လံာ်တၢ်ဂံၢ် 3:7 - Sgaw Karen Common Bible

⁷ အဝဲသ့ၣ်ကဘၣ်မၤတၢ်မၤလၢအလီၤဘၣ်အီၤလၢယွၤအိၣ်ဝဲ ဆိးဝဲအဒဲစီဆှံအဂီၢ်ဒီးကဘၣ်မၤတၢ်လၢပှၤလုၢ်တၢ်အခိၣ်တဖၣ် အဂီၢ်ဒီးလၢပှၤဂီၢ်မုၢ်ခဲလၢာ်အဂီၢ်န့ၣ်လီၤ.

လံာ်တၢ်ဂံၢ် 3:7 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:22

စီၤလၤဒၣ်အဖိခွါအဂၤခံဂၤလၢအမ့ၢ်, စီၤစ့ၤသၣ်ဒီးစီၤယိၤ အ့လးန့ၣ်မ့ၢ်ပှၤကဲခိၣ်ကဲနၢ်လၢတၢ်လုၢ်ဟံၣ်အစ့ပာ်ဖှိၣ်အလီၢ် ဒီးတၢ်ပာ်ဖှိၣ်အဒၢးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:26

စီၤၡလိမံးအဘူးအတံၢ်တဖၣ်မ့ၢ်ပှၤဘၣ်ကဲခိၣ်ကဲနၢ်လၢတၢ်ပၢၤ ဃာ်တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤဆူကစၢ်ယွၤလၢစီၤ ပၤဒၤဝံး, ဒ်ဟံၣ်ဖိဃီဖိတဖၣ်အခိၣ်, ဒူၣ်ထၢကရူၢ်တဖၣ်အခိၣ်ဒီးသုးခိၣ် သုးနၢ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:35

သုကဘၣ်အိၣ်လၢတၢ်ဘူၣ်ထီၣ်ဘါထီၣ်ယွၤအကျဲစၢၤနွံနံၤနွံနၤ, ဒီးမၤတၢ်လၢယွၤမၤလိာ်ဝဲန့ၣ်လီၤ. သုမ့ၢ်တမၤဘၣ်တၢ်န့ၣ်ဒီးသုကသံလီၤ. တၢ်အံၤမ့ၢ်တၢ်လၢယွၤမၤလိာ်ယၤန့ၣ်လီၤ.”

လံာ်တၢ်ဂံၢ် 1:50

အခိၣ်တလိာ်, ပာ်ပှၤလ့ၤဝံဖိတဖၣ်ဒ်ပှၤအံးထွဲကွၢ်ထွဲ ယအိၣ်ဝဲဆိးဝဲအဒဲစီဆှံဒီးကယဲၢ်အတၢ်ပီးတၢ်လီခဲလၢာ်အသိး တက့ၢ်. အဝဲသ့ၣ်ကဘၣ်စိာ်အီၤဃုာ်ဒီးအတၢ်ပီးတၢ်လီတဖၣ်, မၤတၢ်လၢအပူၤဒီးသူၣ်ထီၣ်အဒဲဝးတရံးအီၤန့ၣ်လီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 3:32

ပှၤလ့ၤဝံဖိတဖၣ်အခိၣ်မ့ၢ်ဝဲပှၤလုၢ်တၢ်အခိၣ်စီၤအၤဟရိၣ်အဖိ ခွါစီၤအလၤဧစၢ်န့ၣ်လီၤ. အဝဲမ့ၢ်ပှၤအခိၣ်လၢပှၤတဖၣ်လၢအမၤအမူအဒါလၢတၢ်အလီၢ်စီဆှံ အပူၤအဂီၢ်န့ၣ်လီၤ.

လံာ်တၢ်ဂံၢ် 3:8

အဝဲသ့ၣ်ကဘၣ်ဟံးန့ၢ်မူဒါလၢကယဲၢ်ဒဲစီဆှံအတၢ်ပီးတၢ်လီ တဖၣ်အဂီၢ်ဒီးမၤတၢ်လၢပှၤအံၣ်စရ့လးဖိအဂၤတဖၣ်အဂီၢ်န့ၣ်လီၤ.

လံာ်တၢ်ဂံၢ် 31:30

လၢတၢ်နီၤဖးဆူပှၤဂီၢ်မုၢ်လၢအိၣ်လီၤတဲာ်တဖၣ်အဂီၢ်အကျါန့ၣ် ဟံးန့ၢ်ပှၤဃိၢ်ဖိယဲၢ်ဆံအကျါတဂၤစုာ်စုာ်ဒီးတၢ်တမံၤဃီဒ်န့ၣ် အသိးန့ၣ်, နီၤဖးဟံးန့ၢ်အီၤလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိ, ဒီးမဲာ်တဲးလဲးတဖၣ်အကျါစ့ၢ်ကီးတက့ၢ်. ဒီးဟ့ၣ်လီၤတၢ်တဖၣ်န့ၣ်ဆူပှၤလ့ၤဝံဖိတဖၣ်အအိၣ်လၢအဘၣ်မူဘၣ် ဒါလၢတၢ်ကွၢ်ထွဲယွၤအဒဲစီဆှံန့ၣ်တက့ၢ်.”

လံာ်တၢ်ဂံၢ် 8:11

ဝံၤဒီးစီၤအၤဟရိၣ်ကဘၣ်ပာ်စီဆှံထီၣ်ပှၤလ့ၤဝံဖိတဖၣ်ဆူ ယအိၣ်ဒ်တၢ်လုၢ်မၤဘူၣ်လီၤဆီတမံၤလၢအဟဲလၢပှၤအံၣ်စရ့လးဖိ တဖၣ်အအိၣ်, ဒ်သိးအဝဲသ့ၣ်မၤယတၢ်မၤကသ့အဂီၢ်န့ၣ်လီၤ.

လံာ်တၢ်ဂံၢ် 8:15

ဖဲသုမၤကဆှီဒီးပာ်စီဆှံထီၣ်ပှၤလ့ၤဝံဖိတဖၣ်ဝံၤန့ၣ်အဝဲ သ့ၣ်ကကြၢးဝဲဘၣ်ဝဲဒီးတၢ်ဖံးတၢ်မၤလၢဒဲစီဆှံအပူၤန့ၣ် လီၤ.