လံာ်တၢ်ဂံၢ် 5:15 - Sgaw Karen Common Bible

¹⁵ လၢတၢ်မၤအသးဒ်သိးအံၤတခါဂ့ၤတခါဂ့ၤအပူၤန့ၣ်ပှၤပိာ်ခွါ တဂၤန့ၣ်ကဘၣ်လဲၤကိးအမါဆူပှၤလုၢ်တၢ်အခိၣ်အအိၣ်လီၤ. အဝဲကဘၣ်လဲၤစိာ်ဃုာ်စ့ၢ်ကီးဘုမုယီၤအကိၣ်ကမူၣ်လီၤတယၢၢ် တအ့ဖးဆံဆဲၣ်ပူတပူဒ်တၢ်လီၤဘၣ်အီၤအသိးလၢတၢ်လုၢ်မၤဘူၣ် အဂီၢ်, ဘၣ်ဆၣ်ဒီးတဘၣ်လူလီၤသ့ၣ်စၤယံးအသိလၢကိၣ်ကမူၣ် အဖီခိၣ်မ့ၢ်ဂ့ၤ, တဘၣ်ပာ်ထီၣ်တၢ်နၢမူမ့ၢ်ဂ့ၤလၢကိၣ်ကမူၣ်အလိၤ မ့ၢ်ဂ့ၤဘၣ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လုၢ်မၤဘူၣ်တမံၤလၢဝၤတဂၤလၢ အသးဒ့ဒီမၤဝဲဒ်သိးကမၤဖျါထီၣ်တၢ်မ့ၢ်တၢ်တီအဂီၢ်န့ၣ်လီၤ.

လံာ်တၢ်ဂံၢ် 5:15 Iomraidhean Croise

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်ယဃ့းစက့လး 21:23

ဝ့ၢ်ယရူၤၡလ့ၣ်အပှၤဂီၢ်မုၢ်တမ့ၢ်ကနာ်တၢ်ဂ့ၢ်အံၤဘၣ်, မ့ၢ်လၢလံာ်ဃံၤဃာ်တဖၣ်လၢအဝဲသ့ၣ်မၤတ့ၢ်အီၤအဃိန့ၣ်လီၤ. ဘၣ်ဆၣ်ဝံအတၢ်ကတိၤဆိပာ်အံၤမ့ၢ်တၢ်လၢကဒုးသ့ၣ်နီၣ်ထီၣ် အဝဲသ့ၣ်လၢအဝဲသ့ၣ်အတၢ်ဒဲးဘးတဖၣ်ဒီးဟ့ၣ်ပလီၢ် အဝဲသ့ၣ်လၢအဝဲသ့ၣ်ကဘၣ်တၢ်ဖီၣ်န့ၢ်အီၤန့ၣ်လီၤ.

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ဟိၤၡ့ 3:2

လၢတၢ်န့ၣ်အဃိယဟ့ၣ်လီၤစ့တဆံယဲၢ်ဘ့ၣ်ဒီးဘုမုယီၤနာ်တနာ် လၢကပှ့ၤအီၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:2

လၢပှၤအံၣ်စရ့လးဖိကတိၢ်နီၣ်မၤထွဲဝဲဖဲအလုၢ်ထီၣ်တၢ်လုၢ်တၢ် ပာ်တဖၣ်န့ၣ်လီၤ. ပှၤတဂၤလၢ်လၢ်မ့ၢ်လုၢ်ထီၣ်တၢ်လုၢ်တၢ်ပာ်ဘၣ်ဃးဒီးဆၣ်ဖိကီၢ်ဖိန့ၣ်, ကဘၣ်မ့ၢ်အဂီၤဖံး, မ့တမ့ၢ်အသိ, မ့တမ့ၢ်အမဲာ်တဲးလဲးအကျါတဒုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:11

ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

လံာ်တၢ်ဂံၢ် 5:16

ပှၤလုၢ်တၢ်အခိၣ်ကဘၣ်ကိးထီၣ်ပိာ်မုၣ်ဒီးမၢအဟဲဆၢထၢၣ်လၢတၢ် လုၢ်လီၢ်အမဲာ်ညါန့ၣ်လီၤ.

ဧ့ၤဘြံၤ 10:3

မ့မ့ၢ်တၢ်လုၢ်တၢ်ပာ်တဖၣ်အံၤကဲဝဲတၢ်လၢအဒုးသ့ၣ်နီၣ် ထီၣ်က့ၤပှၤလၢပှၤအတၢ်ဒဲးဘးတဖၣ်တနံၣ်ဘၣ်တနံၣ်လီၤ.