လံာ်တၢ်ဂံၢ် 35:15 - Sgaw Karen Common Bible

¹⁵ ဝ့ၢ်တဖၣ်အံၤကမ့ၢ်တၢ်ပူၤဖျဲးအဝ့ၢ်တဖၣ်လၢပှၤအံၣ်စရ့လးဖိ တဖၣ်အဂီၢ်မ့ၢ်ဂ့ၤ, ပှၤတခီဘီမုၢ်ဖိလၢအအိၣ်တစိၢ်တလီၢ်အဂီၢ်မ့ၢ်ဂ့ၤ, အိၣ်ဆိးဂၢၢ်ကျၢၤအဂီၢ်မ့ၢ်ဂ့ၤ, ဒီးပှၤတဂၤလၢ်လၢ်လၢအမၤသံဘၣ်ပှၤအဂၤတဂၤဂၤလၢတၢ်တပာ်သူၣ်ပာ် သးအပူၤမ့ၢ်ဂ့ၤဃ့ၢ်ပူၤဖျဲးအသးဆူဝ့ၢ်တဖျၢၣ်ဖျၢၣ်အံၤကသ့ဝဲဒၣ်လီၤ.

လံာ်တၢ်ဂံၢ် 35:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်တၢ်ဟးထီၣ်ကွံာ် 12:49

တၢ်သိၣ်တၢ်ဘျၢတဖၣ်အံၤဘၣ်ထွဲဒီးပှၤအံၣ်စရ့လးဖိလၢအအိၣ် ဖျဲၣ်လၢကီၢ်ပူၤမ့ၢ်ဂ့ၤပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်ဂ့ၤဒ်သိးသိးန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 24:22

ဒီးတၢ်သိၣ်တၢ်ဘျၢအံၤမ့ၢ်လၢပှၤအံၣ်စရ့လးဖိတဖၣ်အဂီၢ်ဒီးပှၤ တခီဘီမုၢ်ဖိတဖၣ်အဂီၢ်န့ၣ်လီၤ. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.”

လံာ်တၢ်ဂံၢ် 15:16

တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်တမံၤဃီန့ၣ်မ့ၢ်တၢ်ဘၣ် ထွဲဒီးသုဒီးပှၤတခီဘီမုၢ်ဖိအဂီၢ်စ့ၢ်ကီးလီၤ.

လံာ်တၢ်ဂံၢ် 35:11

သုကဘၣ်ဃုထၢတၢ်ပူၤဖျဲးအဝ့ၢ်တဖၣ်, လၢပှၤတဂၤလၢအမၤသံဘၣ် ပှၤအဂၤတဂၤလၢတၢ်တပာ်သူၣ်ပာ်သးအပူၤန့ၣ်လဲၤဃ့ၢ်ပူၤဖျဲးအသး ကသ့အဂီၢ်န့ၣ်လီၤ.

ရိမ့ၤ 3:29

ကစၢ်ယွၤအံၤမ့ၢ်ဒၣ်ထဲပှၤယူဒၤဖိတဖၣ်အကစၢ်ယွၤဧိၤန့ၣ်ဧါ. မ့ၢ်အတမ့ၢ်စ့ၢ်ကီးပှၤကလုာ်ဂၤတဖၣ်အကစၢ်ယွၤဘၣ်ဧါ. မ့ၢ်သပှၢ်ကတၢၢ်ပှၤကလုာ်ဂၤတဖၣ်အကစၢ်ယွၤစ့ၢ်ကီးလီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.