လံာ်တၢ်ဂံၢ် 35:19 - Sgaw Karen Common Bible

¹⁹ ပှၤသံတဂၤအဘူးအတံၢ်အဘူးကတၢၢ်အမူအဒါအိၣ်လၢကမၤသံကွံာ်ပှၤ လၢအမၤသံတၢ်တဂၤန့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 35:19 Iomraidhean Croise

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:11

ပိာ်မုၣ်န့ၣ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤဘါထုကဖၣ်တၢ်ဆူယွၤ, နကစၢ်ယွၤအအိၣ်ဒ်သိးယဘူးယတံၢ် လၢအအိၣ်မူအိၣ်ဒါလၢတၢ်ဟ့ၣ်ကၣ်က့ၤတၢ်လၢယဖိခွါအတၢ်သံအဃိ န့ၣ်, အသုတမၤတၢ်ကမၣ်လၢအဒိၣ်န့ၢ်ဒံးအလီၢ်တမံၤ, ခီဖျိတၢ်မၤသံကွံာ်ယဖိခွါအဂၤတဂၤအဃိတဂ့ၤ.” စီၤဒၤဝံးစံးဆၢဝဲဒၣ်, “ယအၢၣ်လီၤအီလီၤနၤလၢယွၤလၢအမူဝဲတဂၤအမံၤအပူၤလၢနဖိ ခွါတဘၣ်တၢ်မၤဆါအီၤဆံးကိာ်ဖိဒၣ်လဲာ်ဘၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:7

ဒီးခဲကနံၣ်အံၤတၢ်ဒိၣ်ဧၢ, ယဘူးယတံၢ်ခဲလၢာ်ဃၣ်ကွံာ်အသးထီဒါယၤ ဒီးဃ့ဆူၣ်ဝဲလၢယကဘၣ်ဟ့ၣ်လီၤယဖိခွါဆူအဝဲသ့ၣ်အအိၣ် ဒ်သိးအဝဲသ့ၣ်မၤသံကွံာ်အီၤကသ့, လၢအဝဲမၤသံတ့ၢ်အဒီပုၢ်ဝဲၢ်ခွါအဃိန့ၣ်လီၤ. အဝဲသ့ၣ်မ့ၢ်မၤတၢ်အံၤဒီးယကအိၣ်လီၤတဲာ်တအိၣ်ဒီးဖိခွါနီတဂၤဘၣ်လီၤ. အဝဲသ့ၣ်ကမၤဟးဂီၤယတၢ်မုၢ်လၢ်လၢခံကတၢၢ်ဒီးဖိခွါတဂၤလၢ ကစိာ်မူထွဲဒ်ယဝၤအမံၤန့ၣ်တအိၣ်လၢၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:30

မၤသးဒ်န့ၣ်ဒီးစီၤယိၤအာ်ဒီးအဒီပုၢ်ဝဲၢ်စီၤအဘံၡဲၤဟ့ၣ်ကၣ် စီၤအဘံန့ၢ်လၢအမၤသံအဒီပုၢ်ဝဲၢ်ခွါစီၤဧစၤအ့လးလၢတၢ်ဒုးဖဲဝ့ၢ်ကံးဘိၣ် အပူၤအဃိန့ၣ်လီၤ.

လံာ်တၢ်ဂံၢ် 35:12

ဖဲန့ၣ်အဝဲကပူၤဖျဲးဝဲဒီးပှၤသံတဂၤအဘူးအတံၢ်လၢအဃုတၢ် ဟ့ၣ်ကၣ်ကဒါက့ၤန့ၣ်လီၤ. မ့တမ့ၢ်ဘၣ်လၢကမျၢၢ်အကွီၢ်ဘၣ်တၢ်သမံသမိးအီၤဘၣ်န့ၣ်ပှၤတဂၤ လၢဘၣ်တၢ်စံးအီၤလၢအမၤသံတ့ၢ်ပှၤကညီန့ၣ်တၢ်တဘၣ်မၤသံအီၤ ဘၣ်.

လံာ်တၢ်ဂံၢ် 35:20

ပှၤတဂၤမ့ၢ်သးဟ့ပှၤအဂၤတဂၤဂၤဒီးမၤသံကွံာ်အီၤခီဖျိတၢ် ဆီၣ်လီၤတဲာ်အီၤမ့ၢ်ဂ့ၤ, ကွံာ်အီၤလၢတၢ်တမံၤမံၤမ့ၢ်ဂ့ၤ,

လံာ်တၢ်ဂံၢ် 35:21

ပသီတံၢ်အီၤလၢအစုခိၣ်မ့ၢ်ဂ့ၤန့ၣ်ဒီးအဝဲအတၢ်ကမၣ်အိၣ်လၢတၢ် မၤသံတၢ်ဒီးကဘၣ်တၢ်မၤသံကွံာ်အီၤန့ၣ်လီၤ. ပှၤသံတဂၤအဘူးအတံၢ်အဘူးကတၢၢ်အိၣ်ဒီးအမူအဒါလၢကမၤသံကွံာ် ပှၤမၤသံတၢ်န့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံအီၤန့ၣ်လီၤ.

