လံာ်တၢ်ဂံၢ် 33:56 - Sgaw Karen Common Bible

⁵⁶ သုမ့ၢ်တနီၣ်ထီၣ်ကွံာ်ဘၣ်အဝဲသ့ၣ်ဒီး, ယကမၤဟးဂီၤကွံာ်သု, ဒ်ယတိာ်ပာ်လၢယကမၤဟးဂီၤကွံာ်အဝဲသ့ၣ်အသိးန့ၣ်လီၤ.”

လံာ်တၢ်ဂံၢ် 33:56 Iomraidhean Croise

လံာ်တၢ်ဘူၣ်ထီၣ်ဘါထီၣ် 18:28

အန့ၣ်တစု, ကီၢ်န့ၣ်တဟီထီၣ်ကွံာ်ဘၣ်သုဒ်အညိကွံာ်ပှၤကလုာ်တဖၣ်လၢ အအိၣ်ဆိပာ်စၢၤလၢသုမဲာ်ညါန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 20:23

မၤထွဲပှၤကလုာ်တဖၣ်လၢယဟီထီၣ်ကွံာ်အီၤလၢသုမဲာ်ညါအလုၢ်အလၢ် တဂ့ၤ. အဂ့ၢ်ဒ်အံၤ, အဝဲသ့ၣ်အတၢ်မၤခဲလၢာ်န့ၣ်ယသးဘၣ်အၢလီၤ.

လံာ်တၢ်ဂံၢ် 33:55

ဘၣ်ဆၣ်ဒီးသုမ့ၢ်တနီၣ်ထီၣ်ကွံာ်ဘၣ်ပှၤအိၣ်ဆိးလၢကီၢ်န့ၣ်အပူၤ ဘၣ်ဒီးပှၤအိၣ်လီၤတဲာ်ဖဲန့ၣ်တဖၣ်ကမၤကိၢ်မၤဂီၤသုဒ်တၢ်ကမှံၤ တဖၣ်လၢသုမဲာ်ချံတဖၣ်အပူၤဒီးတၤဆှုၣ်တဖၣ်လၢသုကပၤတဖၣ်အသိး ဒီးအဝဲသ့ၣ်ကဒုးတၢ်ထီဒါသုန့ၣ်လီၤ.

လံာ်တၢ်ဂံၢ် 34:1

ယွၤဟ့ၣ်လီၤစီၤမိၤၡ့လၢ, တၢ်သိၣ်လိနဲၣ်ယုၤတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်ဒ် လၢလာ်အံၤအသိးန့ၣ်လီၤ. “တုၤသုနုာ်လီၤဆူကီၢ်ကနၤဧၣ်, ကီၢ်လၢယဟ့ၣ်လီၤသုအပူၤန့ၣ်ဒီး, သုလီၢ်ကဝီၤအထံဆၢကီၢ်ဆၢတဖၣ်ကမ့ၢ်ဒ်လၢလာ်အသိး အံၤန့ၣ်လီၤ.

လံာ်သိၣ်လီၤသီလီၤတၢ် 28:63

ဒ်သိးဒၣ်ယွၤမုာ်လၤသးခုတ့ၢ်လၢတၢ်မၤဘီၣ်ထီၣ်ညီထီၣ်သု အပူၤ, လၢတၢ်မၤအါထီၣ်သုနီၣ်ဂံၢ်အပူၤအသိးန့ၣ်, အဝဲကမုာ်လၤသးခုစ့ၢ်ကီးလၢတၢ်မၤဟးဂီၤသုအပူၤဒီးလၢတၢ် ဟဲစိာ်တၢ်ဟးဂီၤလၢသုလိၤအပူၤန့ၣ်လီၤ. သုကဘၣ်တၢ်ထဲးထုးထီၣ်ကွံာ်သုလၢကီၢ်တဘ့ၣ်လၢသုကဘၣ်မၤပှဲၤ အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.