လံာ်တၢ်ဂံၢ် 5:18 - Sgaw Karen Common Bible

¹⁸ ဒီးအဝဲကဘ့ၣ်လီၤပိာ်မုၣ်န့ၣ်အခိၣ်သူဒီးဒၢနုာ်လီၤတၢ်လုၢ် မၤဘူၣ်အကိၣ်ကမူၣ်န့ၣ်ဆူပိာ်မုၣ်အစုပူၤန့ၣ်လီၤ. ပှၤလုၢ်တၢ်အခိၣ်န့ၣ်ကဘၣ်ဟံးဃးလီခီလၢတၢ်ဒၢနုာ်ဃးတၢ်ခၣ်ထံ လၢအဟဲစိာ်တၢ်ဆိၣ်အၢတမံၤလၢအစုပူၤလီၤ.

လံာ်တၢ်ဂံၢ် 5:18 Iomraidhean Croise

တၢ်ကတိၤဒိ. 5:4

ဘၣ်ဆၣ်ဒီး, အကတၢၢ်န့ၣ်အဝဲတပာ်တီၢ်န့ၢ်နၤတၢ်နီတမံၤဘၣ်. မ့မ့ၢ်ထဲတၢ်အခၣ်ဒီးတၢ်ဆူးတၢ်ဆါန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:26

ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

လံာ်ယၡါယၤ 38:17

ယတၢ်သးခၣ်ကဃၣ်က့ၤအသးဆူတၢ်ဃူတၢ်ဖိးလီၤ. နအုၣ်က့ၤခီၣ်က့ၤယသးသမူလၢတၢ်လီၤပျံၤ လီၤဘၣ်ယိၣ်ခဲလၢာ် ဒီးနပျၢ်ယတၢ်ဒဲးဘးခဲလၢာ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 13:45

ပှၤလၢအအိၣ်ဒီးတၢ်ဆါအၢအတၢ်ဆါတဂၤန့ၣ်ကဘၣ်ကူ သိးဝဲတၢ်ကူတၢ်ကၤလၢအယာ်ဖျ့, တဘၣ်ခွံအခိၣ်ဘၣ်. ကဘၣ်မၤဘၢအမဲာ်သၣ်လၢအဖီလာ်တဝာ်, ဒီးကဘၣ်ကိးထီၣ်ဝဲ, “တကဆှီဘၣ်, တကဆှီဘၣ်” န့ၣ်လီၤ.

လံာ်တၢ်ဂံၢ် 5:15

လၢတၢ်မၤအသးဒ်သိးအံၤတခါဂ့ၤတခါဂ့ၤအပူၤန့ၣ်ပှၤပိာ်ခွါ တဂၤန့ၣ်ကဘၣ်လဲၤကိးအမါဆူပှၤလုၢ်တၢ်အခိၣ်အအိၣ်လီၤ. အဝဲကဘၣ်လဲၤစိာ်ဃုာ်စ့ၢ်ကီးဘုမုယီၤအကိၣ်ကမူၣ်လီၤတယၢၢ် တအ့ဖးဆံဆဲၣ်ပူတပူဒ်တၢ်လီၤဘၣ်အီၤအသိးလၢတၢ်လုၢ်မၤဘူၣ် အဂီၢ်, ဘၣ်ဆၣ်ဒီးတဘၣ်လူလီၤသ့ၣ်စၤယံးအသိလၢကိၣ်ကမူၣ် အဖီခိၣ်မ့ၢ်ဂ့ၤ, တဘၣ်ပာ်ထီၣ်တၢ်နၢမူမ့ၢ်ဂ့ၤလၢကိၣ်ကမူၣ်အလိၤ မ့ၢ်ဂ့ၤဘၣ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လုၢ်မၤဘူၣ်တမံၤလၢဝၤတဂၤလၢ အသးဒ့ဒီမၤဝဲဒ်သိးကမၤဖျါထီၣ်တၢ်မ့ၢ်တၢ်တီအဂီၢ်န့ၣ်လီၤ.

လံာ်တၢ်ဂံၢ် 5:17

အဝဲကလူလီၤထံစီဆှံတနီၤဆူသလၢဟီၣ်ခိၣ်တဖျၢၣ်အပူၤဒီးဟံး န့ၢ်ဟီၣ်ခိၣ်တနီၤလၢအအိၣ်လၢယွၤအိၣ်ဝဲဆိးဝဲအဒဲစီဆှံ အကဝီၤပူၤဒီးဒၢနုာ်လီၤအီၤဆူထံကျါလၢကမၤခၣ်ထီၣ်အီၤ အဂီၢ်န့ၣ်လီၤ.

