လံာ်တၢ်ဂံၢ် 35:33 - Sgaw Karen Common Bible

³³ သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

လံာ်တၢ်ဂံၢ် 35:33 Iomraidhean Croise

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:9

စီၤဒၤဝံးဟ့ၣ်လီၤအဝဲသ့ၣ်ဆူကံးဘိၣ်အပှၤဂီၢ်မုၢ်အစုပူၤ, လၢအစၢသံကွံာ်အဝဲသ့ၣ်လၢကစၢၢ်ဒီခိၣ်လၢယွၤအမဲာ်ညါန့ၣ် လီၤ. ဒီးအဝဲသ့ၣ်နွံဂၤလိာ်သံဝဲတပူၤဃီန့ၣ်လီၤ. တၢ်န့ၣ်မ့ၢ်ဖဲတၢ်မဲထီၣ်သီအကတီၢ်ကလၢာ်အဆၢဒီးတၢ်စးထီၣ်ကူး ဘုမုယီၤအကတီၢ်, ဖဲအဝဲသ့ၣ်ဘၣ်တၢ်မၤသံအီၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:29

မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:31

စီၤၡလိၤမိၤစံးဆၢအီၤ, “မၤတၢ်လၢစီၤယိၤအာ်စံးဝဲန့ၣ်တ က့ၢ်. မၤသံအီၤဒီးခူၣ်လီၤကွံာ်အီၤန့ၣ်တက့ၢ်. အန့ၣ်သတးဒီးယၤမ့ၢ်ဂ့ၤ, စီၤဒၤဝံးအစၢၤအသွဲၣ်အဂၤတဖၣ်မ့ၢ် ဂ့ၤ, တအိၣ်ဘၣ်လၢၤဒီးမူဒါနီတစုလၢတၢ်လၢစီၤယိၤအာ်မၤတ့ၢ်ဝဲ ဖဲအဝဲမၤသံတ့ၢ်ပှၤလၢအတၢ်ကမၣ်တဖၣ်အဂီၢ်လၢၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:26

ဘၣ်ဆၣ်ယွၤအတၢ်သးဒိၣ်ကဲၤထီၣ်ဒိၣ်ထီၣ်လၢအဘၣ်တၢ်ထိၣ်ဂဲၤထီၣ် အီၤထီဒါကီၢ်ယူဒၤခီဖျိတၢ်လၢစီၤပၤမနၤၡ့ၤမၤတ့ၢ်ဝဲန့ၣ်, တုၤခဲကနံၣ်အံၤဒၣ်လဲာ်တလီၤပံာ်ကွံာ်ဝဲဒံးဘၣ်.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:15

အဝဲသ့ၣ်ဖီၣ်န့ၢ်အီၤ, လဲၤစိာ်အီၤဆူစီၤပၤအနီ, ဝံၤဒီးဖဲန့ၣ်မၤသံကွံာ်အီၤလၢကသ့ၣ်အတြဲၤဖးဒိၣ်န့ၣ်လီၤ.

စံးထီၣ်ပတြၢၤ 106:28

မၤကဒီးဖဲပဧိၢ်န့ၣ်, ကစၢ်ယွၤအပှၤဂီၢ် မုၢ်လဲၤသကိးတၢ်လၢ တၢ်ဘူၣ်ထီၣ်ဘါထီၣ်ဘဧၤလးအပူၤ, ဒီးအီၣ်တၢ်လုၢ်တၢ်ပာ်တဖၣ်လၢ တၢ်လုၢ်ထီၣ်အီၤဆူ ကစၢ်လၢအသံတဖၣ်န့ၣ်လီၤ.

စံးထီၣ်ပတြၢၤ 106:38

ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်, ဒီးထံကီၢ်ဘၣ်တၢ်တကဆှီဘၣ်လၢပှၤမၤသံတၢ်တဖၣ်အဃိလီၤ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်တၢ်ဘူၣ်ထီၣ်ဘါထီၣ် 18:25

အဝဲသ့ၣ်အတၢ်မၤတဖၣ်အံၤမၤဘၣ်အၢထံကီၢ်လီၤ. လၢတၢ်န့ၣ်အဃိယွၤစံၣ်ညီၣ်ထံကီၢ်, ဒီးညိကွံာ်ပှၤအိၣ်လၢအပူၤ န့ၣ်လီၤ.

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်တၢ်ဂံၢ် 35:32

ပှၤတဂၤန့ၣ်မ့ၢ်ဃ့ၢ်ပူၤဖျဲးအသးဆူဝ့ၢ်တၢ်ပူၤဖျဲးအဝ့ၢ်တဝ့ၢ် ဒီး, တချုးဒံးဘၣ်လၢပှၤလုၢ်တၢ်အခိၣ်အဒိၣ်သံဒံးဘၣ်န့ၣ်ပျဲ အီၤလၢအကဟ့ၣ်ကျိၣ်ဧိၤစ့ဧိၤလၢကက့ၤဆူအဟံၣ်အဂီၢ်တဂ့ၤ.

လံာ်သိၣ်လီၤသီလီၤတၢ် 19:10

မၤတၢ်အံၤ, ဒ်သိးဒီးပှၤဂီၢ်မုၢ်လၢအတၢ်ကမၣ်တအိၣ်န့ၣ်သုတဘၣ် သံတဂ့ၤဒီးဒ်သိးသုသုတမၤကမၣ်ဘၣ်တၢ်ခီဖျိတၢ်မၤသံဘၣ်အဝဲ သ့ၣ်လၢကီၢ်လၢယွၤဟ့ၣ်သုအပူၤတဂ့ၤန့ၣ်လီၤ.

လံာ်သိၣ်လီၤသီလီၤတၢ် 19:13

ဒုးနဲၣ်တၢ်သးကညီၤလၢအီၤနီတစဲးတဂ့ၤ. ဒုးပူၤဖျဲးကီၢ်အံၣ်စရ့လးဒီးပှၤမၤသံတၢ်အံၤ, ဒ်သိးကယဲၢ်တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်ဒီးသုတက့ၢ်.

လံာ်သိၣ်လီၤသီလီၤတၢ် 21:23

တၢ်စိၣ်န့ၣ်တဘၣ်အိၣ်တ့ၢ်ဖဲန့ၣ်ဒီတနၤညါဘၣ်. တၢ်ကဘၣ်ခူၣ်လီၤကွံာ်အီၤတနံၤဃီမ့ၢ်လၢ, ပှၤသံအစိၣ်တစိၣ်ဘျး လီၤအသးလၢထူၣ်တထူၣ်အလိၤန့ၣ်ဒုးလီၤဘၣ်ကစၢ်ယွၤအတၢ်ဆိၣ်အၢ လၢထံကီၢ်အလိၤအဃိန့ၣ်လီၤ. ခူၣ်လီၤကွံာ်တၢ်စိၣ်ဒ်သိးသုတမၤဘၣ်အၢဘၣ်သီကီၢ်လၢယွၤ, သုကစၢ်ယွၤကဟ့ၣ်သုတဂ့ၤ, အဂီၢ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 9:24

တၢ်အံၤမၤအသးဒ်သိးစီၤအဘံၤမ့လ့းဒီးပှၤၡက့ၣ်ဖိလၢအဟ့ၣ်ဂံၢ်ဟ့ၣ်ဘါအီၤဒ်သိးအကမၤသံကွံာ် စီၤကံးဒဧိၣ်အဖိခွါအဂၤနွံဆံန့ၣ်, ကဒိးဘၣ်တၢ်ဒ်အတၢ်ကမၣ်အသိးအဂီၢ်န့ၣ်လီၤ.