လံာ်တၢ်ဂံၢ် 9:13 - Sgaw Karen Common Bible

¹³ ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.

လံာ်တၢ်ဂံၢ် 9:13 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:19

လၢနွံသီအတီၢ်ပူၤန့ၣ်ကိၣ်မံၣ်တဘၣ်အိၣ်လၢသုဟံၣ်တဖၣ်အပူၤ ဘၣ်. အဂ့ၢ်ဒ်အံၤ, ပှၤတဂၤလၢ်လၢ်လၢအအိၣ်ဖျဲၣ်ထီၣ်လၢကီၢ်ပူၤမ့ၢ် ဂ့ၤ, လၢတခီဘီမုၢ်ပူၤမ့ၢ်ဂ့ၤ, မ့ၢ်အီၣ်ကိၣ်လၢအဘၣ်တၢ်မၤအီလၢ ကိၣ်မံၣ်ဒီးအဝဲကဘၣ်တၢ်ညိကွံာ်အီၤလၢယပှၤကလုာ်အကျါန့ၣ်လီၤ.

လံာ်တၢ်ဟးထီၣ်ကွံာ် 12:47

ကီၢ်အံၣ်စရ့လးအကမျၢၢ်ဒီဒူၣ်ကဘၣ်တိၢ်န့ၢ်မူးဖးဒိၣ်အံၤန့ၣ်လီၤ.

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်တၢ်ဟးထီၣ်ကွံာ် 30:38

ပှၤတဂၤမ့ၢ်မၤဒိးတၢ်အံၤတမံၤမံၤလၢကသူဝဲဒ်သိနၢမူအသိးဒီး, အဝဲတဘၣ်တၢ်ပာ်လၢၤအီၤဒ်ပှၤလၢယပှၤဂီၢ်မုၢ်အကျါတဂၤအသိးလၢၤဘၣ်န့ၣ်လီၤ.”

လံာ်ယဃ့းစက့လး 23:49

ဒီးသုဝဲပှၤဒီပုၢ်ဝဲၢ်မုၣ်ခံဂၤဧၢ, ယကစံၣ်ညီၣ်သုလၢသုလုၢ် အၢလၢ်သီဒီးသုတၢ်ဒဲးဘးလၢအမ့ၢ်တၢ်ဘါထီၣ်တၢ်ဂီၤတၢ်ဖီၣ် တဖၣ်အဃိလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:4

လုၢ်သ့ၣ်ခါပတာ်တၢ်သိၣ်တၢ်ဘျၢန့ၣ်လီၤ. အဝဲမ့ၢ်ပှၤတဂၤလၢအဂၢ်လီၤတၢ်သွံၣ်, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 20:20

ပှၤလၢအမံဃုာ်ဒီးအဖါတံၢ်အမါန့ၣ်မ့ၢ်အမၤမဲာ်ဆှးအဖါတံၢ်လီၤ. အဝဲဒီးပိာ်မုၣ်န့ၣ်ကဘၣ်တူၢ်တၢ်စံၣ်ညီၣ်ဒီးကသံဝဲတူာ်ဖိလီၤ.

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:15

ဒီးနဘၣ်စံးဘၣ်ပှၤအံၣ်စရ့လးဖိ, ဖဲဒၣ်ပှၤလၢအဆိၣ်အၢကစၢ်ယွၤန့ၣ်ကတူၢ်ဘၣ်အတၢ်ဒဲးဘးန့ၣ်လီၤ.

လံာ်တၢ်ဂံၢ် 19:13

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါဒီးတမၤကဆှီ ဘၣ်အသးဒၣ်ဝဲန့ၣ်ကအိၣ်လီၤတဲာ်တ့ၢ်တကဆှီဘၣ်မ့ၢ်လၢထံလၢ အမၤကဆှီတၢ်န့ၣ်တဘၣ်တၢ်လူလီၤဒံးအီၤလၢအလိၤဘၣ်အဃိန့ၣ်လီၤ. အဝဲမၤဘၣ်အၢယွၤအဒဲစီဆှံဒီး အဝဲတဘၣ်တၢ်ပာ်အီၤဒ်ယွၤအပှၤဂီၢ်မုၢ်အကျါတဂၤလၢၤဘၣ်န့ၣ်လီၤ.

လံာ်တၢ်ဂံၢ် 19:20

ပှၤတဂၤလၢ်လၢ်လၢအကဲထီၣ်တၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အသိးမ့ၢ်တမၤကဆှီဘၣ်အသးဒၣ်ဝဲန့ၣ်ကမ့ၢ်ဒံးဒၣ်တၢ် တကဆှီဘၣ်, မ့ၢ်လၢထံမၤကဆှီတၢ်န့ၣ်တဘၣ်တၢ်လူလီၤ အီၤလၢအဖီခိၣ်ဒံးဘၣ်အဃိလီၤ. အဝဲမၤဘၣ်အၢယွၤအဒဲစီဆှံဒီးတဘၣ်တၢ်ပာ်လၢၤအီၤဒ်ပှၤတဂၤ လၢယွၤအပှၤဂီၢ်မုၢ်အကျါနီတစုလၢၤဘၣ်န့ၣ်လီၤ.

လံာ်တၢ်ဂံၢ် 5:31

ဝၤတဂၤကဘၣ်တၢ်ပျၢ်ဖျဲးအီၤလၢအတၢ်ကမၣ်, မ့မ့ၢ်ပိာ်မုၣ်တဂၤန့ၣ်, မ့ၢ်မၤကမၣ်တၢ်ဒီး, ကတူၢ်ဘၣ်တၢ်ဒ်အကြၢးဝဲဘၣ်ဝဲဒီးအီၤအသိးန့ၣ်လီၤ.

လံာ်တၢ်ဂံၢ် 9:7

ဒီးစံးဝဲဒၣ်, “ပတကဆှီဘၣ်လၢပထိးဘၣ်တၢ်သံစိၣ်တခါအဃိ လီၤ. ဘၣ်ဆၣ်ဒီးဘၣ်မနုၤအဃိလၢပကဘၣ်တၢ်ထုးထီၣ်ကွံာ် ပှၤလၢတၢ်လုၢ်ထီၣ်တၢ်လုၢ်မၤဘူၣ်ဆူယွၤအအိၣ်ဃုာ်ဒီးပှၤ အံၣ်စရ့လးဖိအဂၤန့ၣ်လဲၣ်.”

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

ဧ့ၤဘြံၤ 6:6

ဒီးတုၤအဝဲသ့ၣ်စူးကွံာ်ညိကွံာ်အတၢ်စူၢ်တၢ်နာ်န့ၣ်တၢ်ကဆှၢ ကဒါက့ၤကဒီးအီၤဆူတၢ်ပီၢ်ယၢ်လီၤက့ၤအသးန့ၣ်တသ့ဘၣ်. မ့ၢ်လၢ အဝဲသ့ၣ်ပျၤထီကဒီးကစၢ်ယွၤအဖိခွါဒီး မၤမဲာ်ဆှးအီၤလၢကမျၢၢ်အမဲာ်ညါအဃိန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.