လံာ်တၢ်ဂံၢ် 32:23 - Sgaw Karen Common Bible

²³ ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.

လံာ်တၢ်ဂံၢ် 32:23 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:7

နမ့ၢ်မၤတ့ၢ်တၢ်အဘၣ်ဒီးနကနံၤကမှံထီၣ်နဲလီၤ. ဘၣ်ဆၣ်နမၤတ့ၢ်တၢ်အၢအဃိဒီးတၢ်ဒဲးဘးကိာ်လီၤလၢနတြဲၤအခီၣ် ထံးလီၤ. တၢ်န့ၣ်အဲၣ်ဒိးပၢနၤ, ဘၣ်ဆၣ်ဒီး, နကဘၣ်မၤနၢၤအီၤလီၤ.”

လံာ်တၢ်ကဲထီၣ်အခီၣ်ထံး 44:16

စီၤယူဒၤစံးဆၢဝဲ, “ကစၢ်ဧၢ, ပစံးဘၣ်နၤမနုၤကသ့လဲၣ်. ပဂ့ၢ်လိာ်နၤကသ့ဒ်လဲၣ်. ပကတိၤပူၤဖျဲးပသးကသ့ဒ်လဲၣ်. ကစၢ်ယွၤမၤဖျါထီၣ်ပတၢ်ဒဲးဘးတဖၣ်လံ. ဒီးခဲကနံၣ်အံၤပဝဲခဲလၢာ်ပမ့ၢ်နကုၢ်နပှၤတဖၣ်ဒီးတမ့ၢ်ဘၣ်ထဲ ပှၤတဂၤဧိၤလၢလီခီဘၣ်တၢ်ထံၣ်န့ၢ်လၢအအိၣ်န့ၣ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:33

တၢ်စံၣ်ညီၣ်လၢအဝဲသ့ၣ်ဘၣ်တၢ်မၤသံအီၤအဂီၢ်န့ၣ်, ကလီၤဘၣ်ဝဲလၢစီၤယိၤအာ်အလိၤဒီးအစၢၤအသွဲၣ်တဖၣ်အလိၤလီၤ စိၤလီၤထီန့ၣ်လီၤ. မ့မ့ၢ်, ယွၤကဟ့ၣ်တၢ်မၤနၢၤထီဘိဆူစီၤဒၤဝံးအစၢၤအသွဲၣ် တဖၣ်လၢအဆ့ၣ်နီၤလၢအဝဲအလီၢ်ပစိာ်အလိၤန့ၣ်လီၤ.”

စံးထီၣ်ပတြၢၤ 139:11

ယမ့ၢ်စံး, “မ်တၢ်ခံးမၤဘံၣ်မၤဘၢယၤ, ဒီးတၢ်ကပီၤအိၣ်ဝးတရံးယၤ ကဲထီၣ်မုၢ်နၤတက့ၢ်.” ဒၣ်လဲာ်,

စံးထီၣ်ပတြၢၤ 140:11

မ်ပှၤလၢအကတိၤခဲၣ်သူခဲၣ်ဂီၤတၢ်တဖၣ်, အသုတအိၣ် ဂၢၢ်ဆိးကျၢၤဘၣ်လၢထံဧိၤကီၢ်ဧိၤပူၤန့ၣ်တဂ့ၤ. မ်တၢ်တတၢးတနါမၤဒၢၣ်ကွံာ် ပှၤမၤဆူၣ်မၤစိးတၢ်တဖၣ်န့ၣ်တက့ၢ်.

စံးထီၣ်ပတြၢၤ 90:8

နပာ်လီၤပတၢ်ဒဲးဘးတဖၣ်လၢနမဲာ်ညါ, ပတၢ်ဒဲးဘးခူသူၣ်တဖၣ်လၢတၢ်လီၢ်ဖဲ နထံၣ်သ့ဝဲအလီၢ်န့ၣ်လီၤ.

တၢ်ကတိၤဒိ. 13:21

တၢ်ကီတၢ်ခဲလူၤပိာ်ထွဲပှၤတၢ်ဒဲးဘးဖိတဖၣ်အခံသကုၤဆးဒးလီၤ. မ့မ့ၢ်ပှၤတီပှၤလိၤတဖၣ်ကဘၣ်တၢ်ဟ့ၣ်ဘျုးက့ၤအီၤလၢတၢ်ဂ့ၤ တဖၣ်လီၤ.

တၢ်ကတိၤဒိ. 24:16

အဂ့ၢ်ဒ်အံၤ, ပှၤတီပှၤလိၤတဂၤလီၤဃံၤဝဲအဘျီတဖၣ်အဘျီ သနာ်က့, တမ့ၢ်တၢ်အကါဒိၣ်ဘၣ်. ထီဘိအဝဲဂဲၤဆၢထၢၣ်ကဒါက့ၤဝဲ လီၤ. မ့မ့ၢ်တၢ်တတၢးတနါမၤဟးဂီၤကွံာ်ပှၤတတီတလိၤလီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယၡါယၤ 59:12

ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယိၤနါ 1:7

ပှၤကဘီဖိတဖၣ်စံးကတိၤသကိးလိာ်အသး, “ဟဲ, မ်ပကထုးတၢ်ဖးဒ်သိးပကသ့ၣ်ညါတၢ်မၤအသးဒီးပှၤဒ် အံၤမ့ၢ်လၢမတၤအဃိလဲၣ်န့ၣ်တက့ၢ်.” လၢတၢ်န့ၣ် အဃိအဝဲသ့ၣ်ထုးတၢ်ဖး, ဒီးတၢ်ဖးလီၤဘၣ်လၢစီၤယိၤနါအလိၤန့ၣ်လီၤ.

ရိမ့ၤ 2:9

တၢ်နးတၢ်ဖှီၣ်ဒီးတၢ်ဆူးတၢ်ဆါကအိၣ်ထီၣ်လၢပှၤလၢအမၤ တၢ်အၢတၢ်သီခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

လံာ်စီၤယိၤၡူ 7:18

ဝံၤဒီးဒုးဟဲဘူးစီၤစးဘဒံၤအဒူၣ်ဖိထၢဖိအကျါပှၤတဂၤဘၣ် တဂၤ, ဒီးတၢ်ဃုထၢထီၣ်စီၤဧၤကၣ်လၢ အမ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါန့ၣ်လီၤ.