လံာ်တၢ်ဂံၢ် 6:5 - Sgaw Karen Common Bible

⁵ မုၢ်နံၤတဖၣ်ဖဲအဝဲအိၣ်ဒံးလၢပှၤနစၤရံဖိတဂၤအတၢ်ဆိၣ်အပူၤ န့ၣ်အဝဲတဘၣ်တံာ်အခိၣ်သူမ့ၢ်ဂ့ၤ, လူၤအီၤမ့ၢ်ဂ့ၤဘၣ်. အဝဲဘၣ်တၢ်စၢဃာ်အီၤလၢတၢ်ဆိၣ်လီၤသးန့ၣ်လၢအဝဲပာ်စီဆှံ ထီၣ်အသးဆူယွၤလၢာ်ဆၢလၢာ်ကတီၢ်အဃိဒီးကဘၣ်ပျဲအခိၣ်သူဒီး အခၣ်ဆူၣ်ထီထီၣ်ဝဲဒၣ်န့ၣ်လီၤ.

လံာ်တၢ်ဂံၢ် 6:5 Iomraidhean Croise

လံာ်ယဃ့းစက့လး 44:20

ပှၤလုၢ်တၢ်အခိၣ်တဖၣ်တဘၣ်လူၤအခိၣ်မ့ၢ်ဂ့ၤ, တဘၣ်ပာ်ထီအခိၣ်သူမ့ၢ်ဂ့ၤန့ၣ်ဘၣ်. အဝဲသ့ၣ်ကပာ်ဒၣ်အီၤထီဖဲအကြၢးဝဲဘၣ်ဝဲန့ၣ်လီၤ.

လံာ်တၢ်ဂံၢ် 6:4

ကယဲၢ်မုၢ်နံၤတဖၣ်လၢအဝဲမ့ၢ်ဒံးပှၤနစၤရံဖိတဂၤန့ၣ်အဝဲတဘၣ် အီၣ်တၢ်ဟဲလၢစပံးအမုၢ်, စပံးသၣ်အဖံးမ့တမ့ၢ်, အချံဒၣ်လဲာ်ဘၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

လံာ်ပှၤစံၣ်ညီၣ်ကွီၢ် 13:5

ဒီးဖဲနဖိခွါအိၣ်ဖျဲၣ်ထီၣ်လံန့ၣ်နတဘၣ်တံာ်တဲာ်အခိၣ်သူနီတစုဘၣ်. အဂ့ၢ်ဒ်အံၤ, စးထီၣ်လၢအအိၣ်ဖျဲၣ်ထီၣ်မုၢ်တနံၤန့ၣ် အဝဲကဘၣ်တၢ်ပာ်စီဆှံအီၤဆူယွၤအအိၣ်ဒ်ပှၤနစၤရံဖိတဂၤအသိးန့ၣ်လီၤ. အဝဲကစးထီၣ်တၢ်ဖံးတၢ်မၤလၢတၢ်အုၣ်က့ၤခီၣ်က့ၤကီၢ်အံၣ်စရ့လးလၢပှၤဖလ့ၡသးဖိ အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:17

တုၤဒၣ်လဲာ်လၢခံကတၢၢ်န့ၣ်တဲဘၣ်ပိာ်မုၣ်န့ၣ်လၢတၢ်မ့ၢ်တၢ်တီ, “ယခိၣ်သူန့ၣ်တဘၣ်တၢ်လူၤအီၤနီတစုဘၣ်. ယဘၣ်တၢ်ပာ်စီဆှံထီၣ်ယၤဆူကစၢ်ယွၤအအိၣ် ဒ်ပှၤနစၤရံဖိတဂၤအသိးစးထီၣ်လၢယအိၣ်ဖျဲၣ်ထီၣ်အကတီၢ်န့ၣ်လီၤ. ယခိၣ်သူမ့ၢ်ဘၣ်တၢ်လူၤအီၤဒီး ယဂံၢ်ယဘါကလီၤမၢ်ကွံာ်ဝဲဒီးယဂံၢ်ယဘါကစၢ်လီၤဝဲဒ်ပှၤဂၤအသိး န့ၣ်လီၤ.”

လံာ်ပှၤစံၣ်ညီၣ်ကွီၢ် 16:19

ဒီးနီၢ်ဒလံလၤမၤမံစီၤၡံၣ်ၡိၣ်လၢအကံၣ်ဒုၣ်အလိၤဝံၤဒီး ကိးန့ၢ်ပှၤတဂၤလၢကလူၤကွံာ်စီၤၡံၣ်ၡိၣ်အခိၣ်သူနွံပျ့န့ၣ်လီၤ. ဒီးပိာ်မုၣ်န့ၣ်စးထီၣ်မၤဆါအီၤနးနးကလဲာ်မ့ၢ်လၢ အဂံၢ်အဘါလီၤမၢ်ကွံာ်ဝဲအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”