လံာ်တၢ်ဂံၢ် 35:30 - Sgaw Karen Common Bible

³⁰ ပှၤတဂၤလၢပှၤပာ်ဒ့ၣ်ပာ်ကမၣ်အီၤလၢအမၤသံတၢ်န့ၣ်, တၢ်ကထံၣ်ဘၣ်လၢအဝဲအတၢ်ကမၣ်အိၣ်ဝဲဒီးကဘၣ်တၢ်မၤသံဒၣ်အီၤဖဲ ဒၣ်ပှၤအုၣ်အသးအိၣ်ဝဲခံဂၤမ့တမ့ၢ်အါန့ၢ်ခံဂၤအဃိန့ၣ်လီၤ. ပှၤအုၣ်အသးအိၣ်ဝဲထဲတဂၤဧိၤန့ၣ်တလၢတပှဲၤလၢကဆီၣ်ထွဲတၢ် ကတိၤပာ်ဒ့ၣ်ပာ်ကမၣ်ဘၣ်ဃးတၢ်မၤသံအဂ့ၢ်န့ၣ်ဘၣ်.

လံာ်တၢ်ဂံၢ် 35:30 Iomraidhean Croise

လံာ်တၢ်ဟးထီၣ်ကွံာ် 21:12

ပှၤတဂၤလၢ်လၢ်လၢအဒိအတီၢ်ပှၤတဂၤဒီးမၤသံအီၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:17

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 35:16

ဒ်လဲၣ်ဒ်လဲၣ်ဂ့ၤန့ၣ်, ပှၤတဂၤမ့ၢ်သူတၢ်စုကဝဲၤထးမ့ၢ်ဂ့ၤ, လၢၢ်မ့ၢ်ဂ့ၤ, သ့ၣ်မ့ၢ်ဂ့ၤဒ်သိးကမၤသံဘၣ်ပှၤတဂၤဂၤဒီး, အဝဲအတၢ်ကမၣ်အိၣ်လၢအမၤသံတၢ်အဃိ, ဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 35:31

ပှၤမၤသံတၢ်တဂၤန့ၣ်ကဘၣ်တၢ်မၤသံအီၤလီၤ. အဝဲပူၤဖျဲးဒီးတၢ်စံၣ်ညီၣ်အံၤခီဖျိတၢ်ဟ့ၣ်တၢ်အပှ့ၤလၢ ကျိၣ်ဧိၤစ့ဧိၤတသ့ဝဲဘၣ်.

လံာ်မးသဲ 18:16

မ့ၢ်တဒိကနၣ်နၤဒီး, ကိးဃုာ်ပှၤအဂၤတဂၤမ့ၢ်ဂ့ၤ, ခံဂၤမ့ၢ်ဂ့ၤဒီးနၤ, ဒ်သိးတၢ်ကတိၤကိးထံၣ်ဒဲး, ကဘၣ်တၢ်ပာ်ဂၢၢ်ပာ်ကျၢၤအီၤလၢပှၤအုၣ်အသးခံဂၤမ့ၢ်ဂ့ၤ, သၢဂၤမ့ၢ်ဂ့ၤန့ၣ်တက့ၢ်.

လံာ်ယိၤဟၣ် 7:51

“မ့မ့ၢ်ဒ်ပတၢ်သိၣ်တၢ်သီအသိးန့ၣ်, တချုးဒံးဘၣ်လၢပနၢ်ဟူဆိပှၤတဂၤန့ၣ်အတၢ်ကတိၤဒီး ဃုထံၣ်သ့ၣ်ညါဆိအဝဲမၤတ့ၢ်လံတၢ်မနုၤလဲၣ်န့ၣ်ဒီး, ပစံၣ်ညီၣ်ဃၣ်အီၤတသ့ဘၣ်.”

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”

လံာ်သိၣ်လီၤသီလီၤတၢ် 19:15

လၢတၢ်ကစံၣ်ညီၣ်ပှၤတဂၤအတၢ်မၤကမၣ်တမံၤအဂီၢ်န့ၣ်, ပှၤအုၣ်အသးတဂၤတမ့ၢ်တၢ်လၢတၢ်ပှဲၤဘၣ်. အစှၤကတၢၢ်ပှၤအုၣ်အသးကဘၣ်အိၣ်ခံဂၤလၢကအုၣ်အသးလၢ ပှၤတဂၤန့ၣ်အတၢ်ကမၣ်အိၣ်ဝဲအဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 27:24

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤသံတၢ်လၢတၢ်ခူသူၣ်အပူၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

၁ တံၤမသ့း 5:19

တၢ်ပာ်တၢ်ကမၣ်လၢပှၤသူၣ်က့သးပှၢ်တဂၤဂၤအလိၤန့ၣ်, ပှၤအုၣ်အသးခံဂၤ, မ့တမ့ၢ်, သၢဂၤမ့ၢ်တအိၣ်ဘၣ်ဒီး, တဘၣ်ကနၣ်ဃုာ်တဂ့ၤ.

ဧ့ၤဘြံၤ 10:28

ပှၤတဂၤဂၤလၢ, ဖဲပှၤခံဂၤသၢဂၤအုၣ်အသးလၢအလုၣ် သ့ၣ်ခါပတာ်စီၤမိၤၡ့အတၢ်သိၣ်တၢ်သီန့ၣ်, ဘၣ်တၢ်မၤသံကွံာ်အီၤတအိၣ်ဒီးတၢ်သးကညီၤအီၤဘၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”