လံာ်တၢ်ဂံၢ် 31:3 - Sgaw Karen Common Bible

³ မၤသးဒ်န့ၣ်ဒီးစီၤမိၤၡ့စံးဘၣ်ပှၤဂီၢ်မုၢ်, “ကတဲာ်ကတီၤသုသးလၢတၢ်ဒုးတၢ်ယၤအဂီၢ်လၢသုဒုးတၢ်ထီဒါ ပှၤမံးဒယၣ်ဖိတဖၣ်ဒီးစံၣ်ညီၣ်အဝဲသ့ၣ်, လၢတၢ်လၢအမၤတၢ်ဘၣ်တ့ၢ်ယွၤအဃိ, ကသ့ဝဲအဂီၢ်န့ၣ်တက့ၢ်.

လံာ်တၢ်ဂံၢ် 31:3 Iomraidhean Croise

လံာ်စီၤပၤခံဘ့ၣ်တဘ့ၣ် 10:30

ယွၤစံးဘၣ်စီၤယ့ၤဟူ, “နမၤတ့ၢ်လံတၢ်ခဲလၢာ်လၢယမၢနမၤဘၣ် စီၤအၤဃာ်အစၢၤအသွဲၣ်တဖၣ်န့ၣ်လံ, လၢတၢ်န့ၣ်အဃိ, ယအၢၣ်လီၤနၤလၢနစၢၤနသွဲၣ်တဖၣ်, ကမ့ၢ်ကီၢ်အံၣ်စရ့လးအစီၤပၤ, တုၤလၢပှၤလွံၢ်စိၤတစိၤဒၣ်လဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:7

နကဘၣ်မၤသံကွံာ်နကစၢ်စီၤပၤ, စီၤအၤဃာ်အဖိခွါတဂၤန့ၣ်ဒ်သိး ယကစံၣ်ညီၣ်နီၢ်အံၤစ့ဘ့ၤလးအဂီၢ်, မ့ၢ်လၢအဝဲမၤသံယဝံတဖၣ်, ဒီးယခ့ယပှၤအဂၤတဖၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 17:16

အဝဲစံးဝဲဒၣ်, “ယူာ်ထီၣ်ထီယွၤအနီၣ်တယၢ်တက့ၢ်. ယွၤကဒုးဒံးတၢ်ထီဒါပှၤဧမၤလ့းဖိတဘိယူၢ်ဃီန့ၣ်လီၤ.”

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 50:28

(ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်, ဒ်လဲၣ်အဂ့ၢ်န့ၣ်လီၤ.)

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်တၢ်ဂံၢ် 25:11

“မ့ၢ်လၢတၢ်တမံၤလၢစီၤပံၤနဃၣ်မၤတ့ၢ်ဝဲန့ၣ်အဃိဒီး, ယတသးဒိၣ်လၢၤကီၢ်အံၣ်စရ့လးအပှၤဂီၢ်မုၢ်ဘၣ်. အဝဲဝံသးစူၤတၢ်ဘူၣ်တၢ်ဘါထီၣ်ကစၢ်အဂၤတကဲဘၣ်. မ့မ့ၢ်သးအိၣ်ဒၣ်ဝဲထဲယၤတဂၤသတးဒီး, ယတမၤဟးဂီၤလၢၤအဝဲသ့ၣ်လၢယတၢ်သးဒိၣ်အဃိလၢၤဘၣ်.

လံာ်တၢ်ဂံၢ် 25:13

အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

လံာ်တၢ်ဂံၢ် 31:4

လၢအံၣ်စရ့လးဖိအဒူၣ်တဒူၣ်စုာ်စုာ်အကျါန့ၣ်ဆှၢလီၤပှၤတကထိ ဂၤလၢတၢ်ဒုးတၢ်ယၤအဂီၢ်တက့ၢ်.”

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:23

ယွၤအကလူးစံးဝဲ, “ပာ်တၢ်ဆိၣ်အၢလၢဝ့ၢ်မ့ရိးအဖီခိၣ်တက့ၢ်. တၢ်ဆိၣ်အၢတမံၤ, တၢ်ဆိၣ်အၢတမံၤလၢပှၤအိၣ်ဖဲန့ၣ်တဖၣ်အလိၤတက့ၢ်. အဝဲသ့ၣ်တဟဲဘၣ်ဝဲလၢကမၤစၢၤယွၤအဂီၢ်ဘၣ်. တဟဲဘၣ်ဝဲဒ်သုးဖိတဖၣ်အသိးလၢကဒုးတၢ်အဂီၢ်ဘၣ်.”