လံာ်တၢ်ဂံၢ် 31:28 - Sgaw Karen Common Bible

²⁸ လၢတၢ်ဘၣ်ဃးဒီးပှၤသုးဖိတဖၣ်အတၢ်နီၤဖးအပူၤန့ၣ်, ပှၤဃိာ်ဖိယဲၢ်ကယၤဂၤအကျါဟံးဃာ်အီၤတဂၤဒ်တၢ်ခိ တၢ်သွဲတမံၤလၢယွၤအဂီၢ်ဒီးဒ်န့ၣ်အသိးလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိတဖၣ်, ဒီးမဲာ်တဲးလဲးတဖၣ်အကျါန့ၣ်နီၤဖး ဟံးန့ၢ်စ့ၢ်ကီးတမံၤဃီဒ်န့ၣ်တက့ၢ်.

လံာ်တၢ်ဂံၢ် 31:28 Iomraidhean Croise

လံာ်တၢ်ကဲထီၣ်အခီၣ်ထံး 14:20

မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:11

စီၤပၤဒၤဝံးပာ်စီဆှံတၢ်သ့ၣ်တဖၣ်န့ၣ်လၢတၢ်ကသူအီၤလၢတၢ် ဘူၣ်တၢ်ဘါအပူၤအဂီၢ်ဃုာ်ဒီးကျိၣ်ဧိၤစ့ဧိၤ, ထူဧိၤလွဲဧိၤလၢအဟံးန့ၢ်တ့ၢ်ဝဲလၢပှၤကလုာ်လၢအမၤနၢၤကွံာ် ဝဲလၢအမ့ၢ်, ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ, ပှၤဖလ့ၡသးဖိဒီးပှၤဧမၤလ့းဖိတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:11

လၢမုၢ်နံၤအဝဲအံၤန့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူ ယွၤအအိၣ်လၢတၢ်ဂုာ်န့ၢ်လၢအဝဲသ့ၣ်ဟဲက့ၤစိာ်ဝဲတဖၣ်အပူၤလၢ အမ့ၢ်, ဂီၤဖံးအဒုနွံကယၤဒီးသိအဒုနွံကထိန့ၣ်လီၤ.

လံာ်ယၡါယၤ 18:7

တၢ်ဆၢကတီၢ်ကဟဲဝဲဖဲယွၤသ့တၢ်လၢာ်ကစၢ်ကတူၢ်လိာ်တၢ် လုၢ်မၤဘူၣ်တဖၣ်လၢကီၢ်လၢအဘၣ်တၢ်နီၤဖးအီၤလၢထံ ကျိတဖၣ်, ကီၢ်လၢအဂံၢ်ဆူၣ်ဒီးအိၣ်ဒီးအစိကမီၤအံၤ, ပှၤလၢအနီၢ်ထီဒီးအဖံးဘျ့ဒီးဘၣ်တၢ်ပျံၤအီၤလၢ ဟီၣ်ခိၣ်ဒီဘ့ၣ်ညါအံၤ, အအိၣ်န့ၣ်လီၤ. အဝဲသ့ၣ်ကဟဲဆူကစၢၢ်စံယိၣ်ဖဲယွၤသ့တၢ်လၢာ်ကစၢ် ဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ယၡါယၤ 23:18

ကျိၣ်စ့လၢအမၤန့ၢ်ဝဲလၢကူၣ်တၢ်ကၤတၢ်အဃိန့ၣ်, ကဘၣ်တၢ်ပာ်စီဆှံအီၤဆူယွၤလီၤ. အဝဲတပာ်ဖှိၣ်ပာ်တံၤဝဲဘၣ်. ပှၤလၢအဘူၣ်ထီၣ်ဘါထီၣ်ယွၤတဖၣ် ကသူအစ့လၢကပှ့ၤတၢ်အီၣ်ဒီးတၢ် ကူတၢ်ကၤလၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်တၢ်ဂံၢ် 18:21

ယွၤစံးဝဲဒၣ်, “ကယဲၢ်တၢ်ဆံဆဲၣ်ပူၤတပူလၢကီၢ်အံၣ်စရ့လး အပှၤဂီၢ်မုၢ်ဟ့ၣ်ထီၣ်ယၤန့ၣ်ယဟ့ၣ်လီၤအီၤဆူပှၤလ့ၤဝံဖိတဖၣ် အအိၣ်လီၤ. တၢ်အံၤမ့ၢ်တၢ်အဘူးအလဲလၢအဝဲသ့ၣ်မၤတၢ်အခ့အပှၤအတၢ်မၤ လၢတၢ်အံးထွဲကွၢ်ထွဲယအိၣ်ယဆိးအဒဲစီဆှံအဂီၢ်န့ၣ်လီၤ.

