လံာ်တၢ်ဂံၢ် 7:1 - Sgaw Karen Common Bible

¹ မုၢ်တနံၤလၢစီၤမိၤၡ့ထီထီၣ်ယွၤအိၣ်ဝဲဆိးဝဲအဒဲစီဆှံ ဝံၤဝဲန့ၣ်, အဝဲဖှူဒီးပာ်စီဆှံထီၣ်ဒဲစီဆှံန့ၣ်ဒီးကယဲၢ် အတၢ်ပီးတၢ်လီတဖၣ်, ဒီးတၢ်လုၢ်လီၢ်ဒီးအတၢ်ပီး တၢ်လီခဲလၢာ်န့ၣ်လီၤ.

လံာ်တၢ်ဂံၢ် 7:1 Iomraidhean Croise

လံာ်တၢ်ကဲထီၣ်အခီၣ်ထံး 2:3

အဝဲဆိၣ်ဂ့ၤတ့ၢ်မုၢ်နွံနံၤတနံၤဒီးပာ်လီၤဆီဝဲဒ်အမ့ၢ်မုၢ်နံၤလီၤဆီတနံၤအသိးလီၤ. အဂ့ၢ်ဒ်အံၤ, တုၤမုၢ်နံၤအဝဲန့ၣ်န့ၣ်, အဝဲမၤဝံၤကွံာ်အတၢ်တ့လီၤပာ်လီၤဒီးဆိကတီၢ်လၢအတၢ်မၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:64

ဖဲမုၢ်တနံၤဃီအံၤန့ၣ်, အဝဲပာ်စီဆှံထီၣ်စ့ၢ်ကီးတၢ်လီၢ်လၢ ဂၢၤအခၢၣ်သးတတီၤ, တၢ်လီၢ်လၢအအိၣ်ဖဲယွၤအတၢ်လုၢ်ဟံၣ်အမဲာ်ညါ, ဝံၤဒီးဖဲန့ၣ်အဝဲလုၢ်ထီၣ်တၢ်လုၢ်တဖၣ်လၢတၢ်ဆူးကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ်ဒီးဆၣ်ဖိကီၢ်ဖိတဖၣ်အသိလၢတၢ် လုၢ်မၤဃူမၤဖိးအဂီၢ်န့ၣ်လီၤ. အဝဲမၤဝဲဒ်အံၤမ့ၢ်လၢတိၢ်ဘီတၢ်လုၢ်လီၢ်န့ၣ်ဆံးကဲာ်ဆိးလၢ တၢ်လုၢ်တဖၣ်အံၤခဲလၢာ်အဂီၢ်အဃိန့ၣ်လီၤ.

လံာ်တၢ်ဟးထီၣ်ကွံာ် 29:36

နကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်တၢ်ပာ်တမံၤအသိးကိးနံၤ ဒဲးဒ်သိးတၢ်ဒဲးဘးကဘၣ်တၢ်ပျၢ်ကွံာ်အီၤလီၤ. တၢ်အံၤကမၤကဆှီထီၣ်တၢ်လုၢ်လီၢ်န့ၣ်လီၤ. အန့ၣ်ဝံၤဒီးနကဘၣ်ဖှူအီၤလၢသ့ၣ်စၤယံးအသိလၢတၢ်မၤစီဆှံ အီၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 40:11

ပာ်စီဆှံထီၣ်စ့ၢ်ကီးသရာ်လၢတၢ်သ့စီအဂီၢ်ဒီးအခီၣ်ထံးဒ်န့ၣ်အသိးတက့ၢ်.

လံာ်တၢ်ဂံၢ် 7:10

ပှၤခိၣ်ပှၤနၢ်တဖၣ်ဟဲစိာ်စ့ၢ်ကီးတၢ်လုၢ်မၤဘူၣ်တဖၣ်လၢတၢ်ကမၤ တၢ်ပာ်စီဆှံထီၣ်တၢ်လုၢ်လီၢ်အမူးအဂီၢ်န့ၣ်လီၤ. ဖဲအဝဲသ့ၣ်အိၣ်ကတဲာ်ကတီၤလံအသးလၢကဟ့ၣ်ထီၣ်အတၢ်ဟ့ၣ်သ့ၣ် တဖၣ်ဖဲတၢ်လုၢ်လီၢ်အခါန့ၣ်,

လံာ်တၢ်ဂံၢ် 7:84

တၢ်လုၢ်မၤဘူၣ်ခဲလၢာ်ပာ်ဖှိၣ်လၢပှၤအခိၣ်တဆံခံဂၤဟဲစိာ်တ့ၢ် ဝဲလၢတၢ်ပာ်စီဆှံထီၣ်တၢ်လုၢ်လီၢ်အဂီၢ်မ့ၢ်ဒ်အဖီလာ်အံၤအသိး န့ၣ်လီၤ. သလၢစ့တဆံခံဖျၢၣ်ဒီးသီတ့ၤစ့တဆံခံဘ့ၣ်လၢအလီၤတယၢၢ်ဃၢ ခဲလၢာ်ၡက့လးခံကထိလွံၢ်ကယၤ လီခီထူတဆံခံဖျၢၣ်လၢအလီၤတယၢၢ်ဃၢဝဲခဲလၢာ်ၡက့လးတကယၤ ခံဆံပှဲၤဒီးတၢ်နၢမူ, ကျီၢ်ဖါတဆံခံဒု, သိဖါတဆံခံဒု, သိဖိအသးအိၣ်တနံၣ်တဆံ ခံဒုဃုာ်ဒီးတၢ်လုၢ်မၤဘူၣ်ကိၣ်တဖၣ်လၢကဘၣ်တၢ်လုၢ်ထီၣ်ဃုာ် အီၤလၢတၢ်လုၢ်မ့ၣ်အူတဖၣ်အဂီၢ်န့ၣ်လီၤ. မဲာ်တဲးလဲးတဆံခံဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ် ကျီၢ်ဖါခံဆံလွံၢ်ဒု, သိဖါဃုဆံ, မဲာ်တဲးလဲးဃုဆံ, သိဖိ အသးအိၣ်တနံၣ်ဃုဆံ, လၢတၢ်လုၢ်မၤဃူမၤဖိးအဂီၢ်န့ၣ်လီၤ.

လံာ်မးသဲ 23:19

ပှၤမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်, မ့ၢ်တၢ်လုၢ်ဧါ. မ့တမ့ၢ်ဘၣ်ဒီး တၢ်လုၢ်လီၢ်လၢအမၤစီဆှံထီၣ်တၢ်လုၢ်န့ၣ်လဲၣ်.