လံာ်တၢ်ဂံၢ် 32:3 - Sgaw Karen Common Bible

³ “ဝ့ၢ်တဖၣ်လၢအမ့ၢ်, ဧးတၤရိး, ဒံၤဘိၣ်, ယၤစ့ၢ်, နံးမရၤ, ဃ့ၡဘိၣ်, အ့လဧၤလ့ၤ, စဘၣ်, နဘိ, ဒီးဘဧိၣ်,

လံာ်တၢ်ဂံၢ် 32:3 Iomraidhean Croise

လံာ်စီၤနဃ့မယၤ 9:22

နဒုးမၤနၢၤကွံာ်အဝဲသ့ၣ်လၢပှၤကလုာ်တဖၣ်ဒီးထံကီၢ်တဖၣ်, ကီၢ်လၢအအိၣ်ဝးတရံးအဝဲသ့ၣ်အကီၢ်န့ၣ်လီၤ. အဝဲသ့ၣ်မၤနၢၤကွံာ်ကီၢ်ဃ့ၡဘိၣ်လၢစီၤစံဃိၣ်ပၢဝဲ, ဒီးကီၢ်ဘၤၡၣ်လၢစီၤပၤဧိာ်ပၢဝဲဒၣ်န့ၣ်လီၤ.

လံာ်ယၡါယၤ 15:6

နံးမရံအထံကျိဖိလီၤသံးကွံာ်ဝဲ, တပံၢ်လၢအကပၤတဖၣ် ဃ့ထီကွံာ်ဝဲဒီးတၢ်အလါဟ့တအိၣ်တီၢ်နီတမံၤလၢၤဘၣ်.

လံာ်ယံးရမံယၤ 48:1

အအံၤမ့ၢ်တၢ်လၢ ယွၤသ့တၢ်လၢာ် စံးကတိၤတၢ်ဘၣ်ဃး ကီၢ်မိၤအးအဂ့ၢ် န့ၣ်လီၤ. “သးကညီၤဘၣ် ဝ့ၢ်နဘိအပှၤဂီၢ်မုၢ်တက့ၢ်. အဝဲသ့ၣ်အဝ့ၢ်ဘၣ် တၢ်မၤဟးဂီၤကွံာ်အီၤလံ. ဝ့ၢ်ကံးရယးသံၣ်ဘၣ် တၢ်ဒုးန့ၢ်ကွံာ်အီၤလံ. အတိာ်ဖးဒိၣ်ဘၣ်တၢ်မၤလီၤပှီၢ်အီၤ ဒီးအပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ယံးရမံယၤ 48:32

ယကဟီၣ်လၢ ဝ့ၢ်ကံၢ်ဃ့ရ့းအပှၤဂီၢ်မုၢ်အဃိအါန့ၢ်ဒိၣ်န့ၢ်ဒံး, လၢဝ့ၢ်ယၤစ့ၢ်အပှၤဂီၢ်မုၢ်အဃိတက့ၢ်လီၤ. ဝ့ၢ်စံဘမၤဧၢ, နလီၤဂာ်ဒ်စပံးမုၢ်တမုၢ်လၢ အဒ့တဖၣ်လဲၤခီဂာ်ပီၣ်လဲၣ်သံဒီးလဲၤဝဲ ယံၤတုၤလဲၤဝ့ၢ်ယၤစ့ၢ်အသိးန့ၣ်လီၤ. ဘၣ်ဆၣ်အခဲကနံၣ်အံၤ, နတၢ်ကိၢ်ခါအတၤသၣ်တဖၣ်ဒီး နစပံးသၣ်တဖၣ် ဘၣ်တၢ်မၤဟးဂီၤကွံာ်အီၤလံ.

လံာ်ယံးရမံယၤ 48:34

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီး ဝ့ၢ်အ့လဧၤလ့ၤကိးထီၣ်ဝဲဒီး အဝဲသ့ၣ် အတၢ်ကိးထီၣ်န့ၣ်ဘၣ်တၢ်နၢ်ဟူအီၤသ့ဝဲတုၤလၢ ဝ့ၢ်ယၤစ့ၢ်န့ၣ်လီၤ. တၢ်န့ၣ်ဘၣ်တၢ်နၢ်ဟူစ့ၢ်ကီးအီၤလၢ ပှၤဂီၢ်မုၢ်လၢဝ့ၢ်စိဧၢ်, ဒီးတၢ်န့ၣ်ဘၣ်တၢ်နၢ်ဟူအီၤယံၤဝဲ တုၤလၢ ဝ့ၢ်ဃိရနဲၣ်, ဒီးအဲကလးၡလ့ၡၤန့ၣ်လီၤ. ဝ့ၢ်နံးမရံအထံကျိတဖၣ်ဒၣ်လဲာ်လီၤသံးဝဲလီၤ.

