လံာ်တၢ်ဂံၢ် 35:25 - Sgaw Karen Common Bible

²⁵ ကမျၢၢ်ဒူၣ်ထၢကဘၣ်အုၣ်က့ၤခီၣ်က့ၤပှၤတဂၤလၢအမၤကမၣ်တၢ်လၢ အမၤသံဘၣ်ပှၤအဃိန့ၣ်, လၢပှၤသံတဂၤအဘူးအတံၢ်အစုပူၤ, ဒီးအဝဲသ့ၣ်ကဘၣ်ဆှၢကဒါက့ၤအီၤဆူဝ့ၢ်တၢ်ပူၤဖျဲးလၢ အဝဲအိၣ်ပူၤဖျဲးအလီၢ်န့ၣ်လီၤ. အဝဲကဘၣ်အိၣ်ဖဲန့ၣ်တုၤလၢ, ပှၤတဂၤလၢဖဲန့ၣ်အခါမ့ၢ်ပှၤလုၢ်တၢ်အခိၣ်အဒိၣ်, သံဝဲတစုန့ၣ်လီၤ.

လံာ်တၢ်ဂံၢ် 35:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဘူၣ်ထီၣ်ဘါထီၣ် 21:10

ပှၤလုၢ်တၢ်အခိၣ်အဒိၣ်ကတၢၢ်လၢအဘၣ်တၢ်ဖှူအခိၣ်လၢသိ ဒီးဘၣ်တၢ်ပာ်စီဆှံထီၣ်အီၤလၢကသိးပှၤလုၢ်တၢ်အခိၣ် အကူအသိးန့ၣ်, တဘၣ်ပာ်အခိၣ်တဖုတရုဘၣ်မ့ၢ်ဂ့ၤ, တဘၣ်ဖှီအဆ့လၢကပာ်ဖျါအတၢ်အိၣ်လၢတၢ်သးအုးအပူၤအဂီၢ်မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 8:12

ဒီးပာ်စုစီၤအၤဟရိၣ်ခီဖျိတၢ်လူလီၤသိဖှူတၢ်တနီၤလၢအခိၣ်လိၤန့ၣ်လီၤ.

လံာ်တၢ်ဂံၢ် 35:24

လၢကွီၢ်ဒ်သိးအံၤတဖၣ်အပူၤ, ကမျၢၢ်ဒူၣ်ထၢကဘၣ်စံၣ်ညီၣ်ကွၢ် မဲာ်ပှၤလၢအမၤသံဘၣ်တၢ်တဂၤဒီးတဘၣ်ကွၢ်မဲာ်ပှၤသံတဂၤအဘူး အတံၢ်လၢအဃုတၢ်ဟ့ၣ်ကၣ်န့ၣ်ဘၣ်.

လံာ်တၢ်ဂံၢ် 35:26

ပှၤတဂၤလၢအတၢ်ကမၣ်အိၣ်ဝဲလၢအမၤသံဘၣ်ပှၤအဃိန့ၣ်မ့ၢ်ဟးထီၣ် ဝဲလၢဝ့ၢ်တၢ်ပူၤဖျဲး, ဖဲအဝဲဒၣ်အိၣ်ပူၤဖျဲးဝဲန့ၣ်,

လံာ်တၢ်ဂံၢ် 35:28

ပှၤလၢအတၢ်ကမၣ်အိၣ်ဝဲလၢအမၤသံဘၣ်ပှၤတဂၤန့ၣ်ကဘၣ်အိၣ်ဝဲလၢ ဝ့ၢ်တၢ်ပူၤဖျဲးအပူၤတုၤလၢပှၤလုၢ်တၢ်အခိၣ်အဒိၣ်သံတစုလီၤ. အန့ၣ်ဝံၤဒီးက့ၤကဒါက့ၤဝဲဆူအဟံၣ်သ့ဝဲဒၣ်န့ၣ်လီၤ.

လံာ်စီၤယိၤၡူ 20:6

အဝဲဒၣ်ကအိၣ်လၢဝ့ၢ်ပူၤတုၤလီၤလၢအဝဲဆၢထၢၣ်ဘၣ်လၢ ကမျၢၢ် အတၢ်စံၣ်ညီၣ်အလီၢ်ဒီးတုၤလီၤစ့ၢ်ကီးလၢပှၤလုၢ်တၢ်အခိၣ်အဒိၣ်လၢ အဆၢကတီၢ်ဝဲန့ၣ် သံဝဲတစုန့ၣ်လီၤ. တၢ်န့ၣ်ဝံၤဒီး, အဝဲကက့ၤကဒါက့ၤဆူအဟံၣ်ဒီးဆူအဝ့ၢ်ဒၣ်ဝဲလၢအဝဲထွးထီၣ်ဃ့ၢ်တ့ၢ်ဝဲန့ၣ်လီၤ.”