လံာ်တၢ်ဂံၢ် 4:15 - Sgaw Karen Common Bible

¹⁵ တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 4:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:24

ပှၤလုၢ်တၢ်အခိၣ်စီၤစၤဒိးအိၣ်ဝဲဖဲန့ၣ်ဒီးပှၤလ့ၤဝံဖိတဖၣ် အိၣ်စ့ၢ်ကီးဒီးအီၤ, စိာ်ဝဲယွၤအတၢ်အၢၣ်လီၤအီလီၤအတလါစီဆှံန့ၣ်လီၤ. အဝဲသ့ၣ်ပာ်လီၤအီၤဒီးတချုးဒံးဘၣ်လၢပှၤဂီၢ်မုၢ်ခဲလၢာ် ဟးထီၣ်ကွံာ်လၢဝ့ၢ်ပူၤဘၣ်န့ၣ်အဝဲသ့ၣ်တစိာ်ထီၣ်ကဒီးအီၤဘၣ်. ပှၤလုၢ်တၢ်အခိၣ်စီၤအ့ဘယၤသၢ်အိၣ်စ့ၢ်ကီးဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:13

ဖဲပှၤတဖၣ်လၢအစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ ခါထီၣ်အခီၣ်ကါဃုကါဝံၤအလီၢ်ခံန့ၣ်, စီၤဒၤဝံးမၢအအိၣ်ကတီၢ်ဖဲအဝဲလုၢ်ထီၣ်ပာ်ထီၣ်ကျီၢ်ဖါတဒု ဒီးဂီၤဖံးဖိအဘီၣ်တဒုဆူယွၤအအိၣ်အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:3

တုၤပှၤခိၣ်ပှၤနၢ်တဖၣ်အိၣ်ဖှိၣ်ရိဖှိၣ်ဝဲန့ၣ်ပှၤလုၢ်တၢ်အခိၣ် တဖၣ်စိာ်ထီၣ်ယွၤအတၢ်အၢၣ်လီၤအီလီၤအတလါ,

လံာ်ကွဲးနီၣ်တၢ်အခီၣ်ထံးတဘ့ၣ် 15:15

ပှၤလ့ၤဝံဖိတဖၣ်ယိးတလါန့ၣ်လၢနီၣ်ယိးဘိအလိၤလၢအဖံဘၣ် ခိၣ်ဒ်ယွၤမၤလိာ်တ့ၢ်ဝဲခီဖျိစီၤမိၤၡ့အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:2

အန့ၣ်ဒီးအဝဲစံးဝဲဒၣ်, “ထဲပှၤလ့ၤဝံဖိတဖၣ်ဧိၤ, ကြၢးစိာ်တၢ်အၢၣ်လီၤအီလီၤအတလါမ့ၢ်လၢ, အဝဲသ့ၣ်, မ့ၢ်ပှၤတဖုလၢယွၤဃုထၢတ့ၢ်အီၤလၢကစိာ်တလါအဂီၢ်ဒီးမၤအတၢ် မၤလီၤစိၤလီၤဃၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:26

လၢတၢ်န့ၣ်အဃိ, အလီၢ်တအိၣ်လၢၤနီတဘျီလၢပှၤလ့ၤဝံဖိ တဖၣ်တဘၣ်စိာ်လၢၤဒဲစီဆှံလၢယွၤအိၣ်ဝဲဆိးဝဲဒီးတၢ်အဃၢၤ အဃိာ်လၢတၢ်သူအီၤလၢတၢ်ဘူၣ်တၢ်ဘါအပူၤန့ၣ်ဘၣ်.”

လံာ်တၢ်ဟးထီၣ်ကွံာ် 19:12

မၤနီၣ်တၢ်အဆၢဝးတရံးကစၢၢ်ဒ်သိးပှၤဂီၢ်မုၢ်သုတလဲၤခီဂာ် အီၤတဂ့ၤ, ဒီးတဲဘၣ်အဝဲသ့ၣ်ဒ်သိးအသုတလဲၤထီၣ်ဆူကစၢၢ်ဖီခိၣ်မ့ၢ်ဂ့ၤ, အသုတလဲၤဘူးဒၣ်လဲာ်ဆူအဃၢၤမ့ၢ်ဂ့ၤတဂ့ၤ. ပှၤတဂၤလၢ်လၢ်မ့ၢ်ယီၢ်လီၤလၢအလိၤဒီးအဝဲဒၣ်န့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 19:21

ဒီးယွၤစံးဘၣ်အီၤ, “က့ၤလီၤဒီးဒုးပလီၢ်ပှၤဂီၢ်မုၢ်လၢအ သုတခီဂာ်တၢ်အဆၢဒ်သိးကဟဲဒီးကွၢ်ယၤတဂ့ၤ. အဝဲသ့ၣ်မ့ၢ်မၤဝဲဒ်န့ၣ်ဒီးကသံဝဲအါဂၤလီၤ.

