လံာ်တၢ်ဂံၢ် 7:10 - Sgaw Karen Common Bible

¹⁰ ပှၤခိၣ်ပှၤနၢ်တဖၣ်ဟဲစိာ်စ့ၢ်ကီးတၢ်လုၢ်မၤဘူၣ်တဖၣ်လၢတၢ်ကမၤ တၢ်ပာ်စီဆှံထီၣ်တၢ်လုၢ်လီၢ်အမူးအဂီၢ်န့ၣ်လီၤ. ဖဲအဝဲသ့ၣ်အိၣ်ကတဲာ်ကတီၤလံအသးလၢကဟ့ၣ်ထီၣ်အတၢ်ဟ့ၣ်သ့ၣ် တဖၣ်ဖဲတၢ်လုၢ်လီၢ်အခါန့ၣ်,

လံာ်တၢ်ဂံၢ် 7:10 Iomraidhean Croise

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:5

အဝဲလုၢ်ထီၣ်ဝဲ, ဂီၤဖံးအဒုခံကလးခံကထိ, ဒီးသိအဒုတကလီၤခံကလးလၢတၢ်လုၢ်မၤဃူမၤဖိးတဖၣ်အဂီၢ်န့ၣ် လီၤ. ဒီးလၢတၢ်န့ၣ်အဃိအဝဲဒီးပှၤဂီၢ်မုၢ်ခဲလၢာ်ပာ်စီဆှံယွၤ အတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:9

လၢတၢ်ပာ်စီဆှံတၢ်လုၢ်လီၢ်အဂီၢ်, အဝဲသ့ၣ်မၤလၢာ်တၢ်ဆၢကတီၢ် နွံသီ, ဒီးလၢမူးပွဲအဂီၢ်မၤလၢာ်အါထီၣ်ကဒီးဝဲနွံသီန့ၣ်လီၤ. လၢခံကတၢၢ်တနံၤန့ၣ်အဝဲသ့ၣ်အိၣ်ဒီးတၢ်မၤကတၢၢ်က့ၤအမူး,

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

စံးထီၣ်ပတြၢၤ 30:1

ယွၤဧၢ, ယပာ်ထီၣ်ထီနၤ, မ့ၢ်လၢနမၤပူၤဖျဲးယၤ, ဒီးတပျဲယဒုၣ်ယဒါသးခုလၢ ယဖီခိၣ်အဃိန့ၣ်လီၤ.

လံာ်တၢ်ဂံၢ် 7:1

မုၢ်တနံၤလၢစီၤမိၤၡ့ထီထီၣ်ယွၤအိၣ်ဝဲဆိးဝဲအဒဲစီဆှံ ဝံၤဝဲန့ၣ်, အဝဲဖှူဒီးပာ်စီဆှံထီၣ်ဒဲစီဆှံန့ၣ်ဒီးကယဲၢ် အတၢ်ပီးတၢ်လီတဖၣ်, ဒီးတၢ်လုၢ်လီၢ်ဒီးအတၢ်ပီး တၢ်လီခဲလၢာ်န့ၣ်လီၤ.

လံာ်တၢ်ဂံၢ် 7:11

ယွၤစံးဘၣ်စီၤမိၤၡ့, “တဲဘၣ်အဝဲသ့ၣ်လၢကိးမုၢ်နံၤဒဲး လၢတဆံခံသီအတီၢ်ပူၤန့ၣ်, ခိၣ်နၢ်တဖၣ်အကျါတဂၤကဘၣ်ဟ့ၣ်ထီၣ်အတၢ်ဟ့ၣ်တဖၣ် လၢတၢ်ပာ်စီဆှံတၢ်လုၢ်လီၢ်အဂီၢ်န့ၣ်တက့ၢ်.”

လံာ်တၢ်ဂံၢ် 7:84

တၢ်လုၢ်မၤဘူၣ်ခဲလၢာ်ပာ်ဖှိၣ်လၢပှၤအခိၣ်တဆံခံဂၤဟဲစိာ်တ့ၢ် ဝဲလၢတၢ်ပာ်စီဆှံထီၣ်တၢ်လုၢ်လီၢ်အဂီၢ်မ့ၢ်ဒ်အဖီလာ်အံၤအသိး န့ၣ်လီၤ. သလၢစ့တဆံခံဖျၢၣ်ဒီးသီတ့ၤစ့တဆံခံဘ့ၣ်လၢအလီၤတယၢၢ်ဃၢ ခဲလၢာ်ၡက့လးခံကထိလွံၢ်ကယၤ လီခီထူတဆံခံဖျၢၣ်လၢအလီၤတယၢၢ်ဃၢဝဲခဲလၢာ်ၡက့လးတကယၤ ခံဆံပှဲၤဒီးတၢ်နၢမူ, ကျီၢ်ဖါတဆံခံဒု, သိဖါတဆံခံဒု, သိဖိအသးအိၣ်တနံၣ်တဆံ ခံဒုဃုာ်ဒီးတၢ်လုၢ်မၤဘူၣ်ကိၣ်တဖၣ်လၢကဘၣ်တၢ်လုၢ်ထီၣ်ဃုာ် အီၤလၢတၢ်လုၢ်မ့ၣ်အူတဖၣ်အဂီၢ်န့ၣ်လီၤ. မဲာ်တဲးလဲးတဆံခံဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ် ကျီၢ်ဖါခံဆံလွံၢ်ဒု, သိဖါဃုဆံ, မဲာ်တဲးလဲးဃုဆံ, သိဖိ အသးအိၣ်တနံၣ်ဃုဆံ, လၢတၢ်လုၢ်မၤဃူမၤဖိးအဂီၢ်န့ၣ်လီၤ.

လံာ်သိၣ်လီၤသီလီၤတၢ် 20:5

ဝံၤဒီးသုးခိၣ်သုးနၢ်တဖၣ်ကကတိၤလီၤတၢ်ဆူပှၤတဖၣ်ဒီးစံး, ဖဲအံၤ, မ့ၢ်ပှၤအိၣ်တဂၤဂၤလၢအဘှီထီၣ်ဟံၣ်တဖျၢၣ်ဝံၤဒၣ်သီသီ ဖိဒီးတပာ်စီဆှံဘၣ်ဒံးအီၤန့ၣ်ဧါ. မ့ၢ်အိၣ်ဒီး, အဝဲသ့ၣ်ကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲမ့ၢ်ဘၣ်တၢ်မၤသံအီၤလၢတၢ်ဒုးအပူၤဒီးပှၤအဂၤတဂၤကပာ်စီ ဆှံကွံာ်အဟံၣ်န့ၣ်လီၤ.