လံာ်တၢ်ဂံၢ် 6:27 - Sgaw Karen Common Bible

²⁷ ဒီးယွၤစံးဝဲဒၣ်, “အဝဲသ့ၣ်မ့ၢ်ကိးထီၣ်ယမံၤဒ်တၢ်ဆိၣ်ဂ့ၤ တမံၤအသိးလၢကီၢ်အံၣ်စရ့လးအပှၤဂီၢ်မုၢ်အဂီၢ်ဒီးယကဆိၣ်ဂ့ၤ အဝဲသ့ၣ်န့ၣ်လီၤ.”

လံာ်တၢ်ဂံၢ် 6:27 Iomraidhean Croise

လံာ်တၢ်ကဲထီၣ်အခီၣ်ထံး 32:26

ပှၤတဂၤန့ၣ်စံးဘၣ်အီၤ, “ပျၢ်ယၤတက့ၢ်. မုၢ်ဆ့ၣ်ထီၣ်လံ.” ဒီးစီၤယၤကိာ်စံးဆၢအီၤ, “မ့တမ့ၢ်ဘၣ်လၢနဆိၣ်ဂ့ၤယၤဘၣ် န့ၣ်, ယတပျၢ်နၤဘၣ်.”

လံာ်တၢ်ကဲထီၣ်အခီၣ်ထံး 32:29

စီၤယၤကိာ်စံးဘၣ်အီၤ, “ခဲကနံၣ်အံၤတဲယၤလၢနမံၤတက့ၢ်.” ဘၣ်ဆၣ်အဝဲသံကွၢ်ဝဲ, “ဘၣ်မနုၤလၢနအဲၣ်ဒိးသ့ၣ်ညါယမံၤန့ၣ် လဲၣ်.” ဒီးအဝဲဆိၣ်ဂ့ၤစီၤယၤကိာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:14

အဝဲသ့ၣ်မ့ၢ်ဘါထုကဖၣ်တၢ်ဆူယအိၣ်ဒီးပီၢ်ယၢ်လီၤက့ၤအသးဒီး ဃၣ်က့ၤအသးလၢတၢ်မၤအအၢတဖၣ်လၢအမၤတ့ၢ်ဝဲန့ၣ်ဒီး, အန့ၣ်တစု, ယကဒိကနၣ်အီၤလၢမူခိၣ်ဒီးပျၢ်ကွံာ်အဝဲသ့ၣ်အတၢ် ဒဲးဘးတဖၣ်, ဒီးဒုးဘီၣ်ထီၣ်ညီထီၣ်အထံဧိၤကီၢ်ဧိၤတဘျီ ကဒီးန့ၣ်လီၤ.

စံးထီၣ်ပတြၢၤ 5:12

အဂ့ၢ်ဒ်အံၤ, ယွၤဧၢ, နဆိၣ်ဂ့ၤပှၤအတီအလိၤ, နတၢ်အဲၣ်ကဟုဘံၣ်ကယာ်ဘၢအီၤ ဒ်ကတီၤတဘ့ၣ်အသိးန့ၣ်လီၤ.

စံးထီၣ်ပတြၢၤ 67:7

ကစၢ်ယွၤဆိၣ်ဂ့ၤတ့ၢ်လံပှၤလံ. မ်ပှၤခဲလၢာ်လၢတၢ်လီၢ်ကိးပူၤဒဲးပျံၤအီၤတက့ၢ်.

လံာ်တၢ်ဟးထီၣ်ကွံာ် 6:3

ယလီၣ်ဖျါထီၣ်တ့ၢ်ယသးဆူစီၤအၤဘြၤဟၣ်, စီၤအံၤစဲးဒီး စီၤယၤကိာ်ဒ်သ့တၢ်လၢာ်ကစၢ်ယွၤအသိးန့ၣ်လီၤ. ဘၣ်ဆၣ်ဒီးယတဒုးသ့ၣ်ညါယသးလၢအဝဲသ့ၣ်ခီဖျိယမံၤစီဆှံ, ယွၤန့ၣ်ဘၣ်.

လံာ်ယၡါယၤ 43:7

အဝဲသ့ၣ်မ့ၢ်ယပှၤဂီၢ်မုၢ်ဒၣ်ယဲ, ဒီးယတ့လီၤပာ်လီၤတ့ၢ်အဝဲသ့ၣ်လၢကဟဲစိာ်န့ၢ်ယၤတၢ်လၤကပီၤ န့ၣ်လီၤ.”

လံာ်ယံးရမံယၤ 14:9

ဘၣ်မနုၤအဃိနလီၤဂာ်ဒ်ပှၤတဂၤလၢအကမၢကမၣ်ဒီးသးလီၤကတုၤအသိး, နလီၤဂာ်ဒ်ပှၤသုးဖိတဂၤလၢတအိၣ်ဒီးအစိကမီၤလၢ ကမၤစၢၤတၢ်အသိးန့ၣ်လဲၣ်. ယွၤဧၢ, နအိၣ်ဒီးပှၤသပှၢ်ကတၢၢ်လီၤ. ပမ့ၢ်နပှၤဂီၢ်မုၢ်လီၤ. ပာ်လီၤတဲာ်ကွံာ်ပှၤတဂ့ၤ.”

လံာ်တၢ်ဂံၢ် 23:20

ယဘၣ်တၢ်သိၣ်လိနဲၣ်ယုၤတ့ၢ်ယၤလၢယကဆိၣ်ဂ့ၤတၢ်အဂီၢ်လီၤ. ဒီးဖဲကစၢ်ယွၤဆိၣ်ဂ့ၤတၢ်အခါန့ၣ်ယထုးက့ၤအီၤတန့ၢ်ဘၣ်.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

လံာ်သိၣ်လီၤသီလီၤတၢ် 28:10

အန့ၣ်ဒီး, ကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢ, ကထံၣ်လၢယွၤဃုထၢတ့ၢ်သုဒ်သိးသုကမ့ၢ်အကစၢ်ဒၣ်ဝဲ အပှၤဂီၢ်မုၢ်, ဒီးအဝဲသ့ၣ်ကပျံၤဘၣ်သုန့ၣ်လီၤ.