လံာ်တၢ်ဂံၢ် 34:13 - Sgaw Karen Common Bible

¹³ မၤသးဒ်န့ၣ်ဒီး, စီၤမိၤၡ့စံးဘၣ်ပှၤအံၣ်စရ့လးဖိတဖၣ်, “အအံၤမ့ၢ်ကီၢ်တဘ့ၣ်လၢသုကဒိးန့ၢ်ဘၣ်အီၤခီဖျိတၢ်ဖီၣ်တၢ် ဖးတဖၣ်, ကီၢ်တဘ့ၣ်လၢယွၤဟ့ၣ်လီၤဆူပှၤအဒူၣ်ခွံဒူၣ်ဒီးတခီဒူၣ်, အအိၣ်န့ၣ်လီၤ.

လံာ်တၢ်ဂံၢ် 34:13 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်ယဃ့းစက့လး 45:1

ဖဲကီၢ်န့ၣ်ဘၣ်တၢ်နီၤဖးလီၤအီၤဆူပှၤတဒူၣ်ဘၣ်တဒူၣ်လၢအတၢ် န့ၢ်သါအဂီၢ်န့ၣ်, တၢ်နီၤဖးအကျါတတီၤန့ၣ်, တၢ်ကဘၣ်ပာ်စီဆှံအီၤလၢယွၤအဂီၢ်န့ၣ်လီၤ. တၢ်လီၢ်န့ၣ်ကဘၣ်ထီဝဲအမံးလာ်တဆံ, ဒီးလဲၢ်ဝဲဃိးမံးလာ်န့ၣ်လီၤ. တၢ်လီၢ်ဒီတခါန့ၣ်ကစီဆှံဝဲလီၤ.

လံာ်မံကၤ 2:5

မၤသးဒ်န့ၣ်ဒီး, ဖဲအကတီၢ်တုၤဝဲလၢစံာ်လီၢ်ပှဲၤလီၢ်တဖၣ်ဘၣ်တၢ် ဟ့ၣ်ကဒါက့ၤဆူယွၤအပှၤဂီၢ်မုၢ်န့ၣ်, တၢ်နီၤဖးတအိၣ်နီတမံၤလၢသုဂီၢ်နီတဂၤဘၣ်.

လံာ်တၢ်ဂံၢ် 26:52

ယွၤစံးဘၣ်စီၤမိၤၡ့, “နီၤဖးလီၤထံကီၢ်န့ၣ်လၢပှၤအဒူၣ်တဖၣ်အကျါဒ်ပှၤအဒူၣ်အနီၣ် ဂံၢ်အိၣ်ဝဲအသိးန့ၣ်တက့ၢ်.

လံာ်တၢ်ဂံၢ် 26:55

မၤလီၤတံၢ်လၢတၢ်နီၤလီၤထံကီၢ်ကဘၣ်မ့ၢ်ခီဖျိတၢ်ဖီၣ်တၢ်ဖး, ဒီးဒ်အဝဲသ့ၣ်အဒူၣ်အတၢ်လီၤစၢၤအမံၤအိၣ်ဝဲန့ၣ်, အဝဲသ့ၣ်ကန့ၢ်သါတၢ်လီၤ.

လံာ်တၢ်ဂံၢ် 34:1

ယွၤဟ့ၣ်လီၤစီၤမိၤၡ့လၢ, တၢ်သိၣ်လိနဲၣ်ယုၤတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်ဒ် လၢလာ်အံၤအသိးန့ၣ်လီၤ. “တုၤသုနုာ်လီၤဆူကီၢ်ကနၤဧၣ်, ကီၢ်လၢယဟ့ၣ်လီၤသုအပူၤန့ၣ်ဒီး, သုလီၢ်ကဝီၤအထံဆၢကီၢ်ဆၢတဖၣ်ကမ့ၢ်ဒ်လၢလာ်အသိး အံၤန့ၣ်လီၤ.

လံာ်တၢ်ဂံၢ် 34:12

ဝံၤဒီးဆူကလံၤထံးစးထီၣ်လၢထံကျိယၢ်ဒ့ၣ်တရဲာ်ဃီဆူပီၣ် လဲၣ်သံန့ၣ်လီၤ. တၢ်အံၤကမ့ၢ်သုထံသုကီၢ်အကီၢ်ဆၢတဖၣ်လွံၢ်ကပၤန့ၣ်လီၤ.”

လံာ်သိၣ်လီၤသီလီၤတၢ် 11:24

ကယဲၢ်တၢ်လီၢ်လၢသုခီၣ်ယီၢ်လီၤလၢအဖီခိၣ်န့ၣ်ကမ့ၢ်သု တၢ်လီၤ. သုလီၢ်ကဝီၤကလဲၢ်ဝဲစးထီၣ်လၢပှၢ်မုၢ်ကနၢလၢကလံၤ ထံးတခီတုၤဆူကီၢ်လဘၤနိၣ်အကစၢၢ်ကလိတဖၣ်လၢကလံၤစိးတခီ, ဒီးစးထီၣ်လၢထံကျိဖရၤသးလၢမုၢ်ထီၣ်တခီတုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်လၢမုၢ်နုာ်တခီန့ၣ်လီၤ.

လံာ်စီၤယိၤၡူ 13:7

ဒီးခဲကနံၣ်အံၤ, နီၤဖးထံဧိၤကီၢ်ဧိၤလၢဒူၣ်အဂၤခွံဒူၣ်အကျါဒီးပှၤမနၤၡ့ၤ အဒူၣ်တဝာ်ဒ်သိးအဝဲသ့ၣ်ကန့ၢ်ဘၣ်ဝဲဒ် အတၢ်န့ၢ်သါဒၣ်ဝဲအသိးန့ၣ်တက့ၢ်.”