လံာ်တၢ်ဂံၢ် 32:39 - Sgaw Karen Common Bible

³⁹ စီၤမနၤၡ့ၤအဖိခွါစီၤမၤကံၢ်အဒူၣ်ထၢနုာ်လီၤဒုးကီၢ်ကံးလ ဧး, မၤန့ၢ်အီၤဒီးဟီထီၣ်ကွံာ်ပှၤအမိၢ်ဖိတဖၣ်လၢအအိၣ်ဖဲန့ၣ် လီၤ.

လံာ်တၢ်ဂံၢ် 32:39 Iomraidhean Croise

လံာ်တၢ်ကဲထီၣ်အခီၣ်ထံး 50:23

အဝဲအိၣ်မူဝဲတုၤအထံၣ်ဘၣ်စီၤအ့ဖရဲၣ်အဖိတဖၣ်ဒီးအလံၤတဖၣ် န့ၣ်လီၤ. အဝဲအိၣ်မူဘၣ်စ့ၢ်ကီးဝဲတုၤလၢအဒိးန့ၢ်ဘၣ်စီၤမနၤၡ့ၤအဖိ ခွါစီၤမၤကံၢ်အဖိတဖၣ်လၢအဝဲအဒူၣ်ဖိထၢဖိအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:6

ဒီးလဲၤကဒီးဝဲဆူဝ့ၢ်ကံးလဧး ဒီးဆူဝ့ၢ်ကၤဒ့ၣ်လၢပှၤဃ့ၤသးဖိအလီၢ်ကဝီၤအပူၤန့ၣ်လီၤ. အန့ၣ်ဝံၤဒီးအဝဲသ့ၣ်လဲၤဆူဝ့ၢ်ဒၣ်, ဒီးလၢဝ့ၢ်ဒၣ်န့ၣ်အဝဲသ့ၣ်လဲၤဆူမုၢ်နုာ်ဆူဝ့ၢ်စံဒိၣ်န့ၣ်လီၤ.

လံာ်တၢ်ဂံၢ် 26:29

လၢမနၤၡ့ၤအဒူၣ်ပူၤန့ၣ်, စီၤမနၤၡ့ၤအဖိခွါစီၤမၤကံၢ်လၢ အမ့ၢ်စီၤကံးလဧးအပၢ်ဒီးဒူၣ်ထၢလၢလာ်တဖၣ်အံၤဒွးက့ၤ အတၢ်ဟဲလီၤစၢၤလီၤသွဲၣ်လၢစီၤကံးလဧးန့ၣ်လီၤ.

လံာ်သိၣ်လီၤသီလီၤတၢ် 3:15

ယဟ့ၣ်လီၤကီၢ်ကံးလဧးဆူစီၤမၤကံၢ်အဒူၣ်ထၢ, လၢအဘၣ်ဃးဒီးမနၤၡ့ၤအဒူၣ်အစုပူၤန့ၣ်လီၤ.

လံာ်စီၤယိၤၡူ 17:1

ဝံၤဒီးတၢ်နီၤလီၤန့ၢ်ထံကီၢ်လၢမနၤၡ့ၤအဒူၣ်အဂီၢ်မ့ၢ်လၢအဝဲ မ့ၢ်စီၤယိၤသးအဖိဝဲၢ်ကိအဃိန့ၣ်လီၤ. လၢမနၤၡ့ၤအဖိဝဲၢ်ကိ စီၤမၤကံၢ်လၢအမ့ၢ်စီၤ ကံးလဧးအပၢ်အဂီၢ်တၢ်နီၤလီၤန့ၢ်အီၤကီၢ်ကံးလဧးဒီးကီၢ်ဘၤၡၣ်လၢအအိၣ်လၢထံကျိယၢ်ဒ့ၣ်အမုၢ်ထီၣ်, မ့ၢ်လၢအဝဲမ့ၢ်သုးဖိလၢအဒူတဂၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 10:8

လၢတဆံဃိးနံၣ်အတီၢ်ပူၤန့ၣ်အဝဲသ့ၣ်ဆီၣ်ဘံၣ်ဆီၣ်ဘၢ ဒီးမၤနးမၤဖှီၣ်ကယဲၢ်ပှၤအံၣ်စရ့လးဖိတဖၣ်လၢအအိၣ်လၢ ပှၤအမိၢ်ဖိတဖၣ်အကီၢ်ပူၤဖဲထံကျိယၢ်ဒ့ၣ်အမုၢ်ထီၣ်လၢအဘၣ်ဃးဒီးကီၢ်ကံးလဧး အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:14

အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.