လံာ်တၢ်ဂံၢ် 31:8 - Sgaw Karen Common Bible

⁸ ဃုာ်ဒီးကီၢ်မံးဒယၣ်အစီၤပၤယဲၢ်ဂၤလၢအမ့ၢ်, စီၤအဝံၤ, စီၤရ့က့ၣ်, စီၤစူၢ်, စီၤဃူၢ်ဒီးစီၤရ့ဘၤန့ၣ် လီၤ. အဝဲသ့ၣ်မၤသံစ့ၢ်ကီးစီၤဘဧိၢ်အဖိခွါစီၤဘံးလၣ်န့ၣ်လီၤ.

လံာ်တၢ်ဂံၢ် 31:8 Iomraidhean Croise

စံးထီၣ်ပတြၢၤ 10:2

ပှၤတတီတလိၤပာ်ကဖိအသးဒီး မၤနးမၤဖှီၣ်ပှၤဖှီၣ်ဖိယာ်ဖိ, ဒီးဖီၣ်န့ၢ်အီၤလၢအဝဲသ့ၣ်အတၢ်ကူၣ်အၢ အပျံၤသကွီၤအပူၤန့ၣ်လီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

တၢ်ကတိၤဒိ. 11:3

ပှၤအဂ့ၤဘၣ်တၢ်ပၢဆှၢအီၤလၢအတၢ်တီတၢ်လိၤဒၣ်ဝဲလီၤ. ပှၤလၢတၢ်နာ်န့ၢ်အီၤတသ့ဘၣ်တဖၣ်န့ၣ်ဟးဂီၤကွံာ်လၢအတၢ်တတီ တလိၤဒၣ်ဝဲအဃိလီၤ.

တၢ်ကတိၤဒိ. 13:17

ပှၤစိာ်တၢ်ကစီၣ်လၢတၢ်နာ်န့ၢ်အီၤတသ့တဖၣ်ဒုးအိၣ်ထီၣ်တၢ်ကီတၢ် ခဲလီၤ. မ့မ့ၢ်ပှၤလၢတၢ်နာ်န့ၢ်အီၤသ့တဖၣ်ဟဲစိာ်တၢ်ဃူတၢ်ဖိးလီၤ.

လံာ်ဃဘးကူာ် 3:7

ယထံၣ်ဘၣ်တ့ၢ်ကီၢ်ကူၤၡးအပှၤဂီၢ်မုၢ်ပျံၤတၢ် ဒီးကီၢ်မံးဒယၣ်အပှၤဂီၢ်မုၢ်ကနိးကစုာ်ဝဲလီၤ.

လံာ်တၢ်ဂံၢ် 22:10

အဝဲဒၣ်စံးဆၢဝဲ, “ကီၢ်မိၤအးအစီၤပၤစီၤဘၤလးဆှၢလီၤ အဝဲသ့ၣ်ဆူယအိၣ်,

လံာ်တၢ်ဂံၢ် 22:4

ပှၤမိၤအးဖိတဖၣ်စံးဘၣ်ပှၤမံးဒယၣ်ဖိအခိၣ်အနၢ်တဖၣ်, “ပှၤတဖုအံၤတယံာ်ဘၣ်ဒီးကမၤဟးဂီၤကွံာ်တၢ်ကိးမံၤဒဲးလၢ ပခိၣ်ပဃၢၤဝးဝးဒ်ကျီၢ်ဖါတံၢ်တဒုလၢအအီၣ်တပံၢ်တမါလၢအီၣ်ဆၣ် အလီၢ်တခါအပူၤအသိးန့ၣ်လီၤ.”

လံာ်တၢ်ဂံၢ် 22:5

မၤသးဒ်န့ၣ်ဒီးစီၤပၤဘၤလးဆှၢလီၤပှၤစိာ်တၢ်ကစီၣ်ဖိတဖၣ်လၢ ကဟဲက့ၤကိးစီၤဘဧိၢ်အဖိခွါစီၤဘံးလၣ်, လၢအအိၣ်ဝဲဖဲ ဝ့ၢ်ပသူၣ်လၢထံကျိဖရၤသးအကပၤလၢကီၢ်အမိၢ်အပူၤန့ၣ်လီၤ. အဝဲသ့ၣ်လဲၤစိာ်န့ၢ်အီၤစီၤဘၤလးအတၢ်ကစီၣ်လၢအစံးဝဲ, “ယအဲၣ်ဒိး, နသ့ၣ်ညါလၢပှၤဒီတကလုာ်ဟဲဟးထီၣ်လၢကီၢ်အဲၤကူပတူးလီၤ. အပှၤဂီၢ်မုၢ်ရၤလီၤအသးသကုၤတၢ်လီၢ်ကိးပူၤဒဲးဒီးမၤပျံၤ မၤဖုးတၢ်လၢကဟံးန့ၢ်ပကီၢ်န့ၣ်လီၤ.

