လံာ်တၢ်ဂံၢ် 9:2 - Sgaw Karen Common Bible

^2-3 “ဖဲလါအံၤထီၣ်တဆံလွံၢ်သီတသီအနံၤ, စးထီၣ်လၢမုၢ်လီၤနုာ်န့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်မၤဘူၣ်လဲၤကပာ်ဒ်အတၢ်သိၣ် တၢ်ဘျၢအိၣ်ဝဲဒၣ်အသိးန့ၣ်လီၤ.”

လံာ်တၢ်ဂံၢ် 9:2 Iomraidhean Croise

လံာ်စီၤပၤခံဘ့ၣ်တဘ့ၣ် 23:21

စီၤပၤယိၤၡံယၤဟ့ၣ်လီၤအကလုၢ်ဆူပှၤဂီၢ်မုၢ်လၢကမၤဘူၣ်လဲၤ ကပာ်, လၢတၢ်မၤလၤကပီၤယွၤ, အဝဲသ့ၣ်အကစၢ်ယွၤအဂီၢ်, ဒ်တၢ်ကွဲးအသးအိၣ်ဝဲလၢလံာ်တၢ်အၢၣ်လီၤအီလီၤအပူၤအသိးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:1

စီၤပၤယိၤၡံယၤမၤဘူၣ်လဲၤကပာ်လၢဝ့ၢ်ယရူၤရှလ့ၣ်အပူၤ, လၢတၢ်မၤလၤကပီၤယွၤအဂီၢ်န့ၣ်လီၤ. လၢလါအခီၣ်ထံးကတၢၢ်တလါတဆံလွံၢ်သီတသီန့ၣ် အဝဲသ့ၣ်မၤသံဆၣ်ဖိကီၢ်ဖိတဖၣ်လၢဘူၣ်အဂီၢ်န့ၣ်လီၤ.

လံာ်စီၤဧ့စြၤ 6:19

ပှၤဂီၢ်မုၢ်လၢအဟဲက့ၤကဒါက့ၤလၢတၢ်စိာ်မၢကဲကုၢ်န့ၣ်, မၤဘူၣ်လဲၤကပာ်ဖဲန့ၣ်ပိာ်ထွဲထီၣ်အခံလၢခံတနံၣ်လါအခီၣ်ထံး တလါထီၣ်တဆံလွံၢ်သီအနံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:5

ဘူၣ်လဲၤကပာ်န့ၣ်ဘၣ်တၢ်မၤအီၤလၢတၢ်မၤလၤကပီၤယွၤဒီးဘၣ်တၢ် စးထီၣ်မၤအီၤလၢလါခီၣ်ထံးတလါတဆံလွံၢ်နံၤတနံၤမုၢ်ဟါလီၤအကတီၢ်န့ၣ်လီၤ.

လံာ်တၢ်ဂံၢ် 28:16

တၢ်မၤလၤကပီၤယွၤအဘူၣ်လဲၤကပာ်န့ၣ်ကဘၣ်တၢ်မၤအီၤဖဲလါ အခီၣ်ထံးကတၢၢ်တလါထီၣ်တဆံလွံၢ်သီတသီအနံၤန့ၣ်လီၤ.

လံာ်မၢ်ကူး 14:12

ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်ဘၣ်ဝဲအခီၣ်ထံးတနံၤ, လၢအမ့ၢ်မုၢ်နံၤလၢတၢ်မၤသံဒီးလုၢ်ထီၣ်ဘူၣ်လဲၤကပာ်အသိဖိ န့ၣ်, ယ့ၣ်ၡူးအပျဲၢ်အဘီၣ်တဖၣ်သံကွၢ်အီၤ, “နအဲၣ်ဒိးလၢပကလဲၤကတဲာ်ကတီၤပာ်ဘူၣ်လဲၤကပာ်အတၢ် အီၣ်လၢနဂီၢ်ဖဲလဲၣ်တပူၤလဲၣ်.”

လံာ်လူၤကၣ် 22:7

မုၢ်နံၤမုၢ်သီဟဲတုၤအိၣ်ဝဲဒၣ်ဖဲဘူၣ်ကိၣ်တအိၣ်ဒီးကိၣ်မံၣ်အဆၢ ကတီၢ်, လၢသိဖိတဖၣ်ကဘၣ်တၢ်မၤသံအီၤလၢဘူၣ်လဲၤကပာ် အတၢ်အီၣ်အဂီၢ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.