လံာ်တၢ်ဂံၢ် 9:14 - Sgaw Karen Common Bible

¹⁴ ပှၤတခီဘီမုၢ်ဖိတဂၤလၢအအိၣ်လၢသုကျါမ့ၢ်သးအိၣ်မၤဘူၣ်လဲၤ ကပာ်န့ၣ်, အဝဲကဘၣ်မၤအီၤဒ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢ တဖၣ်အိၣ်ဝဲအသိးန့ၣ်လီၤ. ယူဒၤအတၢ်သိၣ်တၢ်သီတမံၤဃီအံၤဘၣ်ထွဲဒီးပှၤကိးဂၤဒဲးလၢ အမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤန့ၣ်လီၤ.

လံာ်တၢ်ဂံၢ် 9:14 Iomraidhean Croise

လံာ်စီၤဧ့စြၤ 6:21

ကယဲၢ်ပှၤအံၣ်စရ့လးဖိလၢအဟဲက့ၤလၢတၢ်စိာ်မၢကဲကုၢ်အလီၢ်, ဒီးပှၤလၢအညိကွံာ်ပှၤဂီၢ်မုၢ်လၢအအိၣ်ညအဆိးတ့ၢ်လၢထံကီၢ် အပူၤအတၢ်တစူၢ်တနာ်ယွၤအကျဲ, ဒီးပှၤတဖၣ်လၢအဟဲဒ်သိးကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤအီၣ်ကွံာ်တၢ်လုၢ်တၢ်ပာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 12:43

ဒီးယွၤစံးဘၣ်စီၤမိၤၡ့ဒီးစီၤအၤဟရိၣ်, “တၢ်တဖၣ်အံၤမ့ၢ်ဘူၣ်လဲၤကပာ်အကတၢ်သိၣ်တၢ်ဘျၢတဖၣ်လီၤ. ပှၤတခီဘီမုၢ်ဖိတဘၣ်အီၣ်ဘူၣ်လဲၤကပာ်အတၢ်အီၣ်နီတဂၤဘၣ်.

လံာ်တၢ်ဟးထီၣ်ကွံာ် 12:47

ကီၢ်အံၣ်စရ့လးအကမျၢၢ်ဒီဒူၣ်ကဘၣ်တိၢ်န့ၢ်မူးဖးဒိၣ်အံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:10

ဒဲးစပံးသၣ်လၢသုစပံးလီၢ်တုၤအလၢာ်တဂ့ၤ. ထၢထီၣ်စပံးသၣ်လၢအလီၤဆှုတဖၣ်လၢသုစပံးလီၢ်ပူၤတုၤ အလၢာ်တဂ့ၤ. သုကဘၣ်ပာ်တီၢ်အီၤလၢပှၤဖှီၣ်ဖိယာ်ဖိဒီးပှၤတ ခီဘီမုၢ်ဖိတဖၣ်အဂီၢ်န့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:25

ဆၣ်ဖိကီၢ်ဖိလၢတၢ်ပှ့ၤန့ၢ်အီၤလၢ ပှၤတခီဘီမုၢ်ဖိတဖၣ်အအိၣ်န့ၣ်လုၢ်ထီၣ်အီၤဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်သိးတဖၣ်န့ၣ်ဘၣ်တၢ်ပာ်အီၤဒ်ဆၣ်ဖိကီၢ်ဖိလၢ အအိၣ်ဒီးတၢ်လီၤတူာ်လီၤကာ်ဒီးတဘၣ်တၢ်တူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 24:22

ဒီးတၢ်သိၣ်တၢ်ဘျၢအံၤမ့ၢ်လၢပှၤအံၣ်စရ့လးဖိတဖၣ်အဂီၢ်ဒီးပှၤ တခီဘီမုၢ်ဖိတဖၣ်အဂီၢ်န့ၣ်လီၤ. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 25:15

ဒ်တၢ်သဘျ့အနံၣ်ပူၤကွံာ်ဝံၤဒ်နံၣ်တဖၣ်အတၢ်ဂံၢ်အသိးန့ၣ် နဘၣ်ပာ်တၢ်အပှ့ၤလၢတၢ်လၢနပှ့ၤလၢပှၤလၢနဃၢၤအအိၣ်န့ၣ်လီၤ. ဒ်တၤသူတၤသၣ်သၣ်ထီၣ်အနံၣ်အတၢ်ဂံၢ်အိၣ်ဝဲအသိးန့ၣ်အဝဲကဘၣ်ဆါ န့ၢ်နၤတၢ်လီၤ.

လံာ်တၢ်ဂံၢ် 15:15

တၢ်သိၣ်တၢ်ဘျၢတဖၣ်တမံၤဃီအံၤမ့ၢ်တၢ်ဂၢၢ်ဂၢၢ်ကျၢၤကျၢၤလၢသု ဂီၢ်အစိၤစိၤအဃၣ်ဃၣ်ဒီးလၢပှၤတခီဘီမုၢ်ဖိလၢအအိၣ်လၢသု ကျါအဂီၢ်စ့ၢ်ကီးန့ၣ်လီၤ. သုဝဲဒီးအဝဲသ့ၣ်မ့ၢ်တၢ်ဒ်သိးသိးလၢယွၤအမဲာ်ညါန့ၣ်လီၤ.

လံာ်တၢ်ဂံၢ် 15:16

တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်တမံၤဃီန့ၣ်မ့ၢ်တၢ်ဘၣ် ထွဲဒီးသုဒီးပှၤတခီဘီမုၢ်ဖိအဂီၢ်စ့ၢ်ကီးလီၤ.

လံာ်သိၣ်လီၤသီလီၤတၢ် 29:11

ပိာ်မုၣ်တဖၣ်ဒီးဖိသၣ်တဖၣ်, ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါ, လၢအကူာ်သ့ၣ်ဒီးစိာ်ထံလၢသုဂီၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 31:12

ကိးဖှိၣ်ဃီၤကယဲၢ်ပှၤပိာ်ခွါတဖၣ်, ပှၤပိာ်မုၣ်တဖၣ်, ပှၤဖိသၣ်တဖၣ်ဒီးပှၤတခီဘီမုၢ်ဖိတဖၣ်လၢအအိၣ်ဝဲဆိးဝဲလၢ သုဝ့ၢ်တဖၣ်အပူၤ, ဒ်သိးပှၤကိးဂၤဒဲးကနၢ်ဟူဘၣ်တၢ်အံၤဒီးမၤလိန့ၢ်လၢကယူးယီၣ်ပာ်ကဲယွၤ, သုကစၢ်ယွၤဒီးကစူၢ်အဝဲ အတၢ်သိၣ်လိတဖၣ်လၢတၢ်သူၣ်တီသးရၤအပူၤအဂီၢ်န့ၣ်တက့ၢ်.