လံာ်တၢ်ဂံၢ် 5:8 - Sgaw Karen Common Bible

⁸ ဘၣ်ဆၣ်ဒီးပှၤတဂၤန့ၣ်မ့ၢ်သံဝဲဒီးအဘူးအတံၢ်တအိၣ်နီတဂၤလၢ တၢ်ဟ့ၣ်အီၤတၢ်လိးက့ၤကသ့န့ၣ်တၢ်လိးက့ၤကဘၣ်တၢ်ဟ့ၣ်အီၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လိးက့ၤအံၤတၢ်ကဘၣ်တၢ်ပာ်ဖှိၣ်အါထီၣ်အီၤဒီးသိဖါလၢကဘၣ် တၢ်သူအီၤလၢတၢ်မၤတၢ်ဘူၣ်တၢ်ဘါအလုၢ်အလီၢ်အတၢ်မၤကဆှီထီၣ် က့ၤလၢပှၤတဂၤန့ၣ်အတၢ်ကမၣ်အဂီၢ်န့ၣ်လီၤ.

လံာ်တၢ်ဂံၢ် 5:8 Iomraidhean Croise

လံာ်စီၤပၤခံဘ့ၣ်တဘ့ၣ် 12:16

စ့လၢအဘၣ်တၢ်ဟ့ၣ်အီၤလၢတၢ်မၤကမၣ်တၢ်အဂီၢ်ဒီးလၢတၢ်မၤတၢ် ဒဲးဘးအဂီၢ်န့ၣ်တဘၣ်တၢ်ဒၢနုာ်လီၤအီၤဆူတလါအပူၤဘၣ်. တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:16

ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:5

မုၢ်တနံၤလၢအဘၣ်တၢ်ထံၣ်န့ၢ်အီၤလၢအတၢ်ကမၣ်အိၣ်ဝဲန့ၣ်, အဝဲကဘၣ်ဟ့ၣ်က့ၤဝဲခဲလၢာ်ဃုာ်ဒီးတၢ်ဟ့ၣ်အါထီၣ်အတၢ်ယဲၢ်ပူ တပူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:7

တၢ်သိၣ်တၢ်ဘျၢအိၣ်ဝဲတဘီလၢတၢ်လုၢ်တၢ်ပျၢ်တၢ်ဒဲးဘးဒီးတၢ် ဟ့ၣ်ဆၢက့ၤအတၢ်လုၢ်တၢ်ပျၢ်တၢ်ကမၣ်အဂီၢ်န့ၣ်, မ့ၢ်ဝဲတၢ်အညၣ်န့ၣ်ဘၣ်ဃးဒီးပှၤလုၢ်တၢ်အခိၣ်လၢအလုၢ်ထီၣ်ပာ် ထီၣ်တၢ်န့ၣ်လီၤ.

လံာ်တၢ်ဂံၢ် 5:7

အဝဲကဘၣ်အၢၣ်လီၤအတၢ်ကမၣ်ဒီးလိးက့ၤတၢ်အလၢအပှဲၤဃုာ်ဒီးတၢ် ပာ်ဖှိၣ်အါထီၣ်မျးကယၤခံဆံဒီးဟ့ၣ်လီၤအီၤဆူပှၤလၢအမၤကမၣ်ဘၣ် တ့ၢ်ဝဲတဂၤအအိၣ်န့ၣ်လီၤ.

လံာ်တၢ်ဂံၢ် 5:9

ဒ်န့ၣ်အသိးကယဲၢ်တၢ်ဟ့ၣ်မၤဘူၣ်ဆီလၢပှၤအံၣ်စရ့လးဖိတဖၣ်ဟ့ၣ် ဆူယွၤအအိၣ်န့ၣ်ဘၣ်ဃးဒီးပှၤလုၢ်တၢ်အခိၣ်တဂၤလၢအဝဲ သ့ၣ်ဟ့ၣ်ဝဲဆူအအိၣ်န့ၣ်လီၤ.