လံာ်တၢ်ဂံၢ် 35:24

လၢကွီၢ်ဒ်သိးအံၤတဖၣ်အပူၤ, ကမျၢၢ်ဒူၣ်ထၢကဘၣ်စံၣ်ညီၣ်ကွၢ် မဲာ်ပှၤလၢအမၤသံဘၣ်တၢ်တဂၤဒီးတဘၣ်ကွၢ်မဲာ်ပှၤသံတဂၤအဘူး အတံၢ်လၢအဃုတၢ်ဟ့ၣ်ကၣ်န့ၣ်ဘၣ်.

လံာ်တၢ်ဂံၢ် 35:27

ပှၤသံတဂၤအဘူးအတံၢ်မ့ၢ်ထံၣ်န့ၢ်အီၤဒီးမၤသံအီၤန့ၣ်, တၢ်ဟ့ၣ်ကၣ်အံၤတမ့ၢ်တၢ်မၤသံတၢ်ဘၣ်.

လံာ်သိၣ်လီၤသီလီၤတၢ် 19:12

လၢတၢ်ဂ့ၢ်ဒ်န့ၣ်အသိးအဂီၢ်န့ၣ်, အဝဲအနီၢ်ကစၢ်ဒၣ်ဝဲအဝ့ၢ်အပှၤ ခိၣ်ပှၤနၢ်တဖၣ်ကဘၣ်မၤလိာ်က့ၤအီၤဒီးဟ့ၣ်လီၤအီၤဆူ ဘူးတံၢ်အိၣ်မူအိၣ်ဒါလၢကဟ့ၣ်ကၣ်က့ၤတၢ်မၤသံအဂီၢ်အစုပူၤ, ဒ်သိးအဝဲကဘၣ်တၢ်မၤသံကွံာ်အီၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 19:6

ဝ့ၢ်မ့ၢ်အိၣ်ဒၣ်ထဲတဖျၢၣ်ဧိၤန့ၣ်, တၢ်ဒ့ၣ်စၢၤဆူဝ့ၢ်န့ၣ်ကယံၤ ကဲာ်ဆိး, ဒီးဘူးတံၢ်လၢအအိၣ်မူအိၣ်ဒါလၢကဘၣ်ဟ့ၣ်ကၣ်က့ၤတၢ်မၤသံ ကချုးန့ၢ်အီၤဒီးလၢအဝဲအတၢ်သးဒိၣ်အပူၤန့ၣ်ကမၤသံဘၣ်ပှၤလၢ အတၢ်ကမၣ်တအိၣ်တဂၤလီၤ. မ့ၢ်နာ်သက့ဒ်န့ၣ်ဒီး, အဝဲမၤသံဘၣ်ဒၣ်ပှၤတဂၤလၢတမ့ၢ်အဒုၣ်အဒါန့ၣ်, လၢတၢ်မၤဖုးမၤပျီၢ်အသးအဃိန့ၣ်လီၤ.

လံာ်စီၤယိၤၡူ 20:3

ဒ်သိးပှၤလၢအမၤသံဘၣ်ပှၤတဂၤဂၤလၢတၢ်တဆိကမိၣ်ဆိကမးဘၣ် အပူၤကလဲၤဃ့ၢ်ဖဲန့ၣ်လၢကပူၤဖျဲးလၢပှၤလၢအလူၤဃု မၤကၣ်က့ၤအီၤတဂၤအဂီၢ်န့ၣ်လီၤ.

လံာ်စီၤယိၤၡူ 20:5

ပှၤလၢအလူၤဃုမၤကၣ်က့ၤအီၤတဂၤမ့ၢ်ဟဲလူၤထွဲအီၤဖဲန့ၣ်ဒီး, ပှၤလၢဝ့ၢ်ပူၤတဖၣ်တဘၣ်ဟ့ၣ်လီၤအီၤဆူအဝဲအစုပူၤဘၣ်. အဝဲသ့ၣ်ကဘၣ်ဒီဒၣ်အီၤမ့ၢ်လၢအဝဲမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤဒီးတမ့ၢ်လၢတၢ်သးဖျိးဘၣ် အဃိလီၤ.

လံာ်ပှၤစံၣ်ညီၣ်ကွီၢ် 8:19

ဒီးစီၤကံးဒဧိၣ်စံးဝဲဒၣ်, “အဝဲသ့ၣ်မ့ၢ်ယဒီပုၢ်ဝဲၢ်တဖၣ်, ယမိၢ်ဒၣ်ယဲအဖိခွါတဖၣ်န့ၣ်လီၤ. ယဆိၣ်လီၤယသးသညူးသပှၢ်လၢသုမ့ၢ်တမၤသံအဝဲသ့ၣ်ဘၣ်ဒီး ယတမၤသံဘၣ်သုဘၣ်.”