢ်အပှၤဂီၢ်မုၢ်လၢတၢ်အိၣ်ဘှံးလီၤ. အဝဲဆှၢတ့ၢ်အပှၤဂီၢ်မုၢ်ဒီးဟဲစိာ်ဃီၤတၢ်လၤကပီၤလၢအမံၤအဂီၢ်လီၤ.

လံာ်ယဃ့းစက့လး 44:8

အဝဲသ့ၣ်တဟံးန့ၢ်ဘၣ်မူဒါလၢတၢ်ဘူၣ်တၢ်ဘါအလုၢ်အလၢ်စီဆှံ တဖၣ်လၢယတၢ်လုၢ်ဟံၣ်ပူၤအဂီၢ်ဘၣ်. အခိၣ်တလိာ်အဝဲသ့ၣ် ပာ်လီၤမူဒါလၢပှၤတခီဘီမုၢ်ဖိတဖၣ်အစုပူၤန့ၣ်လီၤ.

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်တၢ်ဂံၢ် 10:1

ဒီးယွၤစံးဘၣ်စီၤမိၤၡ့, “ပိာ်န့ၢ်ကွဲၤခံဖျၢၣ်လၢစ့ညၣ်လၢနကသူအီၤလၢတၢ်ကိးဖှိၣ် ပှၤဂီၢ်မုၢ်အဂီၢ်ဒီးလၢတၢ်ရူၢ်လီၤသူၣ်ဒဲအလီၢ်အဂီၢ်တက့ၢ်.

လံာ်တၢ်ဂံၢ် 10:13

တုၤယွၤဟ့ၣ်လီၤအကလုၢ်ခီဖျိစီၤမိၤၡ့န့ၣ်, အဝဲသ့ၣ်စးထီၣ်လဲၤတၢ်,

လံာ်တၢ်ဂံၢ် 9:19

ဖဲတၢ်အၢၣ်အိၣ်ဒံးလၢဒဲစီဆှံအဖီခိၣ်ဖးယံာ်န့ၣ်, အဝဲသ့ၣ်စူၢ်ယွၤအကလုၢ်ဒီးတသုးဘၣ်အသးဆူညါဘၣ်.

လံာ်စီၤယိၤၡူ 22:3

ဒီကတီၢ်ညါအံၤသုတလဲၤသဒၣ်သုဒီပုၢ်ဝဲၢ်ပှၤအံၣ်စရ့လးဖိတဖၣ် နီတစုဘၣ်န့ၣ်လီၤ. သုပာ်သူၣ်ပာ်သးလၢသုကဒိကနၣ်ယွၤသုက စၢ်အတၢ်မၤလိာ်တဖၣ်န့ၣ်လီၤ.