လံာ်တၢ်ဂံၢ် 7:84 - Sgaw Karen Common Bible

^84-88 တၢ်လုၢ်မၤဘူၣ်ခဲလၢာ်ပာ်ဖှိၣ်လၢပှၤအခိၣ်တဆံခံဂၤဟဲစိာ်တ့ၢ် ဝဲလၢတၢ်ပာ်စီဆှံထီၣ်တၢ်လုၢ်လီၢ်အဂီၢ်မ့ၢ်ဒ်အဖီလာ်အံၤအသိး န့ၣ်လီၤ. သလၢစ့တဆံခံဖျၢၣ်ဒီးသီတ့ၤစ့တဆံခံဘ့ၣ်လၢအလီၤတယၢၢ်ဃၢ ခဲလၢာ်ၡက့လးခံကထိလွံၢ်ကယၤ လီခီထူတဆံခံဖျၢၣ်လၢအလီၤတယၢၢ်ဃၢဝဲခဲလၢာ်ၡက့လးတကယၤ ခံဆံပှဲၤဒီးတၢ်နၢမူ, ကျီၢ်ဖါတဆံခံဒု, သိဖါတဆံခံဒု, သိဖိအသးအိၣ်တနံၣ်တဆံ ခံဒုဃုာ်ဒီးတၢ်လုၢ်မၤဘူၣ်ကိၣ်တဖၣ်လၢကဘၣ်တၢ်လုၢ်ထီၣ်ဃုာ် အီၤလၢတၢ်လုၢ်မ့ၣ်အူတဖၣ်အဂီၢ်န့ၣ်လီၤ. မဲာ်တဲးလဲးတဆံခံဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ် ကျီၢ်ဖါခံဆံလွံၢ်ဒု, သိဖါဃုဆံ, မဲာ်တဲးလဲးဃုဆံ, သိဖိ အသးအိၣ်တနံၣ်ဃုဆံ, လၢတၢ်လုၢ်မၤဃူမၤဖိးအဂီၢ်န့ၣ်လီၤ.

လံာ်တၢ်ဂံၢ် 7:84 Iomraidhean Croise

လံာ်တၢ်ဟးထီၣ်ကွံာ် 25:29

မၤန့ၢ်လီခီတဖၣ်, ထံခွးတဖၣ်, ကိတဖၣ်ဒီးသလၢတဖၣ်လၢတၢ်ကသူ အီၤလၢတၢ်လုၢ်မၤဘူၣ်စပံးထံအဂီၢ်တက့ၢ်. ကယဲၢ်တၢ်ကိးမံၤဒဲးအံၤကဘၣ်တၢ်မၤအီၤလၢထူစီန့ၣ်လီၤ.

လံာ်တၢ်ဂံၢ် 7:1

မုၢ်တနံၤလၢစီၤမိၤၡ့ထီထီၣ်ယွၤအိၣ်ဝဲဆိးဝဲအဒဲစီဆှံ ဝံၤဝဲန့ၣ်, အဝဲဖှူဒီးပာ်စီဆှံထီၣ်ဒဲစီဆှံန့ၣ်ဒီးကယဲၢ် အတၢ်ပီးတၢ်လီတဖၣ်, ဒီးတၢ်လုၢ်လီၢ်ဒီးအတၢ်ပီး တၢ်လီခဲလၢာ်န့ၣ်လီၤ.

လံာ်တၢ်ဂံၢ် 7:10

ပှၤခိၣ်ပှၤနၢ်တဖၣ်ဟဲစိာ်စ့ၢ်ကီးတၢ်လုၢ်မၤဘူၣ်တဖၣ်လၢတၢ်ကမၤ တၢ်ပာ်စီဆှံထီၣ်တၢ်လုၢ်လီၢ်အမူးအဂီၢ်န့ၣ်လီၤ. ဖဲအဝဲသ့ၣ်အိၣ်ကတဲာ်ကတီၤလံအသးလၢကဟ့ၣ်ထီၣ်အတၢ်ဟ့ၣ်သ့ၣ် တဖၣ်ဖဲတၢ်လုၢ်လီၢ်အခါန့ၣ်,

ဧ့ၤဘြံၤ 13:10

ပှၤလုၢ်တၢ်အခိၣ်တဖၣ်လၢအမၤတၢ်လၢပှၤယူဒၤဖိအတၢ် ဘူၣ်တၢ်ဘါအလီၢ်န့ၣ်, တအိၣ်ဘၣ်ဒီးတၢ်အခွဲးအယာ်လၢအကအီၣ်တၢ်လၢပပာ်ထီၣ် ဝဲလၢပတၢ်လုၢ်လီၢ်အဖီခိၣ်န့ၣ်ဘၣ်.

လံာ်လီၣ်ဖျါ 21:14

ဝ့ၢ်တဖျၢၣ်န့ၣ်အတၢ်ဒူၣ်ဘၣ်တၢ်သူၣ်ထီၣ်အီၤလၢလၢၢ် အခီၣ်ထံးတဆံခံဖျၢၣ်အဖီခိၣ်, ဒီးလၢလၢၢ်အခီၣ်ထံးတဖၣ်န့ၣ် အလိၤ, သိဖိအပှၤတၢ်မၢဖိတဆံခံဂၤအမံၤတဖၣ်အိၣ်ကွဲး အသးလီၤ.