လံာ်တၢ်ဂံၢ် 35:12 - Sgaw Karen Common Bible

¹² ဖဲန့ၣ်အဝဲကပူၤဖျဲးဝဲဒီးပှၤသံတဂၤအဘူးအတံၢ်လၢအဃုတၢ် ဟ့ၣ်ကၣ်ကဒါက့ၤန့ၣ်လီၤ. မ့တမ့ၢ်ဘၣ်လၢကမျၢၢ်အကွီၢ်ဘၣ်တၢ်သမံသမိးအီၤဘၣ်န့ၣ်ပှၤတဂၤ လၢဘၣ်တၢ်စံးအီၤလၢအမၤသံတ့ၢ်ပှၤကညီန့ၣ်တၢ်တဘၣ်မၤသံအီၤ ဘၣ်.

လံာ်တၢ်ဂံၢ် 35:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:7

ဒီးခဲကနံၣ်အံၤတၢ်ဒိၣ်ဧၢ, ယဘူးယတံၢ်ခဲလၢာ်ဃၣ်ကွံာ်အသးထီဒါယၤ ဒီးဃ့ဆူၣ်ဝဲလၢယကဘၣ်ဟ့ၣ်လီၤယဖိခွါဆူအဝဲသ့ၣ်အအိၣ် ဒ်သိးအဝဲသ့ၣ်မၤသံကွံာ်အီၤကသ့, လၢအဝဲမၤသံတ့ၢ်အဒီပုၢ်ဝဲၢ်ခွါအဃိန့ၣ်လီၤ. အဝဲသ့ၣ်မ့ၢ်မၤတၢ်အံၤဒီးယကအိၣ်လီၤတဲာ်တအိၣ်ဒီးဖိခွါနီတဂၤဘၣ်လီၤ. အဝဲသ့ၣ်ကမၤဟးဂီၤယတၢ်မုၢ်လၢ်လၢခံကတၢၢ်ဒီးဖိခွါတဂၤလၢ ကစိာ်မူထွဲဒ်ယဝၤအမံၤန့ၣ်တအိၣ်လၢၤဘၣ်.”

လံာ်တၢ်ဂံၢ် 35:13

ဃုထၢဝ့ၢ်ဃုဝ့ၢ်, ဝ့ၢ်သၢဝ့ၢ်လၢထံကျိယၢ်ဒ့ၣ်အမုၢ်ထီၣ်တကပၤဒီးအဂၤသၢဝ့ၢ်လၢ ကီၢ်ကနၤဧၣ်အပူၤတက့ၢ်.

လံာ်တၢ်ဂံၢ် 35:19

ပှၤသံတဂၤအဘူးအတံၢ်အဘူးကတၢၢ်အမူအဒါအိၣ်လၢကမၤသံကွံာ်ပှၤ လၢအမၤသံတၢ်တဂၤန့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 19:4

လၢတၢ်တပာ်သူၣ်ပာ်သးအပူၤ, ပှၤတဂၤမ့ၢ်မၤသံဘၣ်ပှၤတဂၤဂၤလၢ တမ့ၢ်ဘၣ်အဒုၣ်အဒါဒီးအဝဲလဲၤဃ့ၢ်ပူၤဖျဲးအသးဆူဝ့ၢ်တဖၣ်န့ၣ် အကျါတဖျၢၣ်ဖျၢၣ်အပူၤဒ်သိးကအိၣ်ဘံၣ်အိၣ်ဘၢအသး သ့ဝဲဒၣ်လီၤ.

လံာ်သိၣ်လီၤသီလီၤတၢ် 19:6

ဝ့ၢ်မ့ၢ်အိၣ်ဒၣ်ထဲတဖျၢၣ်ဧိၤန့ၣ်, တၢ်ဒ့ၣ်စၢၤဆူဝ့ၢ်န့ၣ်ကယံၤ ကဲာ်ဆိး, ဒီးဘူးတံၢ်လၢအအိၣ်မူအိၣ်ဒါလၢကဘၣ်ဟ့ၣ်ကၣ်က့ၤတၢ်မၤသံ ကချုးန့ၢ်အီၤဒီးလၢအဝဲအတၢ်သးဒိၣ်အပူၤန့ၣ်ကမၤသံဘၣ်ပှၤလၢ အတၢ်ကမၣ်တအိၣ်တဂၤလီၤ. မ့ၢ်နာ်သက့ဒ်န့ၣ်ဒီး, အဝဲမၤသံဘၣ်ဒၣ်ပှၤတဂၤလၢတမ့ၢ်အဒုၣ်အဒါန့ၣ်, လၢတၢ်မၤဖုးမၤပျီၢ်အသးအဃိန့ၣ်လီၤ.

လံာ်စီၤယိၤၡူ 20:9

အအံၤမ့ၢ်တၢ်ပူၤဖျဲးအဝ့ၢ်တဖၣ်လၢတၢ်ဃုထၢထီၣ်အီၤလၢပှၤအံၣ်စရ့လးဖိခဲလၢာ်အဂီၢ်ဒီး ပှၤတခီဘီမုၢ်ဖိ လၢအအိၣ်လၢအဝဲသ့ၣ်အသိးအကျါတဂၤဂ့ၤတဂၤဂ့ၤအဂီၢ်န့ၣ်လီၤ. ပှၤတဂၤဂ့ၤတဂၤဂ့ၤလၢအမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤန့ၣ်, ထံၣ်န့ၢ်တၢ်ပူၤဖျဲးအလီၢ်ဖဲန့ၣ်လၢပှၤလၢအလူၤဃုမၤကၣ်အီၤသ့န့ၣ်လီၤ. မ့တမ့ၢ်ဘၣ်လၢအဝဲဒိးန့ၢ်ဆိတၢ်ဆၢထၢၣ်လၢတၢ်စံၣ်ညီၣ်ကွီၢ်အလီၢ်ဘၣ်ဒီး တၢ်မၤသံအီၤတသ့ဘၣ်န့ၣ်လီၤ.