လံာ်တၢ်ဂံၢ် 30:13 - Sgaw Karen Common Bible

¹³ ပိာ်မုၣ်န့ၣ်အဝၤအိၣ်ဒီးတၢ်စိတၢ်ကမီၤလၢကမၤဂၢၢ်မၤကျၢၤမ့ၢ် ဂ့ၤမၤဟးဂီၤကွံာ်တၢ်ဆိၣ်မ့တမ့ၢ်တၢ်အၢၣ်လီၤအီလီၤတမံၤလၢ် လၢ်လၢပိာ်မုၣ်မၤဝဲန့ၣ်လီၤ.

လံာ်တၢ်ဂံၢ် 30:13 Iomraidhean Croise

လံာ်စီၤဧ့စြၤ 8:21

ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

စံးထီၣ်ပတြၢၤ 35:13

ဘၣ်ဆၣ်ယဲဒၣ်ယၤအံၤ, ဖဲအဝဲသ့ၣ်ဘၣ်တၢ်ဆူးတၢ်ဆါန့ၣ်ဒီး ယကူထီၣ်ကၤထီၣ် တၢ်သူၣ်အုးသးအုးအဆ့ကၤ, ယတူၢ်ဖှီၣ်ယသးလၢတၢ်ဒုၣ်တၢ်အီၣ်န့ၣ်လီၤ. ယဘါထုကဖၣ်လၢတၢ်ဆုးလီၤယခိၣ်အပူၤ,

လံာ်ယၡါယၤ 58:5

ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.

လံာ်တၢ်ဘူၣ်ထီၣ်ဘါထီၣ် 16:29

တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 23:32

စးထီၣ်လၢခွံနံၤတနံၤမုၢ်ဟါလီၤတုၤလီၤလၢတဆံနံၤတနံၤ မုၢ်ဟါလီၤန့ၣ်သုကဘၣ်တိၢ်န့ၢ်အီၤဒ်မုၢ်နံၤလီၤဆီတနံၤလၢတၢ်အိၣ်ဘှံး အဂီၢ်ဒီးသုတဘၣ်အီၣ်တၢ်နီတမံၤဘၣ်.”

လံာ်တၢ်ဂံၢ် 29:7

လၢလါနွံလါတလါထီၣ်အသီတဆံအနံၤန့ၣ်ပာ်ဖှိၣ်ထီၣ်သုသးလၢ တၢ်ဘူၣ်ထီၣ်ဘါထီၣ်ယွၤအဂီၢ်တက့ၢ်. အီၣ်တၢ်နီတမံၤတဂ့ၤ. ဒီးမၤတၢ်နီတမံၤတဂ့ၤ.

လံာ်တၢ်ဂံၢ် 30:12

ဘၣ်ဆၣ်ဒီးအဝၤမ့ၢ်တြီအီၤလၢကမၤလၢပှဲၤအတၢ်ဆိၣ်, ဖဲအဝဲနၢ်ဟူတၢ်ဂ့ၢ်န့ၣ်ဒီး, ပိာ်မုၣ်န့ၣ်တိၢ်န့ၢ်ဖံးဃာ်အတၢ် အၢၣ်လီၤအလီၢ်တအိၣ်ဘၣ်. ယွၤကပျၢ်ဖျဲးကွံာ်အီၤလီၤ. အဂ့ၢ်ဒ်အံၤအဝၤ, တြီအီၤလၢကတိၢ်န့ၢ်ဖံးဃာ်အတၢ်ဆိၣ်န့ၣ်လီၤ.

လံာ်တၢ်ဂံၢ် 30:14

ဘၣ်ဆၣ်ဒီးတုၤမုၢ်တနံၤဖဲအဝဲနၢ်ဟူဘၣ်တၢ်ဆိၣ်န့ၣ်အဂ့ၢ်ဝံၤ အလီၢ်ခံ, အဝဲမ့ၢ်တပာ်လီၤတၢ်တြီနီတမံၤဘၣ်ဒီး, ပိာ်မုၣ်န့ၣ်ကဘၣ်မၤကယဲၢ်တၢ်ကိးအမံၤဒဲးလၢအဆိၣ်တ့ၢ်ဝဲမ့ၢ် ဂ့ၤအၢၣ်လီၤအီလီၤတ့ၢ်ဝဲမ့ၢ်ဂ့ၤန့ၣ်လီၤ. အဝဲအဝၤမၤဂၢၢ်မၤကျၢၤတၢ်ဆိၣ်န့ၣ်ခီဖျိလၢအတထီဒါဘၣ်တၢ်ဂ့ၢ်န့ၣ် ဖဲမုၢ်တနံၤလၢအနၢ်ဟူဘၣ်ဝဲအဃိလီၤ.

1 ကရံၣ်သူး 11:3

ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

1 ကရံၣ်သူး 11:9

ဒ်န့ၣ်အသိး, ပိာ်ခွါတဘၣ်တၢ်တ့လီၤအီၤလၢပိာ်မုၣ်အဂီၢ် ဘၣ်. မ့မ့ၢ်ပိာ်မုၣ်ဘၣ်တၢ်တ့လီၤအီၤလၢပိာ်ခွါအဂီၢ်လီၤ.

1 ကရံၣ်သူး 7:5

မ့တမ့ၢ်လၢသုအိၣ်ဒီးတၢ်အၢၣ်လီၤဆိပာ်သုသး, လၢသုကအိၣ်လီၤဖးတစိၢ်တလီၢ်ဒ်သိးသုကအိၣ်ဒီးတၢ်ဆၢ ကတီၢ်လၢတၢ်ထုကဖၣ်အဂီၢ်န့ၣ်, တဘၣ်အိၣ်လီၤဖးလိာ်သုသးတဂၤဒီးတဂၤတဂ့ၤ. ဘၣ်ဆၣ်ဒီးတၢ်န့ၣ်ဝံၤအလီၢ်ခံအိၣ်က့ၤဒီး တၢ်ဘၣ်ထွဲလိာ်သုသးဒ်နီၢ်ဒီမိဝၤအသိးတက့ၢ်. လၢကျဲဒ်အံၤအပူၤန့ၣ်, သုကပူၤဖျဲးဒီးတၢ်ဟ့ၣ်လီၤသုသးဆူမုၣ်ကီၤလံၢ်အတၢ်လ့ပစီ အပူၤလၢသုတၢ်ပၢၤသူၣ်ပၢၤသးတအိၣ်ဘၣ်အဃိန့ၣ်လီၤ.