လံာ်တၢ်ဂံၢ် 5:21 - Sgaw Karen Common Bible

²¹ မ်ယွၤဒုးကဲထီၣ်နမံၤလၢတၢ်ဆိၣ်အၢတမံၤလၢနပှၤကလုာ်အကျါတက့ၢ်. မ်အဒုးသံးကတူၢ်နဒၢလီၢ်အကျိၤလၢကဃ့ထီ ဒီးနဟၢဖၢကညိးထီၣ်တက့ၢ်.

လံာ်တၢ်ဂံၢ် 5:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 21:15

နကစၢ်ဒၣ်နဲနကတူၢ်ဘၣ်ပှံာ်အတၢ်ဆါလၢအဆါနးမးတမံၤ, လၢကအၢထီၣ်နးထီၣ်ဝဲတနံၤဘၣ်တနံၤန့ၣ်လီၤ.”

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 29:22

တုၤပှၤဂီၢ်မုၢ်လၢ အဘၣ်တၢ်စိာ်ထီၣ်ကွံာ်အီၤလၢဝ့ၢ်ယရူၤရှလ့ၣ် ဆူကီၢ်ဘၤဘူၤလိၣ်ဒ် ပှၤဘၣ်တၢ်စိာ်မၢကဲကုၢ်တဖၣ်သးအိၣ်ဆိၣ် အၢပှၤတဂၤန့ၣ်, အဝဲသ့ၣ်ကစံးဆၢဝဲ, ‘မ်ယွၤမၤနၤဒ်စီၤစံးဒကံယၤဒီး စီၤအၤဃာ်, ပှၤတဖၣ်လၢ ကီၢ်ဘၤဘူၤလိၣ် အစီၤပၤ, ဃိမူဒံးအီၤအသိးန့ၣ်တက့ၢ်.’

လံာ်တၢ်ဂံၢ် 5:27

ပိာ်မုၣ်န့ၣ်မ့ၢ်မၤတ့ၢ်တၢ်မၤကမၣ်မုၣ်ကမၣ်ခွါဒီး, ထံန့ၣ်ကမၤဘၣ်ဒိဆါအီၤနးနးကလဲာ်လီၤ. အဝဲအဟၢဖၢကညိးထီၣ် ဒီးအဒၢလီၢ်အကျိၤကသံးကတူၢ်အသးန့ၣ်လီၤ. အဝဲအမံၤကကဲထီၣ်တၢ်ဆိၣ်အၢတမံၤလၢပှၤဂီၢ်မုၢ်အကျါန့ၣ်လီၤ.

လံာ်မးသဲ 26:74

တုၤနုၤတစုစီၤပ့းတရူးစံးဝဲ, “ယဆိၣ်လီၤယသးလၢယကတိၤ တၢ်မ့ၢ်တၢ်တီလီၤ. ယမ့ၢ်တဲတၢ်လၢအတမ့ၢ်တတီဘၣ်ဒီး, မ်ကစၢ်ယွၤကစံၣ်ညီၣ်ဒၣ်ဝဲယၤတက့ၢ်. ယတသ့ၣ်ညါ ပှၤအဝဲန့ၣ်ဘၣ်.” တကီၢ်ခါဖဲန့ၣ်ဆီဖါကီၢ်အိၣ်အိထီၣ်ဝဲလီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.