လံာ်တၢ်ဂံၢ် 5:19

ဝံၤဒီးပှၤလုၢ်တၢ်အခိၣ်ကမၢပိာ်မုၣ်တဂၤန့ၣ်မၤတၢ်ဆိၣ်လီၤသး အတၢ်အၢၣ်လီၤဒ်ပှၤလုၢ်တၢ်အခိၣ်ကတိၤထီၣ်ဝဲအသိး, လၢအစံးဝဲ, “နမ့ၢ်တမၤကမၣ်မုၣ်ကမၣ်ခွါဘၣ်ဒီး, နတဘၣ်တၢ်မၤဆါနၤလၢတၢ်ဆိၣ်အၢလၢထံအံၤဟဲစိာ်ဝဲန့ၣ်ဘၣ်.

လံာ်တၢ်ဂံၢ် 5:22

မ်ထံအံၤလဲၤနုာ်ဆူနဟၢဖၢအပူၤဒီးဒုးညိးထီၣ်နဟၢဖၢဒီး ဒုးသံးကတူၢ်နဒၢလီၢ်အကျိၤန့ၣ်တက့ၢ်.” ပိာ်မုၣ်န့ၣ်ကဘၣ်စံးဆၢကဒါက့ၤဝဲ, “ယဘၣ်သူၣ်ဘၣ်သးလၢတၢ် အံၤဒီးမ်ယွၤမၤဝဲဒ်န့ၣ်အသိးတက့ၢ်.”

1 ကရံၣ်သူး 11:15

မ့မ့ၢ်လၢပိာ်မုၣ်အလိၤန့ၣ်, မ့ၢ်လၢတၢ်ဃံတၢ်လၤတမံၤလီၤ. အဝဲဒၣ်အခိၣ်သူအထီန့ၣ်, ဘၣ်တၢ်ဟ့ၣ်တ့ၢ်အီၤဒ်သိးအကမၤဘၢဃာ်အခိၣ်အဂီၢ်န့ၣ်လီၤ.

1 ကရံၣ်သူး 11:6

ပိာ်မုၣ်တဂၤန့ၣ်မ့ၢ်တမၤဘၢဃာ်အခိၣ်ဒီး, ဂ့ၤတက့ၢ်လၢအကတံာ်ကွံာ်အခိၣ်သူလီၤ. ဒီးမ့ၢ်လၢပိာ်မုၣ်တဂၤကလူၤအခိၣ်, မ့တမ့ၢ်ကတံာ်ကွံာ်အခိၣ်သူအဂီၢ်မ့ၢ်တၢ်လီၤမဲာ်ဆှး တမံၤအဃိ, အဝဲဒၣ်ကြၢးဖၢၣ်ဘၢဃာ်အခိၣ်လီၤ.

လံာ်သိၣ်လီၤသီလီၤတၢ် 29:18

မၤလီၤတံၢ်လၢ, တနံၤအံၤပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ဟံၣ်ဖိဃီဖိမ့ၢ်ဂ့ၤ, ပှၤအဒူၣ်မ့ၢ်ဂ့ၤလၢအဆၢထၢၣ်ဖဲအံၤ, တဃၣ်ကွံာ်ဘၣ်အသးလၢယွၤ, ပကစၢ်ယွၤအအိၣ်နီတဂၤဒ်သိးကဘါထီၣ် ပှၤကလုာ်ဂၤတဖၣ်အတၢ်ဂီၤတၢ်ဖီၣ်တဖၣ်အဂီၢ်ဘၣ်န့ၣ်တက့ၢ်. တၢ်န့ၣ်ကလီၤဂာ်ဒ်တၢ်အဂံၢ်တဘိလၢအမဲထီၣ်ဒီးကကဲထီၣ်တၢ်အမုၢ် တမုၢ်လၢအခၣ်ဒီးအိၣ်ဒီးအစုၣ်အပျၢ်အသိးန့ၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:32

စီၤၡမူၤအ့လးထုထီၣ်အကလုၢ်စံးဝဲ, “ဟဲစိာ်စီၤပၤစီၤအၤ ကးဖဲအံၤဆူယအိၣ်တက့ၢ်.” စီၤအၤကးဟဲဆူအအိၣ်, ကနိးကစုာ်လၢတၢ်ပျံၤတၢ်ဖုးအဃိဒီးဆိကမိၣ်လီၤအသး, “တၢ်ကဘၣ်သံအံၤမ့ၢ်တၢ်ခၣ်တမံၤလၢအဒိၣ်မးလဲၣ်.”