လံာ်တၢ်ဂံၢ် 31:41 - Sgaw Karen Common Bible

⁴¹ မၤသးဒ်န့ၣ်ဒီး, စီၤမိၤၡ့ဟ့ၣ်လီၤစီၤအလၤဧစၢ်လၢတၢ်အခိ အသွဲတဖၣ်န့ၣ်ဒ်တၢ်မၤဘူၣ်လီၤဆီတခါဆူယွၤအအိၣ်ဒ် ယွၤမၤလိာ်ဝဲအသိးန့ၣ်လီၤ.

လံာ်တၢ်ဂံၢ် 31:41 Iomraidhean Croise

လံာ်တၢ်ဟးထီၣ်ကွံာ် 12:28

အန့ၣ်ဒီးပှၤအံၣ်စရ့လးဖိတဖၣ်လဲၤဒီးမၤဝဲဒ်ယွၤမၤလိာ်စီၤမိၤၡ့ဒီးစီၤအၤဟရိၣ်အသိးန့ၣ်လီၤ.

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”

လံာ်တၢ်ဂံၢ် 18:8

ယွၤစံးဘၣ်စီၤအၤဟရိၣ်, “သ့ၣ်နီၣ်ထီၣ်လၢယဟ့ၣ်တ့ၢ်နၤတၢ် ဟ့ၣ်မၤဘူၣ်လီၤဆီခဲလၢာ်လၢအဘၣ်တၢ်လုၢ်ထီၣ်ပာ်ထီၣ်ဆူ ယအိၣ်, တၢ်လၢအတဘၣ်တၢ်ဆိၣ်ကဲၤထီၣ်အီၤဒ်တၢ်လုၢ်တၢ်ပာ် တဖၣ်အသိးန့ၣ်တက့ၢ်. ယဟ့ၣ်အီၤဆူနၤဒီးနစၢၤနသွဲၣ်တဖၣ်ဒ်တၢ်နီၤဖးလၢသုကဒိးန့ၢ် အီၤလီၤထူလီၤယိာ်န့ၣ်လီၤ.

လံာ်တၢ်ဂံၢ် 31:42

တၢ်နီၤဖးလၢကမျၢၢ်တၢ်အိၣ်မူကရူၢ်အဂီၢ်န့ၣ်မ့ၢ်တၢ်ဒ်သိးသိး ဒီးပှၤသုးဖိတဖၣ်န့ၣ်လီၤ. သိဒီးမဲာ်တဲးလဲးအိၣ်အဒုသၢကလီၢ်သၢကလးနွံကထိယဲၢ်ကယၤ, ဂီၤဘုၣ်ဂီၤဖံးအဒု သၢကလးဃုကထိ, ကသ့ၣ်ယီၤအဒုသၢကလးယဲၢ်ကယၤ, ဒီးပိာ်မုၣ်သးစၢ်မုၣ်ကနီၤအဂၤတကလးဃုကထိန့ၣ်လီၤ.

လံာ်တၢ်ဂံၢ် 5:10

ပှၤလုၢ်တၢ်အခိၣ်တဂၤဘၣ်တဂၤကဘၣ်ဟံးဃးတၢ်လုၢ်မၤဘူၣ်တဖၣ်လၢ အဘၣ်တၢ်ဟ့ၣ်လီၤအီၤန့ၣ်လီၤ.

လံာ်တၢ်ဂံၢ် 5:9

ဒ်န့ၣ်အသိးကယဲၢ်တၢ်ဟ့ၣ်မၤဘူၣ်ဆီလၢပှၤအံၣ်စရ့လးဖိတဖၣ်ဟ့ၣ် ဆူယွၤအအိၣ်န့ၣ်ဘၣ်ဃးဒီးပှၤလုၢ်တၢ်အခိၣ်တဂၤလၢအဝဲ သ့ၣ်ဟ့ၣ်ဝဲဆူအအိၣ်န့ၣ်လီၤ.

လံာ်မးသဲ 10:10

လၢသုတၢ်လဲၤအဂီၢ်န့ၣ်, တဘၣ်စိာ်ထၢၣ်မ့ၢ်ဂ့ၤ, ဆ့ကၤအဂၤတဘ့ၣ်မ့ၢ်ဂ့ၤ, ခီၣ်ဖံးအဂၤတစူၣ်မ့ၢ်ဂ့ၤ, နီၣ်ထိးအဂၤတဘိမ့ၢ်ဂ့ၤန့ၣ်တဂ့ၤ. ပှၤမၤတၢ်ဖိန့ၣ်ကြၢးဘၣ်တၢ်ဟ့ၣ်အီၤလၢတၢ်လၢအလိၣ်ဘၣ်ဝဲတဖၣ် န့ၣ်လီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.