လံာ်တၢ်ဂံၢ် 4:49 - Sgaw Karen Common Bible

⁴⁹ ပှၤတဂၤစုာ်စုာ်ဘၣ်တၢ်ဆဲးလီၤကွဲးနီၣ်အီၤဒ်ယွၤမၤလိာ်တ့ၢ် စီၤမိၤၡ့အသိးန့ၣ်လီၤ. ဒီးဒ်တၢ်ကလုၢ်လၢယွၤဟ့ၣ်လီၤအီၤခီဖျိစီၤ မိၤၡ့အသိးန့ၣ်ပှၤတဂၤစုာ်စုာ်ဘၣ်တၢ်ဟ့ၣ်လီၤအီၤမူဒါလၢကမၤ အတၢ်မၤတၢ်အဂီၢ်မ့ၢ်ဂ့ၤတၢ်စိာ်တၢ်အဂီၢ်မ့ၢ်ဂ့ၤန့ၣ်လီၤ.

လံာ်တၢ်ဂံၢ် 4:49 Iomraidhean Croise

လံာ်တၢ်ဂံၢ် 1:47

ပှၤလ့ၤဝံဖိတဖၣ်န့ၣ်တဘၣ်တၢ်ဆဲးလီၤကွဲးနီၣ်အမံၤဃုာ်ဒီးပှၤ ဒူၣ်အဂၤတဖၣ်ဘၣ်.

လံာ်တၢ်ဂံၢ် 1:54

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်မၤကယဲၢ်တၢ်ကိးမံၤ ဒဲးလၢယွၤမၤလိာ်တ့ၢ်ဝဲစီၤမိၤၡ့န့ၣ်လီၤ.

လံာ်တၢ်ဂံၢ် 2:33

ဒ်ယွၤမၤလိာ်တ့ၢ်စီၤမိၤၡ့အသိးန့ၣ်ပှၤလ့ၤဝံဖိတဖၣ်တဘၣ်တၢ် ဆဲးလီၤကွဲးနီၣ်အမံၤလၢပှၤအံၣ်စရ့လးဖိအဂၤတဖၣ်အသိးအကျါ ဘၣ်.

လံာ်တၢ်ဂံၢ် 3:51

ဒီးဟ့ၣ်လီၤအီၤဆူစီၤအၤဟရိၣ်ဒီးအဖိခွါတဖၣ်အအိၣ်န့ၣ်လီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 4:21

ဒီးယွၤစံးဘၣ်စီၤမိၤၡ့လၢကထၢဖှိၣ်ကွဲးနီၣ်ပှၤလ့ၤဝံဖိ စီၤက့ရၡိၣ်အဒူၣ်ထၢတုၤလၢအဒူၣ်ထၢဆံးဖိတဖၣ်ဒီးဟံၣ်ဖိဃီ ဖိတဖၣ်,

လံာ်တၢ်ဂံၢ် 4:24

အဝဲသ့ၣ်ကဘၣ်ဟံးန့ၢ်မူဒါလၢကစိာ်ကယဲၢ်တၢ်အပီးအလီ တဖၣ်လၢလာ်အံၤန့ၣ်လီၤ.

လံာ်တၢ်ဂံၢ် 4:31

အဝဲသ့ၣ်အမူအဒါအိၣ်ဝဲလၢကဘၣ်စိာ်ဒဲစီဆှံအသ့ၣ်ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, ဒီးဒဲစီဆှံအခီၣ်ထံးတဖၣ်,

လံာ်တၢ်ဂံၢ် 4:32

ဒီးအထူၣ်တဖၣ်, အခီၣ်ထံးတဖၣ်, နီၣ်ပျၤစူတဖၣ်, ဒီးဂၢၤအိၣ်ဝးတရံးဒဲစီဆှံအပျံၤတဖၣ်, ဃုာ်ဒီးကယဲၢ်တၢ်လၢတၢ်သူအီၤလၢတၢ်ထီထီၣ်တၢ်ပီးတၢ်လီတဖၣ် န့ၣ်လီၤ. ပှၤတဂၤဘၣ်တဂၤအမူအဒါအိၣ်ဒီးလၢကစိာ်တၢ်တမံၤမံၤလီၤတံၢ် လီၤဆဲးန့ၣ်လီၤ.

လံာ်တၢ်ဂံၢ် 5:1

ယွၤစံးဘၣ်စီၤမိၤၡ့, “မၤလိာ်ကီၢ်အံၣ်စရ့လးအပှၤဂီၢ်မုၢ်လၢကနီၣ်ထီၣ်ကွံာ်ပှၤကိး ဂၤဒဲးလၢအအိၣ်ဒီးတၢ်ဆါအၢလီၤပျံၤလၢအဖံးလိၤမ့ၢ်ဂ့ၤ, ပှၤလၢအအိၣ်ဒီးနီၢ်ခိအထံအနိယွၤလီၤတၢ်ဆါမ့ၢ်ဂ့ၤ, ဒီးပှၤကိးဂၤဒဲးလၢအတကဆှီဘၣ်ခီဖျိထိးဘၣ်တၢ်သံစိၣ်မ့ၢ် ဂ့ၤန့ၣ်တက့ၢ်.