လံာ်တၢ်ဂံၢ် 3:8 - Sgaw Karen Common Bible

⁸ အဝဲသ့ၣ်ကဘၣ်ဟံးန့ၢ်မူဒါလၢကယဲၢ်ဒဲစီဆှံအတၢ်ပီးတၢ်လီ တဖၣ်အဂီၢ်ဒီးမၤတၢ်လၢပှၤအံၣ်စရ့လးဖိအဂၤတဖၣ်အဂီၢ်န့ၣ်လီၤ.

လံာ်တၢ်ဂံၢ် 3:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:27

ဒိးသန့ၤထီၣ်အသးလၢစီၤဒၤဝံးအတၢ်နဲၣ်ကျဲၤလၢခံကတၢၢ်တဖၣ် အဖီခိၣ်န့ၣ်, ကယဲၢ်ပှၤလ့ၤဝံဖိခဲလၢာ်ဘၣ်တၢ်ထၢဒီးကွဲးနီၣ်အမံၤလၢတၢ်မၤ အဂီၢ်ဖဲအဝဲသ့ၣ်အသးပှဲၤထီၣ်အနံၣ်ခံဆံန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 29:11

ယဖိခွါသ့ၣ်ဧၢ, မၤလၢာ်တၢ်ဆၢကတီၢ်နီတစဲးတဂ့ၤ. သုမ့ၢ်ပှၤလၢယွၤဃုထၢတ့ၢ်အီၤလၢကဆူးကဲၤထီၣ်တၢ်နၢမူ ဆူအအိၣ်, ဒီးလၢကဆှၢပှၤဂီၢ်မုၢ်လၢတၢ်ဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်တၢ်ဂံၢ် 10:17

အန့ၣ်ဝံၤဒီးဒဲစီဆှံကဘၣ်တၢ်ရူၢ်လီၤကွံာ်အီၤဒီးစီၤက့ ရၡိၣ်ဒီးစီၤမရၤရံၤအဒူၣ်ထၢတဖၣ်လၢအစိာ်ဒဲန့ၣ်ကဟးထီၣ်ဝဲ လီၤ.

လံာ်တၢ်ဂံၢ် 10:21

အန့ၣ်ဝံၤဒီးပှၤလ့ၤဝံဖိစီၤကဃးအဒူၣ်ထၢကဟးထီၣ်စိာ်တၢ်စီ ဆှံအပီးအလီတဖၣ်န့ၣ်လီၤ. အဆၢကတီၢ်ဖဲအဝဲသ့ၣ်တုၤဃီၤဆူသူၣ်ဒဲအလီၢ်လၢခံတတီၤန့ၣ်ဒဲ စီဆှံဘၣ်တၢ်ထီထီၣ်ကဒီးအီၤန့ၣ်လီၤ.

လံာ်တၢ်ဂံၢ် 3:7

အဝဲသ့ၣ်ကဘၣ်မၤတၢ်မၤလၢအလီၤဘၣ်အီၤလၢယွၤအိၣ်ဝဲ ဆိးဝဲအဒဲစီဆှံအဂီၢ်ဒီးကဘၣ်မၤတၢ်လၢပှၤလုၢ်တၢ်အခိၣ်တဖၣ် အဂီၢ်ဒီးလၢပှၤဂီၢ်မုၢ်ခဲလၢာ်အဂီၢ်န့ၣ်လီၤ.

လံာ်တၢ်ဂံၢ် 3:9

မူဒါထဲတမံၤဧိၤလၢပှၤလ့ၤဝံဖိတဖၣ်ကဘၣ်မၤဝဲန့ၣ်မ့ၢ်တၢ် မၤစၢၤစီၤအၤဟရိၣ်ဒီးအဖိခွါတဖၣ်န့ၣ်လီၤ.

လံာ်တၢ်ဂံၢ် 31:30

လၢတၢ်နီၤဖးဆူပှၤဂီၢ်မုၢ်လၢအိၣ်လီၤတဲာ်တဖၣ်အဂီၢ်အကျါန့ၣ် ဟံးန့ၢ်ပှၤဃိၢ်ဖိယဲၢ်ဆံအကျါတဂၤစုာ်စုာ်ဒီးတၢ်တမံၤဃီဒ်န့ၣ် အသိးန့ၣ်, နီၤဖးဟံးန့ၢ်အီၤလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိ, ဒီးမဲာ်တဲးလဲးတဖၣ်အကျါစ့ၢ်ကီးတက့ၢ်. ဒီးဟ့ၣ်လီၤတၢ်တဖၣ်န့ၣ်ဆူပှၤလ့ၤဝံဖိတဖၣ်အအိၣ်လၢအဘၣ်မူဘၣ် ဒါလၢတၢ်ကွၢ်ထွဲယွၤအဒဲစီဆှံန့ၣ်တက့ၢ်.”

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 4:28

တၢ်တဖၣ်အံၤမ့ၢ်ဝဲစီၤက့ရၡိၣ်အဒူၣ်ထၢအမူအဒါလၢဒဲစီဆှံ အပူၤန့ၣ်လီၤ. အဝဲသ့ၣ်ကဘၣ်စိာ်ထီၣ်တၢ်တဖၣ်အံၤလၢပှၤလုၢ်တၢ် အခိၣ်စီၤအၤဟရိၣ်အဖိခွါစီၤအံသမၢ်အတၢ်ပၢဆှၢနဲၣ်ကျဲအဖီ လာ်န့ၣ်လီၤ.

လံာ်တၢ်ဂံၢ် 4:33

တၢ်တဖၣ်အံၤမ့ၢ်ဝဲစီၤမရၤရံၤအဒူၣ်ထၢအမူအဒါတဖၣ်လၢအတၢ်ဖံး တၢ်မၤလၢဒဲစီဆှံအပူၤအဂီၢ်န့ၣ်လီၤ. အဝဲသ့ၣ်ကဘၣ်စိာ်ထီၣ်တၢ်မၤအံၤလၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်ပၢဆှၢနဲၣ်ကျဲအဖီလာ်န့ၣ်လီၤ.