လံာ်တၢ်ဂံၢ် 4:32 - Sgaw Karen Common Bible

³² ဒီးအထူၣ်တဖၣ်, အခီၣ်ထံးတဖၣ်, နီၣ်ပျၤစူတဖၣ်, ဒီးဂၢၤအိၣ်ဝးတရံးဒဲစီဆှံအပျံၤတဖၣ်, ဃုာ်ဒီးကယဲၢ်တၢ်လၢတၢ်သူအီၤလၢတၢ်ထီထီၣ်တၢ်ပီးတၢ်လီတဖၣ် န့ၣ်လီၤ. ပှၤတဂၤဘၣ်တဂၤအမူအဒါအိၣ်ဒီးလၢကစိာ်တၢ်တမံၤမံၤလီၤတံၢ် လီၤဆဲးန့ၣ်လီၤ.

လံာ်တၢ်ဂံၢ် 4:32 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:29

ပှၤအဂၤတဖၣ်ဘၣ်ကွၢ်ထွဲတၢ်စီဆှံအပီးအလီတဖၣ်, ဒီးကိၣ်ကမူၣ်, စပံးထံ, သ့ၣ်စၤယံးအသိ, သိနၢမူဒီးတၢ်နၢမူ အဂၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 25:9

မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.

လံာ်တၢ်ဟးထီၣ်ကွံာ် 27:9

လၢယအိၣ်ယဆိးအဒဲစီဆှံအဂီၢ်န့ၣ်, ဆးန့ၢ်တၢ်အဒူၣ်တဘ့ၣ်လၢယၣ် ဘျးသဒၢတၢ်လုၣ်အဂ့ၤတဖၣ်တက့ၢ်. လၢကလံၤစိးတကပၤအဂီၢ်ယၣ်ဘျးသဒၢတဖၣ်ကဘၣ်ထီဝဲအပျၢ်တကယၤ,

လံာ်တၢ်ဟးထီၣ်ကွံာ် 38:17

တၢ်အခီၣ်ထံးအဖျီၣ်တဖၣ်လၢထူၣ်အဂီၢ်န့ၣ်ဘၣ်တၢ်မၤအီၤလၢတိၢ် ဘီ, မ့မ့ၢ်ထူၣ်အထးဘျးတဖၣ်, အနီၣ်ဘိတဖၣ်ဒီးအခိၣ်ဖျီၣ်တဖၣ်န့ၣ်ဘၣ်တၢ်မၤအီၤလၢစ့လီၤ. ဒီးကယဲၢ်ယၣ်အထူၣ်အိၣ်ဝးတရံးယွၤအဒဲစီဆှံတဖၣ်န့ၣ်ဘၣ်တၢ်ဒုးစဲဘူးအီၤဒီးနီၣ်ဘိစ့ တဖၣ်န့ၣ်လီၤ.

လံာ်တၢ်ဟးထီၣ်ကွံာ် 38:21

အအံၤမ့ၢ်တၢ်ကွဲးနီၣ်တမံၤဘၣ်ဃးဒီးစ့ဃါဃုာ်အနီၣ်ဂံၢ်တဖၣ် လၢဘၣ်တၢ်သူအီၤလၢယွၤအိၣ်ဝဲဆိးဝဲအဒဲစီဆှံအပူၤတၢ်လီၢ် ဖဲတၢ်ပာ်လၢၢ်ဘ့ၣ်ဘၣ်ခံဘ့ၣ်လၢတၢ်မၤလိာ်အထံၣ်တဆံအိၣ်ကွဲး အသိးလၢအလိၤန့ၣ်လီၤ. ဒ်စီၤမိၤၡ့ဟ့ၣ်လီၤအကလုၢ်အသိးတၢ်ကွဲးနီၣ်အံၤဘၣ်တၢ်မၤအီၤ လၢပှၤလ့ၤဝံဖိတဖၣ်လၢအမၤတၢ်လၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်နဲၣ်ကျဲအဖီလာ်န့ၣ်လီၤ.

