လံာ်တၢ်ဂံၢ် 32:4 - Sgaw Karen Common Bible

⁴ လီၢ်ကဝီၤအံၤလၢယွၤမၤစၢၤတ့ၢ်ပှၤအံၣ်စရ့လးဖိလၢကမၤန့ၢ် ဝဲန့ၣ်, မ့ၢ်တၢ်လီၢ်ဂ့ၤဝဲလၢဂီၤဘုၣ်ဂီၤဖံးအဂီၢ်, ဒီးပအိၣ်ဒီးဂီၤဘုၣ်ဂီၤဖံးအါအါဂီၢ်ဂီၢ်လီၤ.

လံာ်တၢ်ဂံၢ် 32:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 4:41

လၢယူဒၤအစီၤပၤဃံးစကံယၤအစိၤန့ၣ်ပှၤလၢအမံၤဘၣ်တၢ်ယၢၤ ထီၣ်အီၤလၢထးသ့ၣ်တဖၣ်အံၤလဲၤဝဲဆူဝ့ၢ်ကဒိၢ်ဒီးမၤဟးဂီၤကွံာ် ပှၤအိၣ်ဖဲန့ၣ်အဒဲဒီးအတၢ်အိၣ်တၢ်ဆိးအလီၢ်တဖၣ်န့ၣ်လီၤ. အဝဲသ့ၣ်ဟီထီၣ်ကွံာ်ပှၤဂီၢ်မုၢ်တဖၣ်န့ၣ်ဒီးအိၣ်ဆိးဖဲန့ၣ်ထီဘိ ဂၢၢ်ကျၢၤမ့ၢ်လၢတၢ်အီၣ်ဆၣ်အလီၢ်အါအါဂီၢ်ဂီၢ်အိၣ်လၢအသိတဖၣ် အဂီၢ်အဃိန့ၣ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်တၢ်ဂံၢ် 21:24

ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံကွံာ်ဒုၣ်ဒါအါဂၤလၢတၢ် ဒုးပူၤဒီးမၤန့ၢ်အဝဲသ့ၣ်အကီၢ်စးထီၣ်လၢထံကျိအၢ်နိၣ်ကလံၤစိးတခီတုၤဆူယၢ်ဘိး, ဒ်ပစံးတၢ်အသိးတုၤဆူပှၤအမိၢ်ဖိတဖၣ်အအိၣ်, မ့ၢ်လၢပှၤအမိၢ်ဖိတဖၣ်အကီၢ်ဆၢန့ၣ်ဘၣ်တၢ်ဒီဒၣ်ဃးအီၤခၢၣ် တနၢၣ်အဃိန့ၣ်လီၤ.

လံာ်တၢ်ဂံၢ် 21:34

ယွၤစံးဘၣ်စီၤမိၤၡ့, “ပျံၤအီၤတဂ့ၤ. ယကဟ့ၣ်နၤတၢ်မၤနၢၤလၢအဝဲ, ကယဲၢ်အပှၤဂီၢ်မုၢ်, ဒီးအထံအကီၢ်အဖီခိၣ်န့ၣ်လီၤ. မၤအီၤဒ်နမၤပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်, စီၤစံဃိၣ်အသိးန့ၣ်တက့ၢ်.”

လံာ်တၢ်ဂံၢ် 21:35

မၤသးဒ်န့ၣ်ဒီးပှၤအံၣ်စရ့လးဖိတဖၣ်မၤသံကွံာ်စီၤဧိာ်ဒီး အဖိခွါတဖၣ်ဒီးကယဲၢ်အပှၤဂီၢ်မုၢ်ခဲလၢာ်ဒီးတပာ်လီၤတဲာ်ပှၤ အမူနီတဂၤဘၣ်. အန့ၣ်ဝံၤဒီးအဝဲသ့ၣ်ဟံးန့ၢ်ကွံာ်အကီၢ်န့ၣ်လီၤ.

လံာ်တၢ်ဂံၢ် 32:5

ဝံသးစူၤဟ့ၣ်ပှၤတၢ်လီၢ်အံၤဒ်ပတၢ်စုလီၢ်ခီၣ်ခိၣ်အသိး, ဒီးတဘၣ်ဒုးလဲၤခီဂာ်ပှၤဆူထံကျိယၢ်ဒ့ၣ်အဝၢ်ဘးခီလၢပကသူၣ် လီၤဆီလီၤပသးဖဲန့ၣ်တဂ့ၤ.”

လံာ်သိၣ်လီၤသီလီၤတၢ် 4:38

တုၤသုလဲၤထီၣ်ဒုးတၢ်န့ၣ်အဝဲနီၣ်ထီၣ်ကွံာ်ပှၤကလုာ်တဖၣ်လၢ အဒိၣ်န့ၢ်သု, ဒီးအဂံၢ်အဘါဆူၣ်န့ၢ်သုဒ်သိးအဝဲကဟဲကိးနုာ်သုဒီးဟ့ၣ်လီၤ သုလၢအဝဲသ့ၣ်အထံအကီၢ်, ကီၢ်တဘ့ၣ်လၢအမ့ၢ်ဒၣ်သုတၢ်ဒ်တနံၤအံၤအသိးန့ၣ်လီၤ.