လံာ်တၢ်ဂံၢ် 6:25 - Sgaw Karen Common Bible

²⁵ မ်ယွၤသူၣ်ကညီၤသးကညီၤနၤဒီးအဘျုးအဖှိၣ်အိၣ်လၢနဖီခိၣ်တက့ၢ်.

လံာ်တၢ်ဂံၢ် 6:25 Iomraidhean Croise

လံာ်တၢ်ကဲထီၣ်အခီၣ်ထံး 43:29

ဖဲစီၤယိၤသးထံၣ်ဘၣ်အဒီပုၢ်ဝဲၢ်ခွါစီၤဘံၣ်ယၤမံၣ်န့ၣ်, အဝဲစံးဝဲ, “အဝဲအံၤမ့ၢ်သုပုၢ်ပိာ်ခွါအဆံးကတၢၢ်လၢသု တဲတ့ၢ်ယၤအဂ့ၢ်န့ၣ်ဧါ. ယဖိခွါဧၢ, မ်ကစၢ်ယွၤဆိၣ်ဂ့ၤနၤတ က့ၢ်.”

စံးထီၣ်ပတြၢၤ 119:135

ဒုးကပီၤထီၣ်နမဲာ်လၢနခ့နပှၤအလိၤ, ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 21:6

နတၢ်ဆိၣ်ဂ့ၤတဖၣ်အိၣ်ဒီးအီၤထီဘိ ဒီးနတၢ်အိၣ်ဒီးအီၤအံၤမၤပှဲၤအီၤလၢတၢ်သးခုလီၤ.

စံးထီၣ်ပတြၢၤ 31:16

ကွၢ်လီၤနခ့နပှၤလၢတၢ်သးကညီၤအပူၤတက့ၢ်, မၤပူၤမၤဖျဲးယၤလၢနတၢ်အဲၣ်ဂၢၢ်ကျၢၤ အပူၤန့ၣ်တက့ၢ်.

စံးထီၣ်ပတြၢၤ 4:7

တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ် အတၢ်သးခုလၢအအိၣ်ဒီးအီၤ ဖဲအဘုဧိၤဟုဧိၤဒီးအစပံးထံအိၣ်ဝဲ အါအါဂီၢ်ဂီၢ်အခါန့ၣ်လီၤ.

စံးထီၣ်ပတြၢၤ 67:1

မ်ကစၢ်ယွၤသူၣ်ကညီၤသးကညီၤပှၤဒီးဆိၣ်ဂ့ၤပှၤတက့ၢ်. ဒီးမ်အဒုးကပီၤထီၣ်ဘၣ်အမဲာ်လၢပလိၤ, စ့လၤ

စံးထီၣ်ပတြၢၤ 80:19

ယွၤ, သ့တၢ်လၢာ်အကစၢ်ဧၢ, ဒုးဟဲက့ၤပှၤတက့ၢ်. ဒုးထံၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

စံးထီၣ်ပတြၢၤ 80:7

သ့တၢ်လၢာ်အကစၢ်ယွၤဧၢ, ဒုးဟဲက့ၤပှၤ, ဒုးထံၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

စံးထီၣ်ပတြၢၤ 86:16

ဃၣ်နသးဆူယအိၣ်, ဒီးသးကညီၤယၤတက့ၢ်. ဒုးဆူၣ်ထီၣ်ယၤဒီး အုၣ်က့ၤခီၣ်က့ၤယၤတက့ၢ်. အဂ့ၢ်ဒ်အံၤ, ယမၤနတၢ်ဒ်သိးဒၣ်ယမိၢ်မၤတ့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 33:19

ယွၤစံးဆၢစီၤမိၤၡ့, “ယကဒုးလဲၤခီဂာ်ယတၢ်ကဟုကညီၢ်ခဲ လၢာ်လၢနမဲာ်ညါ, ဒီးလၢနမဲာ်ညါန့ၣ်ယကကိးထီၣ်ယမံၤစီဆှံလီၤ. ယမ့ၢ်ယွၤဒီးယဒုးနဲၣ်ယတၢ်သူၣ်အိၣ်သးအိၣ်ဒီးသူၣ်ကညီၤသး ကညီၤဘၣ်ပှၤလၢယဃုထၢအီၤတဖၣ်န့ၣ်လီၤ.

လံာ်ဒၤနံးယ့လး 9:17

အိကစၢ်ယွၤဧၢ, ဒိကနၣ်လၢ်ယတၢ်ထုကဖၣ်ဒီးယတၢ်ဃ့ ကညးတက့ၢ်. မၤအိၣ်ထီၣ်က့ၤနတၢ်လုၢ်ဟံၣ်လၢအဘၣ်တၢ် မၤဟးဂီၤအီၤတက့ၢ်. မၤအိၣ်ထီၣ်က့ၤအီၤဒ်သိးပှၤကိးဂၤ ကသ့ၣ်ညါလၢနမ့ၢ်ကစၢ်ယွၤတက့ၢ်.

လံာ်မၤလကံ 1:9

ခဲကနံၣ်အံၤပှၤလုၢ်တၢ်အခိၣ်သ့ၣ်ဧၢ, ဃ့ကညးယွၤဒ်သိးအကသးကညီၤသုတက့ၢ်. အဝဲတစံးဆၢဘၣ်သုတၢ်ထုကဖၣ်ဘၣ်, ဒီးတၢ်န့ၣ်ကမ့ၢ်သုတၢ်ကမၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.