လံာ်တၢ်ဂံၢ် 30:12 - Sgaw Karen Common Bible

¹² ဘၣ်ဆၣ်ဒီးအဝၤမ့ၢ်တြီအီၤလၢကမၤလၢပှဲၤအတၢ်ဆိၣ်, ဖဲအဝဲနၢ်ဟူတၢ်ဂ့ၢ်န့ၣ်ဒီး, ပိာ်မုၣ်န့ၣ်တိၢ်န့ၢ်ဖံးဃာ်အတၢ် အၢၣ်လီၤအလီၢ်တအိၣ်ဘၣ်. ယွၤကပျၢ်ဖျဲးကွံာ်အီၤလီၤ. အဂ့ၢ်ဒ်အံၤအဝၤ, တြီအီၤလၢကတိၢ်န့ၢ်ဖံးဃာ်အတၢ်ဆိၣ်န့ၣ်လီၤ.

လံာ်တၢ်ဂံၢ် 30:12 Iomraidhean Croise

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 44:19

ဒီးပိာ်မုၣ်တဖၣ် စံးအါထီၣ်ဝဲ, “ဖဲပကုၢ်ကိၣ်လၢအက့ၢ်အဂီၤ လီၤဂာ်ဒီး မူခိၣ်အနီၢ်ပၤမုၣ်, လုၢ်ထီၣ်တၢ်လုၢ်တၢ်ပာ်တဖၣ်ဆူ အအိၣ်, ဒီးလူလီၤတၢ်လုၢ်စပံးထံလၢ အဂီၢ်န့ၣ်, ပဝၤတဖၣ် ဘၣ်သူၣ်ဘၣ်သးတၢ်လၢ ပမၤတ့ၢ်အီၤန့ၣ်လီၤ.”

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

လံာ်တၢ်ဂံၢ် 15:28

လၢတၢ်လုၢ်လီၢ်န့ၣ်ပှၤလုၢ်တၢ်အခိၣ်ကဘၣ်မၤအတၢ်မၤကဆှီ ထီၣ်သးလၢတၢ်ဘူၣ်တၢ်ဘါအလုၢ်အလၢ်လၢကမၤကဆှီထီၣ်ပှၤတဂၤန့ၣ် လၢအတၢ်ဒဲးဘးဒီးအဝဲကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဂံၢ် 30:11

မ့တမ့ၢ်ဘၣ်လၢအဝၤပာ်လီၤတၢ်တြီတမံၤဖဲလၢအဝဲနၢ်ဟူ တၢ်ဂ့ၢ်န့ၣ်ဒီး, ပိာ်မုၣ်န့ၣ်ကဘၣ်မၤတၢ်ကိးမံၤဒဲးလၢအဆိၣ်ဝဲ မ့ၢ်ဂ့ၤ, တၢ်လၢအအၢၣ်လီၤအီလီၤတ့ၢ်ဝဲမ့ၢ်ဂ့ၤန့ၣ်လီၤ.

လံာ်တၢ်ဂံၢ် 30:13

ပိာ်မုၣ်န့ၣ်အဝၤအိၣ်ဒီးတၢ်စိတၢ်ကမီၤလၢကမၤဂၢၢ်မၤကျၢၤမ့ၢ် ဂ့ၤမၤဟးဂီၤကွံာ်တၢ်ဆိၣ်မ့တမ့ၢ်တၢ်အၢၣ်လီၤအီလီၤတမံၤလၢ် လၢ်လၢပိာ်မုၣ်မၤဝဲန့ၣ်လီၤ.

လံာ်တၢ်ဂံၢ် 30:5

ဘၣ်ဆၣ်ဒီးအပၢ်မ့ၢ်တြီအီၤလၢကမၤလၢထီၣ်ပှဲၤထီၣ်တၢ်လၢ အဆိၣ်တ့ၢ်ဝဲ, ဖဲအဝဲနၢ်ဟူတၢ်ဂ့ၢ်န့ၣ်ဒီးပိာ်မုၣ်သးစၢ်တဂၤန့ၣ် တလိၣ်လၢကဘၣ်တိၢ်န့ၢ်ဖံးဃာ်အတၢ်ဆိၣ်လၢၤဘၣ်. ယွၤကပျၢ်ဖျဲးအီၤမ့ၢ်လၢအပၢ်တပျဲအဝဲတိၢ်န့ၢ်ဖံးဃာ်အီၤဘၣ် အဃိန့ၣ်လီၤ.

လံာ်တၢ်ဂံၢ် 30:8

ဘၣ်ဆၣ်ဒီးအဝဲအဝၤမ့ၢ်တြီအီၤလၢကမၤလၢထီၣ်ပှဲၤထီၣ်တၢ်ဆိၣ် ဖဲအဝဲနၢ်ဟူဘၣ်တၢ်ဂ့ၢ်န့ၣ်ဒီး, တလိၣ်လၢပိာ်မုၣ်န့ၣ်ကတိၢ်န့ၢ်ဖံးဃာ်အတၢ်အၢၣ်လီၤဘၣ်. ကစၢ်ယွၤကပျၢ်ဖျဲးအီၤလီၤ.

1 ကရံၣ်သူး 11:3

ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:23

စီၤအ့လကါနၤစံးဆၢအီၤ, “ဂ့ၤလံ, မၤဒ်ကယဲၢ်တၢ်လၢနထံၣ် အဂ့ၤကတၢၢ်အသိးန့ၣ်တက့ၢ်. အိၣ်တ့ၢ်လၢဟံၣ်တုၤနထုးဖှၣ်အီၤလၢနုၢ်န့ၣ်တက့ၢ်. ဒီးမ်ယွၤမၤလၢထီၣ်ပှဲၤထီၣ်နတၢ်အၢၣ်လီၤအီလီၤတက့ၢ်.” မၤသးဒ်န့ၣ်ဒီး, နီၢ်ဃးနၤအိၣ်တ့ၢ်လၢဟံၣ်ဒီးအံးထွဲကွၢ်ထွဲအဖိလီၤ.