လံာ်တၢ်ဟးထီၣ်ကွံာ် 27:7

ဒီးပာ်အီၤလၢကွီၤတဖၣ်အပူၤလၢအအိၣ်ဖဲတၢ်လုၢ်လီၢ်အကပၤတခီ စုာ်စုာ်ဖဲတၢ်စိာ်အီၤအခါန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 16:13

ဒီးဘၣ်ပာ်တၢ်နၢမူလၢမ့ၣ်အူဖီခိၣ်လၢယွၤအမဲာ်ညါ, ဒ်သိးတၢ်နၢမူအမ့ၣ်အူလုၣ်ကကျၢၢ်ဘၢတၢ်အၢၣ်လီၤအီလီၤတလါ အဖီခိၣ်ဒ်သိးအသုတထံၣ်အီၤဒီးသံတဂ့ၤန့ၣ်လီၤ.

လံာ်တၢ်ဂံၢ် 1:50

အခိၣ်တလိာ်, ပာ်ပှၤလ့ၤဝံဖိတဖၣ်ဒ်ပှၤအံးထွဲကွၢ်ထွဲ ယအိၣ်ဝဲဆိးဝဲအဒဲစီဆှံဒီးကယဲၢ်အတၢ်ပီးတၢ်လီခဲလၢာ်အသိး တက့ၢ်. အဝဲသ့ၣ်ကဘၣ်စိာ်အီၤဃုာ်ဒီးအတၢ်ပီးတၢ်လီတဖၣ်, မၤတၢ်လၢအပူၤဒီးသူၣ်ထီၣ်အဒဲဝးတရံးအီၤန့ၣ်လီၤ.

လံာ်တၢ်ဂံၢ် 1:51

ဖဲသုသုးသုသူၣ်ဒဲအလီၢ်တဘျီလၢ်လၢ်န့ၣ်, ပှၤလ့ၤဝံဖိတဖၣ်ကရူၢ်လီၤဒဲစီဆှံဒီးသူၣ်ထီၣ်ကဒီးအီၤဖဲ တၢ်သူၣ်ထီၣ်ဒဲအလီၢ်အသီတတီၤကဒီးစုာ်စုာ်န့ၣ်လီၤ. ပှၤအဂၤတဂၤလၢ်လၢ်လၢအဟဲဘူးဒီးဒဲစီဆှံန့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဂံၢ် 10:21

အန့ၣ်ဝံၤဒီးပှၤလ့ၤဝံဖိစီၤကဃးအဒူၣ်ထၢကဟးထီၣ်စိာ်တၢ်စီ ဆှံအပီးအလီတဖၣ်န့ၣ်လီၤ. အဆၢကတီၢ်ဖဲအဝဲသ့ၣ်တုၤဃီၤဆူသူၣ်ဒဲအလီၢ်လၢခံတတီၤန့ၣ်ဒဲ စီဆှံဘၣ်တၢ်ထီထီၣ်ကဒီးအီၤန့ၣ်လီၤ.

လံာ်တၢ်ဂံၢ် 18:3

အဝဲသ့ၣ်ကဘၣ်မၤလၢပှဲၤအမူအဒါတဖၣ်လၢနဂီၢ်ဒီးအမူ အဒါတဖၣ်လၢဒဲစီဆှံအပူၤ, ဘၣ်ဆၣ်ဒီးအဝဲသ့ၣ်တဘၣ်ထိးဘူးတၢ်အပီးအလီစီဆှံတဖၣ်လၢတၢ် အလီၢ်စီဆှံအပူၤမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲသ့ၣ်မ့ၢ်ထိးဘၣ်ဝဲဒီးအဝဲသ့ၣ်မ့ၢ်ဂ့ၤနၤမ့ၢ်ဂ့ၤကဘၣ် တၢ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 3:38

စီၤမိၤၡ့, စီၤအၤဟရိၣ်ဒီးအဖိခွါတဖၣ်န့ၣ်ကဘၣ်သူၣ်ထီၣ်အဒဲ လၢဒဲစီဆှံအမဲာ်ညါလၢအမုၢ်ထီၣ်တခီန့ၣ်လီၤ. အဝဲသ့ၣ်အမူအဒါအိၣ်ဝဲလၢကမၤတၢ်ခ့တၢ်ပှၤအတၢ်မၤတဖၣ်လၢတၢ် အလီၢ်စီဆှံအပူၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. ပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤတဖၣ်န့ၣ်ကဘၣ်တၢ်မၤ သံကွံာ်အီၤန့ၣ်လီၤ.

