လံာ်တၢ်ဂံၢ် 35:2 - Sgaw Karen Common Bible

² “တဲပှၤအံၣ်စရ့လးဖိတဖၣ်လၢ, တၢ်စုလီၢ်ခီၣ်ခိၣ်လၢအဝဲသ့ၣ် ဒိးန့ၢ်ဘၣ်ဝဲတဖၣ်အကျါန့ၣ်ကဘၣ်ဟ့ၣ်ပှၤလ့ၤဝံဖိတဖၣ်လၢဝ့ၢ် တနီၤဒ်သိးကအိၣ်ကဆိးဝဲလၢအပူၤဒီးတၢ်အီၣ်ဆၣ်အလီၢ်လၢဝ့ၢ် တဖၣ်အခိၣ်အဃၢၤန့ၣ်လီၤ.

လံာ်တၢ်ဂံၢ် 35:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:2

အန့ၣ်ဝံၤဒီးအဝဲဘိးဘၣ်သ့ၣ်ညါကယဲၢ်အံၣ်စရ့လးအပှၤဂီၢ်မုၢ် ခဲလၢာ်, “မ့ၢ်ဘၣ်သူၣ်ဘၣ်သးသု, ဒီးမ့မ့ၢ်ယွၤ, ပကစၢ်ယွၤအတၢ်ဘၣ်အသး ဒီးလဲၤဆူထံဖိကီၢ်ဖိလၢအအိၣ်လီၤတဲာ်တဖၣ်အအိၣ်, ဒီးဆူပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်လၢအအိၣ်လၢ အဝ့ၢ်ဒၣ်ဝဲအပူၤ, ဒီးတဲဘၣ်အဝဲသ့ၣ်လၢကဟဲအိၣ်ဖှိၣ်ရိဖှိၣ်ဃုာ်ဒီးပှၤဖဲအံၤ န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 11:14

ပှၤလ့ၤဝံဖိတဖၣ်ပာ်တ့ၢ်ကွံာ်အဝဲသ့ၣ်တၢ်အီၣ်ဆၣ်အလီၢ်လါဟ့တ ဖၣ်, ဒီးအတၢ်အိၣ်ဆိးတၢ်လီၢ်အဂၤတဖၣ်, ဒီးဟဲသုးဆူကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ. အဂ့ၢ်ဒ်အံၤ, အံၣ်စရ့လးအစီၤပၤယၤရၤဘၣ်ဒီးပှၤလၢအထီၣ်အလီၢ် တဖၣ်တပျဲဘၣ်အဝဲသ့ၣ်မၤတၢ်ဒ်ယွၤအပှၤလုၢ်တၢ်အခိၣ်တဖၣ်အသိးအဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:19

လၢပှၤလုၢ်တၢ်အခိၣ်တဖၣ်လၢအအိၣ်ဆိးဝဲလၢစီၤအၤဟရိၣ်အစၢၤ အသွဲၣ်အတၢ်န့ၢ်သါအဝ့ၢ်တဖၣ်အပူၤမ့ၢ်ဂ့ၤ, လၢဝ့ၢ်တဖၣ်န့ၣ်အတၢ်အီၣ်ဆၣ်လီၢ်လါဟ့အပူၤမ့ၢ်ဂ့ၤအကျါပှၤ အိၣ်မူအိၣ်ဒါတဖၣ်အိၣ်စ့ၢ်ကီးဝဲလၢအနီၤလီၤတၢ်အီၣ်တၢ်အီဆူ ကယဲၢ်ပှၤပိာ်ခွါတဖၣ်လၢပှၤလုၢ်တၢ်အခိၣ်အဟံၣ်ဖိဃီဖိအအိၣ်ဒီး ဆူကယဲၢ်ပှၤတဂၤလၢ်လၢ်လၢအမံၤအိၣ်ဝဲလၢပှၤလ့ၤဝံအဒူၣ်ထၢ အတၢ်ကွဲးနီၣ်အပူၤအအိၣ်န့ၣ်လီၤ.

