လံာ်တၢ်ဂံၢ် 7:9 - Sgaw Karen Common Bible

⁹ ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.

လံာ်တၢ်ဂံၢ် 7:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:13

ဖဲပှၤတဖၣ်လၢအစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ ခါထီၣ်အခီၣ်ကါဃုကါဝံၤအလီၢ်ခံန့ၣ်, စီၤဒၤဝံးမၢအအိၣ်ကတီၢ်ဖဲအဝဲလုၢ်ထီၣ်ပာ်ထီၣ်ကျီၢ်ဖါတဒု ဒီးဂီၤဖံးဖိအဘီၣ်တဒုဆူယွၤအအိၣ်အခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:3

အဝဲသ့ၣ်ဟံးထီၣ်အီၤလၢစီၤအဘံနဒၤအဟံၣ်လၢအအိၣ်ဝဲလၢ ကစၢၢ်ဒီခိၣ်န့ၣ်ဒီးပာ်ထီၣ်အီၤလၢလ့ၣ်အသီတဆိအလိၤန့ၣ်လီၤ. စီၤအဘံနဒၤအဖိခွါတဖၣ်လၢအမ့ၢ် စီၤဧူးစၤဒီးစီၤအဃံယိၤ ဆှၢလ့ၣ်န့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 6:6

ဖဲအဝဲသ့ၣ်ဟဲတုၤဝဲဆူစီၤနၤကိၢ်အကြဲၢ်ပူၤန့ၣ်မ့ၢ်လၢဂီၤ ဖံးဖါတဖၣ်အခီၣ်ဘၣ်တိၢ်အဃိ, စီၤဧူးစၤယူာ်ထီၣ်အစုဒီးဖီၣ်ဃာ် ယွၤအတၢ်အၢၣ်လီၤအီလီၤအတလါစီဆှံန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:3

တုၤပှၤခိၣ်ပှၤနၢ်တဖၣ်အိၣ်ဖှိၣ်ရိဖှိၣ်ဝဲန့ၣ်ပှၤလုၢ်တၢ်အခိၣ် တဖၣ်စိာ်ထီၣ်ယွၤအတၢ်အၢၣ်လီၤအီလီၤအတလါ,

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 15:3

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်ပှၤအံၣ်စရ့လး ဖိခဲလၢာ်လၢဝ့ၢ်ယရူၤၡလ့ၣ်ဒ်သိးအကဟဲစိာ်တၢ်အၢၣ်လီၤအီလီၤ အတလါဆူတၢ်လီၢ်လၢအကတဲာ်ကတီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:26

လၢတၢ်န့ၣ်အဃိ, အလီၢ်တအိၣ်လၢၤနီတဘျီလၢပှၤလ့ၤဝံဖိ တဖၣ်တဘၣ်စိာ်လၢၤဒဲစီဆှံလၢယွၤအိၣ်ဝဲဆိးဝဲဒီးတၢ်အဃၢၤ အဃိာ်လၢတၢ်သူအီၤလၢတၢ်ဘူၣ်တၢ်ဘါအပူၤန့ၣ်ဘၣ်.”

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.