လံာ်တၢ်ဂံၢ် 4:14

အဝဲသ့ၣ်ကဘၣ်ပာ်ထီၣ်ကယဲၢ်တၢ်ပီးတၢ်လီလၢဘၣ်တၢ်သူ အီၤလၢတၢ်လုၢ်လီၢ်အတၢ်ဖံးတၢ်မၤအပူၤလၢအမ့ၢ်, မ့ၣ်အူအသပၢၤဘံၣ်တဖၣ်, နီၣ်ကွးတဖၣ်, နီၣ်တရီာ်တဖၣ်, ဒီးသရာ်တဖၣ်န့ၣ်လီၤ. ဝံၤဒီးကဘၣ်ကျၢၢ်ဘၢအီၤလၢတၢ်ဖံးအဂ့ၤ ကတၢၢ်တခီဒီးဂိာ်နုာ်နီၣ်ယိးဘိတဖၣ်န့ၣ်လီၤ.

လံာ်တၢ်ဂံၢ် 4:19

သုတဘၣ်တၢ်မၤသံကွံာ်အီၤလၢအဟဲဘူးဒီးတၢ်စီဆှံအပီးအလီ တဖၣ်အံၤအဃိတဂ့ၤ. လၢတၢ်တြီဃာ်တၢ်အံၤဒ်သိးအသုတကဲထီၣ်တဂ့ၤအဂီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဝဲဒီးဟ့ၣ်လီၤပှၤ တဂၤဘၣ်တဂၤအမူအဒါလၢကမၤဝဲဒီးတဲဘၣ်အီၤတၢ်လၢ ကဘၣ်စိာ်ဝဲန့ၣ်လီၤ.

လံာ်တၢ်ဂံၢ် 4:20

ဘၣ်ဆၣ်ဒီးပှၤကဃးဖိတဖၣ်မ့ၢ်နုာ်လီၤဆူဒဲစီဆှံအပူၤဒီး ထံၣ်ပှၤလုၢ်တၢ်အခိၣ်တဖၣ်ကတဲာ်ကတီၤတၢ်စီဆှံအပီးအလီ တဖၣ်လၢတၢ်သုးအီၤအဂီၢ်န့ၣ်အဝဲသ့ၣ်ကသံဝဲလီၤ.”

လံာ်တၢ်ဂံၢ် 7:9

ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 31:9

လၢတၢ်န့ၣ်အဃိ, စီၤမိၤၡ့ကွဲးလီၤယူဒၤအတၢ်သိၣ်တၢ်သီလၢ ကစၢ်ယွၤဟ့ၣ်လီၤဝဲဒီးဟ့ၣ်ဃီၤအီၤဆူပှၤလ့ၤဝံပှၤလုၢ်တၢ် အခိၣ်တဖၣ်အအိၣ်, ပှၤလၢအကွၢ်ထွဲယွၤအတၢ်အၢၣ်လီၤအီလီၤအတလါစီဆှံ, ဒီးဆူကီၢ်အံၣ်စရ့လးအခိၣ်အနၢ်တဖၣ်အအိၣ်န့ၣ်လီၤ.

လံာ်စီၤယိၤၡူ 4:10

ပှၤလုၢ်တၢ်အခိၣ်တဖၣ်ဆၢထၢၣ်လၢထံကျိ ယၢ်ဒ့ၣ်အခၢၣ်သးတုၤလီၤလၢတၢ်လၢယွၤမၢစီၤယိၤၡူတဲ ဘၣ်အပှၤဂီၢ်မုၢ်လၢအကမၤဝဲခဲလၢာ်ဘၣ်တၢ်မၤဝံၤ အီၤတစုန့ၣ်လီၤ. တၢ်အံၤမ့ၢ်တၢ်လၢစီၤမိၤၡ့မၤလိာ်တ့ၢ်ဝဲန့ၣ်လီၤ. ဒီးပှၤဂီၢ်မုၢ်ခီဂာ်ထံကျိချ့ချ့န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:19

ယွၤမၤသံတ့ၢ်ပှၤအဂၤနွံဆံလၢဝ့ၢ်ဘ့ၤသၡ့မ့ၣ်အပူၤလီၤ. အဂ့ၢ်ဒ်အံၤ, အဝဲသ့ၣ်အိးထီၣ်ကွၢ်နုာ်ဝဲဒၣ်ဆူတၢ်အၢၣ်လီၤအီ လီၤအတလါစီဆှံအပူၤအဃိလီၤ. ဒီးပှၤဂီၢ်မုၢ်ဟီၣ်ဝဲယၢၤဝဲလၢယွၤဒုးအိၣ်ထီၣ် တၢ်မၤသံမၤဝီလၢအဝဲသ့ၣ်အကျါဒ်န့ၣ်အဃိလီၤ.