လံာ်စီၤနဃ့မယၤ 13:10

ယသ့ၣ်ညါဘၣ်စ့ၢ်ကီးလၢတၢ်လုၢ်ဟံၣ်အပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိအဂၤတဖၣ်ဟးထီၣ်ကွံာ်လံလၢဝ့ၢ်ယရူၤၡလ့ၣ်ဒီး က့ၤကဒါက့ၤဆူအဝဲသ့ၣ်အစံာ်အပျီမ့ၢ်လၢပှၤဂီၢ်မုၢ်တဟ့ၣ်အဝဲ သ့ၣ်တၢ်လၢလၢလီၣ်လီၣ်လၢကအိၣ်မူဝဲအဂီၢ်ဘၣ်အဃိန့ၣ်လီၤ.

လံာ်ယဃ့းစက့လး 48:22

တၢ်လီၢ်အံၤအဆၢလၢမုၢ်ထီၣ်တကပၤန့ၣ်, လဲၤဝဲယံၤတုၤလၢမုၢ်ထီၣ်ကီၢ်အဆၢဒီးလၢ မုၢ်နုာ်တကပၤန့ၣ်လဲၤဝဲတုၤဆူပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်ဒီးတၢ်လီၢ်တတီၤလၢအဘၣ်ထွဲဒီး ယူဒၤအဒူၣ်, မ့ၢ်တၢ်လီၢ်အံၤအဆၢလၢကလံၤစိးတကပၤ, ဒီးတၢ်လီၢ်တတီၤလၢအဘၣ်ထွဲဒီးဘံၣ်ယၤမံၣ်အဒူၣ်, မ့ၢ်တၢ်လီၢ်အံၤအဆၢလၢကလံၤထံးတကပၤန့ၣ်လီၤ.

လံာ်ယဃ့းစက့လး 48:8

ကီၢ်အတၢ်နီၤဖးလၢခံတတီၤန့ၣ်ကဘၣ်တၢ်ပာ် လီၤဆီအီၤလၢတၢ်ကသူလီၤဆီအီၤအဂီၢ်န့ၣ်လီၤ. တၢ်လီၢ်န့ၣ်လဲၢ်ဝဲစးထီၣ်လၢကလံၤစိးဆူကလံၤထံးအပျၢ် ခံကလးယဲၢ်ကထိ, ဒီးအထီစးထီၣ်လၢမုၢ်ထီၣ်တုၤဆူမုၢ် နုာ်န့ၣ်ကဘၣ်ဒ်သိးသိးလိာ်အသးဒီးတၢ်လီၢ်အတီၤ တဖၣ်လၢအဘၣ်တၢ်ဟ့ၣ်နီၤအီၤဆူပှၤအဒူၣ်တဖၣ် အအိၣ်န့ၣ်လီၤ. ယွၤအတၢ်လုၢ်ဟံၣ်ကဘၣ်အိၣ်လၢတၢ်လီၢ် တတီၤအံၤအပူၤန့ၣ်လီၤ.

လံာ်တၢ်ဂံၢ် 35:1

ယွၤကတိၤတၢ်ဒီးစီၤမိၤၡ့လၢကီၢ်မိၤအးအတၢ်ပျီပူၤတဖၣ်, လၢအအိၣ်သဃီၤဒီးဝ့ၢ်ယရံၤဃိလၢထံကျိယၢ်ဒ့ၣ်အဘးခီစံးဝဲ,

လံာ်တၢ်ဂံၢ် 35:3

ဝ့ၢ်တဖၣ်အံၤကဘၣ်ဃးဒီးပှၤလ့ၤဝံဖိတဖၣ်ဒီးအဝဲသ့ၣ်ကအိၣ်ဆိး ဖဲန့ၣ်လီၤ. တၢ်အီၣ်ဆၣ်အလီၢ်န့ၣ်ကမ့ၢ်ဝဲလၢအဝဲသ့ၣ်အဂီၤဘုၣ်ဂီၤဖံးဒီး ကယဲၢ်အဝဲသ့ၣ်ဆၣ်ဖိကီၢ်ဖိအအဂီၢ်န့ၣ်လီၤ.

လံာ်သိၣ်လီၤသီလီၤတၢ် 18:6

ပှၤလ့ၤဝံဖိတဂၤဂ့ၤတဂၤဂ့ၤလၢကီၢ်အံၣ်စရ့လးအပူၤဝ့ၢ်တဖျၢၣ်လၢ်လၢ်န့ၣ်, မ့ၢ်သးအိၣ်ဟဲဆူတၢ်ဘူၣ်ထီၣ်ဘါထီၣ်အလီၢ်တတီၤန့ၣ်ဟဲဝဲသ့,