လံာ်တၢ်ဂံၢ် 31:29

ဟ့ၣ်လီၤတၢ်န့ၣ်ခဲလၢာ်ဆူပှၤလုၢ်တၢ်အခိၣ်စီၤအလၤဧစၢ် အအိၣ်ဒ်တၢ်မၤဘူၣ်လီၤဆီတမံၤဆူယွၤအအိၣ်အသိးန့ၣ်တက့ၢ်.

လံာ်တၢ်ဂံၢ် 31:30

လၢတၢ်နီၤဖးဆူပှၤဂီၢ်မုၢ်လၢအိၣ်လီၤတဲာ်တဖၣ်အဂီၢ်အကျါန့ၣ် ဟံးန့ၢ်ပှၤဃိၢ်ဖိယဲၢ်ဆံအကျါတဂၤစုာ်စုာ်ဒီးတၢ်တမံၤဃီဒ်န့ၣ် အသိးန့ၣ်, နီၤဖးဟံးန့ၢ်အီၤလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိ, ဒီးမဲာ်တဲးလဲးတဖၣ်အကျါစ့ၢ်ကီးတက့ၢ်. ဒီးဟ့ၣ်လီၤတၢ်တဖၣ်န့ၣ်ဆူပှၤလ့ၤဝံဖိတဖၣ်အအိၣ်လၢအဘၣ်မူဘၣ် ဒါလၢတၢ်ကွၢ်ထွဲယွၤအဒဲစီဆှံန့ၣ်တက့ၢ်.”

လံာ်တၢ်ဂံၢ် 31:47

လၢတၢ်နီၤဖးအံၤအပူၤ, စီၤမိၤၡ့ဟံးန့ၢ်ဝဲပှၤဃိာ်ဖိအဂၤယဲၢ်ဆံ အကျါန့ၣ်တဂၤဒီးဆၣ်ဖိကီၢ်ဖိစ့ၢ်ကီးဒ်န့ၣ်အသိး, ဒီးဒ်ယွၤမၤလိာ်ဝဲအသိးန့ၣ်ဟ့ၣ်လီၤဝဲဆူပှၤလ့ၤဝံဖိတဖၣ် အအိၣ်လၢအဘၣ်မူဘၣ်ဒါလၢယွၤအဒဲစီဆှံအဂီၢ်န့ၣ်လီၤ.

လံာ်မးသဲ 22:21

အဝဲသ့ၣ်စံးဆၢဝဲ, “မ့ၢ်ရိမ့ၤအစီၤပၤဖးဒိၣ်အခိၣ်အဂီၤဒီးအမံၤလီၤ.” တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, တၢ်လၢအဘၣ်ဃးဒီးရိမ့ၤအစီၤပၤဖးဒိၣ်န့ၣ်, ဟ့ၣ်ရိမ့ၤအစီၤပၤဖးဒိၣ်, ဒီးတၢ်လၢအဘၣ်ဃးဒီးကစၢ်ယွၤန့ၣ်, ဟ့ၣ်ကစၢ်ယွၤတက့ၢ်.”

လံာ်စီၤယိၤၡူ 6:19

တၢ်ကိးမံၤဒဲးလၢအဘၣ်တၢ်မၤအီၤလၢစ့, ထူ, တိၢ်ဘီ, ဒီးထးန့ၣ်ကဘၣ်တၢ်ပာ်လီၤဆီအီၤလၢယွၤအဂီၢ်လီၤ. ကဘၣ်တၢ်ဒၢနုာ်အီၤလၢယွၤအတၢ်ပာ်ဖှိၣ်အလီၢ်န့ၣ်လီၤ.”

လံာ်စီၤယိၤၡူ 6:24

ဝံၤဒီးအဝဲသ့ၣ်ဒွဲၣ်အူထီၣ် ဝ့ၢ်ဒီးမ့ၣ်အူအီၣ်ကွံာ်ဝ့ၢ်ဒီးကယဲၢ်တၢ်အိၣ်လၢအပူၤခဲလၢာ် န့ၣ်လီၤ. အိၣ်တ့ၢ်ဒၣ်ထဲတၢ်လၢအဘၣ်တၢ်မၤအီၤလၢထူ, စ့, တိၢ်ဘီ, ဒီးထးလၢအဝဲသ့ၣ်ဟံးန့ၢ်ဒီးပာ်အီၤလၢယွၤအတၢ်ပာ်ဖှိၣ်အလီၢ်န့ၣ် လီၤ.

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.