လံာ်တၢ်ဂံၢ် 31:30 - Sgaw Karen Common Bible

³⁰ လၢတၢ်နီၤဖးဆူပှၤဂီၢ်မုၢ်လၢအိၣ်လီၤတဲာ်တဖၣ်အဂီၢ်အကျါန့ၣ် ဟံးန့ၢ်ပှၤဃိၢ်ဖိယဲၢ်ဆံအကျါတဂၤစုာ်စုာ်ဒီးတၢ်တမံၤဃီဒ်န့ၣ် အသိးန့ၣ်, နီၤဖးဟံးန့ၢ်အီၤလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိ, ဒီးမဲာ်တဲးလဲးတဖၣ်အကျါစ့ၢ်ကီးတက့ၢ်. ဒီးဟ့ၣ်လီၤတၢ်တဖၣ်န့ၣ်ဆူပှၤလ့ၤဝံဖိတဖၣ်အအိၣ်လၢအဘၣ်မူဘၣ် ဒါလၢတၢ်ကွၢ်ထွဲယွၤအဒဲစီဆှံန့ၣ်တက့ၢ်.”

လံာ်တၢ်ဂံၢ် 31:30 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:32

အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:15

အဝဲသ့ၣ်လဲၤထီၣ်ဒုးစ့ၢ်ကီးပှၤကွၢ်သိတနီၤအသူၣ်ဒဲအလီၢ်တ ဖၣ်, မၤန့ၢ်သိဒီးကီၤလၤအူးအါအါဂီၢ်ဂီၢ်န့ၣ်လီၤ. ဝံၤဒီးအဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 3:25

အဝဲသ့ၣ်တဖၣ်န့ၣ်ဘၣ်ဟံးန့ၢ်မူဒါလၢဒဲစီဆှံ, အနီၣ်ကျၢၢ်ဘၢလၢတၢ်အိပူၤ, အနီၣ်ကျၢၢ်ဘၢလၢတၢ်ချၢ, ကျဲစၢၤအယၣ်ဘျးသဒၢ,

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 31:28

လၢတၢ်ဘၣ်ဃးဒီးပှၤသုးဖိတဖၣ်အတၢ်နီၤဖးအပူၤန့ၣ်, ပှၤဃိာ်ဖိယဲၢ်ကယၤဂၤအကျါဟံးဃာ်အီၤတဂၤဒ်တၢ်ခိ တၢ်သွဲတမံၤလၢယွၤအဂီၢ်ဒီးဒ်န့ၣ်အသိးလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိတဖၣ်, ဒီးမဲာ်တဲးလဲးတဖၣ်အကျါန့ၣ်နီၤဖး ဟံးန့ၢ်စ့ၢ်ကီးတမံၤဃီဒ်န့ၣ်တက့ၢ်.

လံာ်တၢ်ဂံၢ် 31:29

ဟ့ၣ်လီၤတၢ်န့ၣ်ခဲလၢာ်ဆူပှၤလုၢ်တၢ်အခိၣ်စီၤအလၤဧစၢ် အအိၣ်ဒ်တၢ်မၤဘူၣ်လီၤဆီတမံၤဆူယွၤအအိၣ်အသိးန့ၣ်တက့ၢ်.

လံာ်တၢ်ဂံၢ် 31:31

စီၤမိၤၡ့ဒီးစီၤအလၤဧစၢ်မၤဝဲဒ်တၢ်လၢယွၤမၤလိာ်ဝဲတဖၣ်အသိး န့ၣ်လီၤ.

လံာ်တၢ်ဂံၢ် 8:26

တၢ်န့ၣ်အလီၢ်ခံအဝဲသ့ၣ်ကဘၣ်မၤစၢၤက့ၤပှၤလ့ၤဝံဖိကဒဲကဒဲ လၢတၢ်စိာ်ထီၣ်အဝဲသ့ၣ်အမူအဒါလၢဒဲစီဆှံအပူၤ, ဘၣ်ဆၣ်, အဝဲသ့ၣ်တဘၣ်မၤတၢ်ဖံးတၢ်မၤလၢအနီၢ်ကစၢ်ဒၣ်ဝဲနီတမံၤဘၣ်. တၢ်အံၤမ့ၢ်ကျဲလၢနကသိၣ်လိနဲၣ်လီၤမူဒါတဖၣ်လၢပှၤလ့ၤဝံဖိ တဖၣ်အဂီၢ်န့ၣ်လီၤ.”

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

ကလီးစဲ 4:17

ဒီးတဲဘၣ်စီၤအၢ်ဃံးပူးလၢအကပာ်လီၤအသးသပှၢ်ကတၢၢ်လၢ အကမၤတၢ်မၤလၢအဒိးန့ၢ်ဝဲလၢကစၢ်အအိၣ်န့ၣ်တုၤအဝံၤ, ဒီးလၢထီၣ်ပှဲၤထီၣ်တစုတက့ၢ်.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.