လံာ်တၢ်ဂံၢ် 6:3 - Sgaw Karen Common Bible

³ ကဘၣ်ဟးဆှဲးစပံးထံဒီးသံးန့ၣ်လီၤ. အဝဲတဘၣ်အီကယဲၢ်တၢ်အီတမံၤလၢ်လၢ်လၢတၢ်မၤ အီၤလၢစပံးသၣ်မ့ၢ်ဂ့ၤ, တဘၣ်အီၣ်စပံးသၣ်မ့ၢ်ဂ့ၤ, စပံးသၣ် အဃ့မ့ၢ်ဂ့ၤနီတမံၤဘၣ်.

လံာ်တၢ်ဂံၢ် 6:3 Iomraidhean Croise

လံာ်ဧၤမိၣ် 2:11

ပှၤအံၣ်စရ့လးဖိသ့ၣ်ဧၢ, ယဃုထၢတ့ၢ်လံသုဖိခွါတနီၤလၢဝံ, ဒီးသုပှၤသးစၢ်တနီၤလၢပှၤနစၤရံ ဖိလီၤ. တၢ်အံၤတမ့ၢ်ဘၣ်ဧါ. ယၤ, ယွၤ, စံးတ့ၢ်လံတၢ်လံ.

လံာ်ဧၤမိၣ် 2:12

ဘၣ်ဆၣ်ဒီးသုမၤတ့ၢ်တုၤပှၤနစၤရံဖိတဖၣ် အီစပံးထံဒီးသုမၤလိာ်တ့ၢ်ဝံတဖၣ်လၢအသုတကတိၤယတၢ် ကစီၣ်တဂ့ၤလီၤ.

လံာ်တၢ်ဂံၢ် 6:4

ကယဲၢ်မုၢ်နံၤတဖၣ်လၢအဝဲမ့ၢ်ဒံးပှၤနစၤရံဖိတဂၤန့ၣ်အဝဲတဘၣ် အီၣ်တၢ်ဟဲလၢစပံးအမုၢ်, စပံးသၣ်အဖံးမ့တမ့ၢ်, အချံဒၣ်လဲာ်ဘၣ်လီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.

၁ တံၤမသ့း 5:23

တဘၣ်အီထဲထံတဂ့ၤ, မ့မ့ၢ်အီစပံးထံတဆံးတက့ၢ်လၢကမၤစၢၤ နကဖုအဂီၢ်, မ့ၢ်လၢနဆိးက့တလီၢ်လီၢ်အဃိန့ၣ်တက့ၢ်.

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

လံာ်ပှၤစံၣ်ညီၣ်ကွီၢ် 13:14

အဝဲတဘၣ်အီၣ်တၢ်ဟဲလၢစပံးထူၣ်မ့ၢ်ဂ့ၤ, အဝဲတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တဘၣ်အီၣ်တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဝဲကဘၣ်မၤတၢ်ကိးမံၤဒဲးလၢယတဲဘၣ်အီၤတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 13:4

ပလီၢ်နသးဒ်သိးနသုတအီဘၣ်သံးမ့ၢ်ဂ့ၤစပံးထံမ့ၢ်ဂ့ၤ, အီၣ်ဘၣ်တၢ်အီၣ်လၢတၢ်တြီအီၤမ့ၢ်ဂ့ၤနီတမံၤဘၣ်န့ၣ်တက့ၢ်.