လံာ်ယံးရမံယၤ 48:45

ပှၤဃ့ၢ်ပူၤဖျဲးအသးလၢအမၤစၢၤလီၤအသးတသ့တဖၣ် ကျဲးစၢးဃုထံၣ်န့ၢ်တၢ်အိၣ်ပှိၤမၤစၢၤလၢဝ့ၢ်ဃ့ၡဘိၣ်အပူၤ, ဝ့ၢ်တဝ့ၢ်လၢ တဘျီစီၤပၤစံဃိၣ်ပၢတ့ၢ်ဝဲအပူၤ, ဘၣ်ဆၣ် ဝ့ၢ်န့ၣ်မ့ၣ်အူကဲၤထီၣ်အီၣ်ကွံာ်အီၤလံ. မ့ၣ်အူအီၣ်ကွံာ်ကီၢ် မိၤအးအပှၤဂီၢ်မုၢ်လၢ အအဲၣ်ဒုးတၢ်တဖၣ် အထံဆၢကီၢ်ဆၢဒီး အကစၢၢ်ကလိအထီၣ်ထီတဖၣ်လံ.

လံာ်ယဃ့းစက့လး 25:9

ယကပျဲဝ့ၢ်တဖၣ်လၢအဒီဒၣ်အိၣ်ပှိၤကီၢ်မိၤအးအကီၢ်ဆၢဘၣ်တၢ်ဒုးအီၤ, ဃုာ်ဒီးဝ့ၢ်အဂ့ၤကတၢၢ်တဖၣ်ဒၣ်လဲာ်, လၢအမ့ၢ်ဝ့ၢ်ဘ့ၤသၡံမိး, ဝ့ၢ်ဘဧၤလးမဧိာ်ဒီးဝ့ၢ်ကံးရယးသံၣ်တဖၣ်န့ၣ်လီၤ.

လံာ်တၢ်ဂံၢ် 21:28

တဘျီလၢဝ့ၢ်ဃ့ၡဘိၣ်အံၤအပူၤန့ၣ်, စီၤပၤစံဃိၣ်အသုးမုၢ်ဟး ထီၣ်ဝဲဒ်မ့ၣ်အူအသိးလီၤ. သုးမုၢ်န့ၣ်မၤဟးဂီၤတ့ၢ်ကီၢ်မိၤအးအဝ့ၢ်ဧၢ်, ဒီးမၤလီၤကလဲ ကွံာ်တၢ်လုၢ်လီၢ်တဖၣ်လၢဝ့ၢ်အၤနိၣ်အထးခီန့ၣ်လီၤ.

လံာ်တၢ်ဂံၢ် 21:30

မ့မ့ၢ်ခဲအံၤအဝဲသ့ၣ်အစၢၤအသွဲၣ်တဖၣ်ဘၣ် တၢ်မၤဟးဂီၤကွံာ်အီၤ, လၢကျဲဒီဘိစးထီၣ်လၢဃ့ၡဘိၣ်တုၤဆူဒံၤဘိၣ်, စးထီၣ်လၢနၤၡၢ်တုၤလၢနိဖးဘူးဒီးမ့ဒဘၤလံ.”

လံာ်တၢ်ဂံၢ် 21:32

ဒီးစီၤမိၤၡ့ဆှၢလီၤပှၤတဖၣ်လၢကဃုထံၣ်န့ၢ်ကျဲအဂ့ၤကတၢၢ် လၢတၢ်ကလဲၤဒုးဝ့ၢ်ယၤဧစ့ၢ်အဂီၢ်န့ၣ်လီၤ. ပှၤအံၣ်စရ့လးဖိတဖၣ်မၤန့ၢ်အီၤဒီးအဝ့ၢ်အိၣ်ခိၣ်အိၣ်ဃၢၤတဖၣ် ဒီးနီၣ်ထီၣ်ကွံာ်ပှၤအမိၢ်ဖိတဖၣ်လၢအအိၣ်ဖဲန့ၣ်လီၤ.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 32:2

အဝဲသ့ၣ်လဲၤဆူစီၤမိၤၡ့, စီၤအလၤဧစၢ်ဒီးခိၣ်နၢ်အဂၤတဖၣ်လၢ ကမျၢၢ်တၢ်အိၣ်မူကရူၢ်ပူၤအအိၣ်ဒီးစံးဝဲ,

လံာ်စီၤယိၤၡူ 13:17

ပၣ်ဃုာ်ဒီးဝ့ၢ်ဃ့ၡဘိၣ်ဒီးတၢ်ပၢၤခိၣ်ထီၣ်ထီလၢအမ့ၢ်ဝဲဒံၤဘိၣ်, ဘၤမိးဘဧၤလး, ဘ့ၤသဘဧၤလးမဧိၣ်,

လံာ်စီၤယိၤၡူ 21:39

ဃ့ၡဘိၣ်, ဒီးယၤစ့ၢ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.