လံာ်တၢ်ဂံၢ် 31:23 - Sgaw Karen Common Bible

²³ ကဘၣ်တၢ်မၤကဆှီအီၤခီဖျိတၢ်ဒုးလဲၤခီအီၤလၢမ့ၣ်အူအပူၤ န့ၣ်လီၤ. ကယဲၢ်တၢ်အဂၤလၢအအိၣ်လီၤတဲာ်တဖၣ်န့ၣ်ကဘၣ်တၢ်မၤ ကဆှီအီၤလၢထံလၢကကဆှီထီၣ်အဂီၢ်န့ၣ်လီၤ.

လံာ်တၢ်ဂံၢ် 31:23 Iomraidhean Croise

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:14

အန့ၣ်ဝံၤဒီး, စီၤမိၤၡ့ဟဲက့ၤလီၤလၢကစၢၢ်လိၤဒီးတဲဘၣ်ပှၤ ဂီၢ်မုၢ်လၢကကတဲာ်ကတီၤအသးလၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဆှုၣ် အတၢ်ကူတၢ်သိးတဖၣ်န့ၣ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်တၢ်ဘူၣ်ထီၣ်ဘါထီၣ် 11:32

ဒီးအသံစိၣ်မ့ၢ်လီၤတဲာ်ဘၣ်လၢတၢ်တမံၤဂ့ၤတမံၤဂ့ၤလၢအမ့ၢ်သ့ၣ်မ့ၢ်ဂ့ၤ, တၢ်ကူတၢ်သိးမ့ၢ်ဂ့ၤ, တၢ်ဖံးမ့ၢ်ဂ့ၤ, ထၢၣ်မ့ၢ်ဂ့ၤတၢ်လၢအဘၣ်တၢ်သူအီၤအလိၤန့ၣ်ကကဲထီၣ်တၢ်တကဆှီလီၤ. ဒီးတၢ်ကဘၣ်စုၣ်လီၤအီၤလၢထံအပူၤ, ဘၣ်ဆၣ်ကမ့ၢ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:17

ဒီးပိာ်ခွါအချံဘၣ်ဃးဒီးအမံဃုာ်တၢ်န့ၣ်မ့ၢ်လီၤဘၣ်လၢ ကယဲၢ်တၢ်လၢအဘၣ်တၢ်မၤအီၤလၢတၢ်ကံးညၣ်မ့ၢ်ဂ့ၤ, တၢ်ဖံးမ့ၢ်ဂ့ၤအလိၤန့ၣ်, ကဘၣ်တၢ်သ့စီကွံာ်အီၤ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ဂံၢ် 19:17

လၢတၢ်သုးကွံာ်တၢ်တကဆှီဘၣ်အဂီၢ်န့ၣ်, တၢ်ကဘၣ်ဟံးန့ၢ်ဂီၤဖံးမိၢ်ဂီၤလၢတၢ်ဆိၣ်ကဲၤတ့ၢ်အီၤဒ်သိးတၢ်ဒဲးဘး ကဘၣ်တၢ်ပျၢ်အီၤန့ၣ်အချါတနီၤဒီးဒၢနုာ်အီၤလၢထံသပၢၤတဖျၢၣ် အပူၤဒီးဃါဃုာ်အီၤဒီးထံအကဆှီန့ၣ်လီၤ.

လံာ်တၢ်ဂံၢ် 19:9

အန့ၣ်ဝံၤဒီးပှၤတဂၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်ကဘၣ်ထၢဖှိၣ်ဂီၤဖံးမိၢ်န့ၣ်အချါဒီးပာ်အီၤလၢတၢ်လီၢ်လၢ အကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအပူၤလၢဒဲအလီၢ် အချၢတၢ်လီၢ်ဖဲအဝဲသ့ၣ်ကဘၣ်တၢ်ပာ်အီၤလၢပှၤအံၣ်စရ့လးဖိ အကမျၢၢ်ဒီဖုကသူအီၤလၢတၢ်ကတဲာ်ကတီၤထံလၢတၢ်သ့ ကဆှီကွံာ်တၢ်တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိး တဖၣ်အဂီၢ်လီၤ.

လံာ်တၢ်ဂံၢ် 31:22

တၢ်ကိးမံၤဒဲးလၢအတူၢ်မ့ၣ်အူန့ၢ်ဒ်ထူ, စ့, တိၢ်ဘီ, ထး, ပှာ်ဝါ, ဒီးစၢၢ်တဖၣ်န့ၣ်,

လံာ်တၢ်ဂံၢ် 31:24

လၢနွံသီတသီအနံၤန့ၣ်သုကဘၣ်ဆှုၣ်သုတၢ်ကူတၢ်သိးတဖၣ် လီၤ. အန့ၣ်ဝံၤဒီးသုကကဆှီထီၣ်က့ၤဒ်တၢ်ဘူၣ်တၢ်ဘါအလုၢ် အလၢ်အသိးဒီးသုကဒိးန့ၢ်တၢ်ပျဲလၢ သုကလဲၤနုာ်ဆူသူၣ်ဒဲလီၢ်န့ၣ်လီၤ.

လံာ်တၢ်ဂံၢ် 8:7

ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

1 ကရံၣ်သူး 3:13

ဒီးပှၤတဂၤဘၣ်တဂၤအတၢ်ဖံးတၢ်မၤဂ့ၤဆံးအါဆံးအါန့ၣ်, ပှၤကထံၣ်ဘၣ်ဝဲဖဲမုၢ်တနံၤလၢခရံာ်လီၣ်ဖျါထီၣ်အီၤန့ၣ်လီၤ. အဂ့ၢ်ဒ်အံၤ, ဖဲနံၤအဝဲန့ၣ်, မ့ၣ်အူကလီၣ်ဖျါထီၣ်ပှၤကိးဂၤဒဲးအတၢ်ဖံးတၢ်မၤလီၤ. မ့ၣ်အူကမၤကွၢ်အီၤဒီးပာ်ဖျါထီၣ်အဂ့ၤဝဲနီၢ်နီၢ်ဆံးအါလဲၣ်န့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.