လံာ်တၢ်ဂံၢ် 3:36

အဝဲသ့ၣ်ဘၣ်တၢ်ဟ့ၣ်လီၤအီၤမူဒါလၢဒဲစီဆှံအသ့ၣ်ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, အခီၣ်ထံးတဖၣ်ဒီးကယဲၢ်တၢ်သူၣ်ထီၣ်ထီထီၣ်အီၤအတၢ် ပီးတၢ်လီတဖၣ်အဂီၢ်န့ၣ်လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 3:8

အဝဲသ့ၣ်ကဘၣ်ဟံးန့ၢ်မူဒါလၢကယဲၢ်ဒဲစီဆှံအတၢ်ပီးတၢ်လီ တဖၣ်အဂီၢ်ဒီးမၤတၢ်လၢပှၤအံၣ်စရ့လးဖိအဂၤတဖၣ်အဂီၢ်န့ၣ်လီၤ.

လံာ်တၢ်ဂံၢ် 4:31

အဝဲသ့ၣ်အမူအဒါအိၣ်ဝဲလၢကဘၣ်စိာ်ဒဲစီဆှံအသ့ၣ်ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, ဒီးဒဲစီဆှံအခီၣ်ထံးတဖၣ်,

လံာ်တၢ်ဂံၢ် 4:33

တၢ်တဖၣ်အံၤမ့ၢ်ဝဲစီၤမရၤရံၤအဒူၣ်ထၢအမူအဒါတဖၣ်လၢအတၢ်ဖံး တၢ်မၤလၢဒဲစီဆှံအပူၤအဂီၢ်န့ၣ်လီၤ. အဝဲသ့ၣ်ကဘၣ်စိာ်ထီၣ်တၢ်မၤအံၤလၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်ပၢဆှၢနဲၣ်ကျဲအဖီလာ်န့ၣ်လီၤ.

လံာ်တၢ်ဂံၢ် 4:49

ပှၤတဂၤစုာ်စုာ်ဘၣ်တၢ်ဆဲးလီၤကွဲးနီၣ်အီၤဒ်ယွၤမၤလိာ်တ့ၢ် စီၤမိၤၡ့အသိးန့ၣ်လီၤ. ဒီးဒ်တၢ်ကလုၢ်လၢယွၤဟ့ၣ်လီၤအီၤခီဖျိစီၤ မိၤၡ့အသိးန့ၣ်ပှၤတဂၤစုာ်စုာ်ဘၣ်တၢ်ဟ့ၣ်လီၤအီၤမူဒါလၢကမၤ အတၢ်မၤတၢ်အဂီၢ်မ့ၢ်ဂ့ၤတၢ်စိာ်တၢ်အဂီၢ်မ့ၢ်ဂ့ၤန့ၣ်လီၤ.

လံာ်တၢ်ဂံၢ် 7:1

မုၢ်တနံၤလၢစီၤမိၤၡ့ထီထီၣ်ယွၤအိၣ်ဝဲဆိးဝဲအဒဲစီဆှံ ဝံၤဝဲန့ၣ်, အဝဲဖှူဒီးပာ်စီဆှံထီၣ်ဒဲစီဆှံန့ၣ်ဒီးကယဲၢ် အတၢ်ပီးတၢ်လီတဖၣ်, ဒီးတၢ်လုၢ်လီၢ်ဒီးအတၢ်ပီး တၢ်လီခဲလၢာ်န့ၣ်လီၤ.

လံာ်တၢ်ဂံၢ် 7:8

ဒီးလ့ၣ်လွံၢ်ခိၣ်ဒီးကျီၢ်ဖါဃိးဒုဆူပှၤမရၤရံၤဖိတဖၣ် အအိၣ်လီၤ. အဝဲသ့ၣ်အတၢ်မၤခဲလၢာ်ကဘၣ်တၢ်မၤဝံၤအီၤလၢစီၤ အၤဟရိၣ်အဖိခွါစီၤအံၤသမၢ်အတၢ်ပၢတၢ်ဆှၢအဖီလာ်န့ၣ်လီၤ.