လံာ်တၢ်ဂံၢ် 23:10

ကီၢ်အံၣ်စရ့လးအစၢၤအသွဲၣ်တဖၣ်လီၤဂာ်ဒ်ဖၣ်ကမူၣ်အသိး, အဝဲသ့ၣ်အါဝဲဂီၢ်ဝဲလၢတၢ်ကဂံၢ်အီၤအဂီၢ်န့ၣ်လီၤ. မ်ယမုၢ်နံၤမုၢ်သီတဖၣ်ကတၢၢ်ဝဲဒ်ပှၤတဂၤလၢကစၢ်ယွၤအပှၤဂီၢ် မုၢ်အကျါအသိး, မ်ယသံယဲလၢတၢ်ဃူတၢ်မုာ်အပူၤဒ်ပှၤအတီအလိၤတဂၤအသိးန့ၣ် တက့ၢ်.”

လံာ်တၢ်ဂံၢ် 24:14

စီၤဘံးလၣ်စံးဘၣ်စီၤဘၤလး, “ခဲအံၤ, ယကက့ၤကဒါက့ၤဆူယပှၤဂီၢ်မုၢ်ဒၣ်ယဲအအိၣ်, ဘၣ်ဆၣ်ဒီးတချုးလၢယက့ၤဒံးဘၣ်န့ၣ်, ယဟ့ၣ်ပလီၢ်နၤတၢ်လၢခဲ ကိာ်ကီၢ်အံၣ်စရ့လးအပှၤဂီၢ်မုၢ်ကမၤဘၣ်နပှၤဂီၢ်မုၢ်ဒ်လဲၣ်အဂ့ၢ် န့ၣ်လီၤ.

လံာ်တၢ်ဂံၢ် 24:25

အန့ၣ်ဝံၤဒီးစီၤဘံးလၣ်ကတဲာ်ကတီၤအသးဒီးက့ၤကဒါက့ၤဆူ အဟံၣ်ဒီးစီၤဘၤလးလဲၤဆူညါလၢအကျဲဒၣ်ဝဲန့ၣ်လီၤ.

လံာ်တၢ်ဂံၢ် 25:15

ပိာ်မုၣ်တဂၤန့ၣ်အမံၤမ့ၢ်ဝဲနီၢ်ကးစဘံၤလီၤ. အဝဲအပၢ်မ့ၢ်ကရူၢ်ခိၣ်တဂၤလၢပှၤမံးဒယၣ်ဖိအဒူၣ်ထၢတဖၣ်အကျါ န့ၣ်လီၤ.

လံာ်တၢ်ဂံၢ် 25:18

မ့ၢ်လၢအမၤတ့ၢ်သုလၢတၢ်အၢတၢ်သီဖဲအဝဲသ့ၣ်, လီန့ၢ်သုဖဲပဧိၢ်, ဒီးမ့ၢ်လၢနီၢ်ကးစဘံၤလၢအဘၣ်တၢ်မၤသံကွံာ်အီၤဖဲတၢ်သံသ တြိာ်လၢပဧိၢ်အခါ, အဃိန့ၣ်တက့ၢ်.”

လံာ်တၢ်ဂံၢ် 31:16

သ့ၣ်နီၣ်ထီၣ်လၢပှၤလၢအပိာ်ထွဲစီၤဘံးလၣ်အတၢ်သိၣ်လိနဲၣ်ယုၤ တဖၣ်လၢဝ့ၢ်ပဧိၢ်န့ၣ်ဒီးဆှၢဃီၤပှၤဂီၢ်မုၢ်ဆူတၢ်သးတတီဒီး ယွၤန့ၣ်မ့ၢ်ပှၤပိာ်မုၣ်တဖၣ်တက့ၢ်. တၢ်န့ၣ်မ့ၢ်တၢ်လၢအဟဲစိာ်တၢ်သံသတြိာ်လၢယွၤအပှၤဂီၢ်မုၢ် အဖီခိၣ်န့ၣ်လီၤ.

လံာ်တၢ်ဂံၢ် 31:9

ကီၢ်အံၣ်စရ့လးအပှၤဂီၢ်မုၢ်ဖီၣ်န့ၢ်ပှၤမံးဒယၣ်ဖိပိာ်မုၣ်တဖၣ် ဒီးအဖိသၣ်တဖၣ်, ဟံးန့ၢ်ကွံာ်အဝဲသ့ၣ်အဂီၤဘုၣ်ဂီၤဖံး, ဒီးအဝဲ သ့ၣ်အသိအဖုတဖၣ်, ဂုာ်န့ၢ်ကယဲၢ်အဝဲသ့ၣ်အတၢ်စုလီၢ်ခီၣ်ခိၣ်ခဲ လၢာ်,

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.