လံာ်တၢ်ဂံၢ် 35:31 - Sgaw Karen Common Bible

³¹ ပှၤမၤသံတၢ်တဂၤန့ၣ်ကဘၣ်တၢ်မၤသံအီၤလီၤ. အဝဲပူၤဖျဲးဒီးတၢ်စံၣ်ညီၣ်အံၤခီဖျိတၢ်ဟ့ၣ်တၢ်အပှ့ၤလၢ ကျိၣ်ဧိၤစ့ဧိၤတသ့ဝဲဘၣ်.

လံာ်တၢ်ဂံၢ် 35:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 21:4

အဝဲသ့ၣ်စံးဆၢဝဲဒၣ်, “ပတၢ်အ့ၣ်လိာ်ပသးဒီးစီၤစီလူးဒီး အပှၤဟံၣ်ဖိဃီဖိန့ၣ်ဘၣ်တၢ်မၤလိၤမၤဘၣ်က့ၤအီၤလၢထူမ့ၢ်ဂ့ၤ စ့မ့ၢ်ဂ့ၤတသ့ဘၣ်. ပတအဲၣ်ဒိးစ့ၢ်ကီးလၢပှၤအံၣ်စရ့လးဖိ ကဘၣ်တၢ်မၤသံအီၤနီတဂၤဘၣ်.” စီၤဒၤဝံးသံကွၢ်ဝဲ, “မ့မ့ၢ်ဒ်န့ၣ်ဒီးသုဆိကမိၣ်ယကြၢးမၤတၢ်မနုၤလၢသုဂီၢ်န့ၣ်လဲၣ်.”

စံးထီၣ်ပတြၢၤ 51:14

ကစၢ်ယွၤဧၢ, မၤပူၤမၤဖျဲးယၤလၢတၢ်သံန့ၣ်တက့ၢ်. နမ့ၢ်ယတၢ်အုၣ်က့ၤခီၣ်က့ၤအကစၢ်, ဒီးယပျ့ၤကသးဝံၣ်ထီၣ်နၤဒိၣ်ဒိၣ် လၢနတၢ်မၤပူၤဖျဲးအဃိလီၤ.

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

လံာ်ယဃ့းစက့လး 16:38

ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:17

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 35:30

ပှၤတဂၤလၢပှၤပာ်ဒ့ၣ်ပာ်ကမၣ်အီၤလၢအမၤသံတၢ်န့ၣ်, တၢ်ကထံၣ်ဘၣ်လၢအဝဲအတၢ်ကမၣ်အိၣ်ဝဲဒီးကဘၣ်တၢ်မၤသံဒၣ်အီၤဖဲ ဒၣ်ပှၤအုၣ်အသးအိၣ်ဝဲခံဂၤမ့တမ့ၢ်အါန့ၢ်ခံဂၤအဃိန့ၣ်လီၤ. ပှၤအုၣ်အသးအိၣ်ဝဲထဲတဂၤဧိၤန့ၣ်တလၢတပှဲၤလၢကဆီၣ်ထွဲတၢ် ကတိၤပာ်ဒ့ၣ်ပာ်ကမၣ်ဘၣ်ဃးတၢ်မၤသံအဂ့ၢ်န့ၣ်ဘၣ်.

လံာ်တၢ်ဂံၢ် 35:32

ပှၤတဂၤန့ၣ်မ့ၢ်ဃ့ၢ်ပူၤဖျဲးအသးဆူဝ့ၢ်တၢ်ပူၤဖျဲးအဝ့ၢ်တဝ့ၢ် ဒီး, တချုးဒံးဘၣ်လၢပှၤလုၢ်တၢ်အခိၣ်အဒိၣ်သံဒံးဘၣ်န့ၣ်ပျဲ အီၤလၢအကဟ့ၣ်ကျိၣ်ဧိၤစ့ဧိၤလၢကက့ၤဆူအဟံၣ်အဂီၢ်တဂ့ၤ.

လံာ်သိၣ်လီၤသီလီၤတၢ် 27:24

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤသံတၢ်လၢတၢ်ခူသူၣ်အပူၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”