လံာ်တၢ်ဂံၢ် 6:15 - Sgaw Karen Common Bible

¹⁵ အဝဲကဘၣ်လုၢ်ထီၣ်စ့ၢ်ကီးကိၣ်ပှဲၤကုတဒုလၢတဘၣ်တၢ်မၤအီၤလၢ ကိၣ်မံၣ်, ကိၣ်အဖျၢၣ်ဖးဒိၣ်တဖၣ်လၢအဘၣ်တၢ်မၤအီၤလၢကိၣ်ကမူၣ်ဃါဃုာ် အသးဒီးသ့ၣ်စၤယံးအသိဒီးကိၣ်ဘ့ၣ်ဘၣ်ဘူတဖၣ်လၢ အဘၣ်တၢ်ဒွါအီၤလၢသ့ၣ်စၤယံးအသိ, ဒီးလၢန့ၣ်အမဲာ်ညါတၢ်လုၢ်ဘုဧိၤဟုဧိၤဒီးစပံးထံဒ်တၢ်မၤလိာ် အီၤအသိးန့ၣ်လီၤ.

လံာ်တၢ်ဂံၢ် 6:15 Iomraidhean Croise

လံာ်တၢ်ဟးထီၣ်ကွံာ် 29:2

ဟံးန့ၢ်ဘုကၠူၣ်အကမူၣ်အဂ့ၤကတၢၢ်လၢတအိၣ်ဘၣ်ဒီးကိၣ်မံၣ်ဒီး မၤကိၣ်တနီၤလၢသ့ၣ်စၤယံးအသိ, ဒီးတနီၤလၢတအိၣ်ဘၣ်ဒီးသ့ၣ်စၤယံးအသိဒီးတနီၤမၤအီၤဒ်ကိၣ် ဘ့ၣ်ဘၣ်ဘူတလါလၢတၢ်ဖှူအီၤလၢသိတက့ၢ်.

လံာ်ယၡါယၤ 62:9

မ့မ့ၢ်သုဝဲလၢအဖှံလီၤတ့ၢ်ဒီးကူးက့ၤတ့ၢ် ဘုဧိၤဟုဧိၤတဖၣ် ကအီၣ်ဘၣ်ကိၣ်ဒီးစံးထီၣ်ပတြၢၤယွၤလီၤ. သုဝဲလၢအအံးထွဲကွၢ်ထွဲဒီးထၢဖှိၣ်က့ၤစပံးသၣ်တဖၣ် ကအီစပံးထံလၢယတၢ်လုၢ်ဟံၣ်အဂၢၤတဖၣ် အပူၤန့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤအ့လး 1:9

ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤလၢတၢ်လုၢ်ဟံၣ် အပူၤန့ၣ်ဘၣ်. ပှၤလုၢ်တၢ်အခိၣ်တဖၣ်သူၣ်အုးသးအုးဝဲဒၣ်လၢတအိၣ်ဘၣ်ဒီးတၢ် လုၢ်တၢ်ပာ်နီတမံၤလၢကလုၢ်ထီၣ်ဝဲလၢကစၢ်အဂီၢ်ဘၣ်အဃိလီၤ.

လံာ်ယိၤအ့လး 2:14

ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:4

ဒီးတၢ်လုၢ်မ့မ့ၢ်ကိၣ်ကုၢ်အသးလၢဖၣ်ကပူၤဒီး, ကဘၣ်မ့ၢ်ကိၣ်လၢအတအိၣ်ဘၣ်ဒီးကိၣ်မံၣ်န့ၣ်လီၤ. ကိၣ်အံၤအဖျၢၣ်ဒိၣ်မ့ၢ်ဂ့ၤ, ဆံးမ့ၢ်ဂ့ၤကဘၣ်မ့ၢ်တၢ်ဃါဃုာ်ကိၣ်ကမူၣ်ဒီးသ့ၣ်စၤယံးအသိ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:12

ပှၤတဂၤမ့ၢ်လုၢ်ထီၣ်တၢ်လုၢ်အံၤဒ်တၢ်စံးဘျုးစံးဖှိၣ်ဆူကစၢ် ယွၤအအိၣ်န့ၣ်, ကဘၣ်လုၢ်ထီၣ်ဆၣ်ဖိကီၢ်ဖိဃုာ်ဒီးကိၣ်တအိၣ်ဘၣ်ဒီးကိၣ်လၢတအိၣ် ဒီးကိၣ်မံၣ်အတၢ်လုၢ်လၢအမ့ၢ်ကိၣ်အလိၣ်လၢတၢ်မၤအီၤလၢကိၣ် ကမူၣ်ဒီးသ့ၣ်စၤယံးအသိဃါဃုာ်အသးမ့ၢ်ဂ့ၤ, ကိၣ်ဘ့ၣ်ဘၣ်လၢတၢ် ဒွါအီၤဒိးသ့ၣ်စၤယံးအသိမ့ၢ်ဂ့ၤ, ကိၣ်ကမူၣ်ဒီးသ့ၣ်စၤယံးအသိးဃါဃုာ်သးအကိၣ်ဘ့ၣ်ဘၣ်ကုၢ်အသးမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:4

ဒီးဂီၤဖံးဖါတဒုဒီးသိဖါတဒုလၢတၢ်လုၢ်မၤဃူမၤဖိးအဂီၢ်, လၢကလုၢ်ထီၣ်ဝဲဆူယွၤအအိၣ်ဃုာ်ဒီးတၢ်လုၢ်ဘုဧိၤဟုဧိၤဃါ ဃုာ်ဒီးသိန့ၣ်တက့ၢ်. ဒီးကဘၣ်မၤဝဲတနံၤအံၤမ့ၢ်လၢယွၤကလီၣ်ဖျါထီၣ်အသးဆူအဝဲ သ့ၣ်အအိၣ်အဃိန့ၣ်လီၤ.”

လံာ်တၢ်ဂံၢ် 15:10

ဃုာ်ဒီးစပံးထံဖးဖီဟံၣ်စ့ၢ်ကီးန့ၣ်လီၤ. တၢ်လုၢ်တၢ်ပာ်တဖၣ်အံၤအတၢ်နၢမူန့ၣ်မ့ၢ်တၢ်ဘၣ်ယွၤအသးန့ၣ် လီၤ.

လံာ်တၢ်ဂံၢ် 6:16

ပှၤလုၢ်တၢ်အခိၣ်ကဟ့ၣ်ထီၣ်တၢ်ခဲလၢာ်အံၤဆူယွၤအအိၣ်ဒီးလုၢ် ထီၣ်တၢ်လုၢ်တၢ်ပျၢ်တၢ်ဒဲးဘးဒီးတၢ်လုၢ်မ့ၣ်အူန့ၣ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

1 ကရံၣ်သူး 11:26

အဝဲအံၤန့ၣ်အခီပညီမ့ၢ်ဝဲ, တဘျီလၢ်လၢ်ဖဲသုအီၣ်ကိၣ် အဝဲအံၤ, ဒီးအီတၢ်လၢလီခီအဝဲအံၤအပူၤန့ၣ်, မ့ၢ်သုဘိးဘၣ်သ့ၣ်ညါ ကစၢ်အတၢ်သံအဂ့ၢ်, တုၤလီၤလၢအဝဲဒၣ်ဟဲတစုလီၤ.