လံာ်တၢ်ဂံၢ် 3:36 - Sgaw Karen Common Bible

³⁶ အဝဲသ့ၣ်ဘၣ်တၢ်ဟ့ၣ်လီၤအီၤမူဒါလၢဒဲစီဆှံအသ့ၣ်ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, အခီၣ်ထံးတဖၣ်ဒီးကယဲၢ်တၢ်သူၣ်ထီၣ်ထီထီၣ်အီၤအတၢ် ပီးတၢ်လီတဖၣ်အဂီၢ်န့ၣ်လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 3:36 Iomraidhean Croise

လံာ်တၢ်ဟးထီၣ်ကွံာ် 26:32

ဘျးလီၤစဲၤအီၤလၢသ့ၣ်ဖှ့ၡံးတၤအထူၣ်လွံၢ်ထူၣ်လၢဘၣ်တၢ်ပီၤ အီၤလၢထူအလိၤ, ထီထီၣ်အီၤလၢထးဘျးဒီးဆီလီၤအီၤလၢတၢ်အခီၣ်ထံးအဖျီၣ်စ့ လွံၢ်ခါအလိၤန့ၣ်တက့ၢ်.

လံာ်တၢ်ဟးထီၣ်ကွံာ် 26:37

လၢယၣ်ဘျးသဒၢအံၤအဂီၢ်မၤန့ၢ်တၢ်အထူၣ်ယဲၢ်ဘိလၢသ့ၣ်ဖှ့ၡံးတၤဒီးပီၤအီၤလၢထူ, ဒီးဘျးထီၣ်ယၣ်န့ၣ်လၢထးဘျးထူတဖၣ်တက့ၢ်. မၤန့ၢ်တၢ်အခီၣ်ထံးအဖျီၣ်တိၢ်ဘီယဲၢ်ခါလၢထူၣ်တဖၣ်အံၤအဂီၢ်တက့ၢ်.

လံာ်တၢ်ဟးထီၣ်ကွံာ် 35:11

ယွၤအဒဲစီဆှံ, အယၣ်ဘျးသဒၢလၢအအိပူၤဒီးလၢအချၢတဖၣ်, အထးဘျးတဖၣ်ဒီးအသ့ၣ်ဘၣ်တဖၣ်, အနီၣ်ဘိတဖၣ်အထူၣ်အဘိတဖၣ်, ဒီးအခီၣ်ထံးတဖၣ်,

လံာ်တၢ်ဟးထီၣ်ကွံာ် 35:18

နီၣ်ခိၣ်စူတဖၣ်ဒီးပျံၤတဖၣ်လၢဒဲစီဆှံဒီးတၢ်အိၣ်လၢအအိပူၤအဂီၢ်,

လံာ်တၢ်ဟးထီၣ်ကွံာ် 36:36

အဝဲသ့ၣ်မၤထီၣ်ထူၣ်လွံၢ်ထူၣ်လၢသ့ၣ်ဖှံၡံးတၤလၢကဟံးဃာ်ယၣ်ဘျးသဒၢအဂီၢ်, ဒီးပီၤအီၤလၢထူဒီးထီထီၣ်အီၤဒီးထးဘျးထူတဖၣ်လီၤ. အန့ၣ်ဝံၤဒီးမၤထီၣ်ဝဲတၢ်အခီၣ်ထံးအဖျီၣ်စ့လွံၢ်ခါလၢကဆီလီၤထူၣ်လွံၢ်ထူၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 39:33

အဝဲသ့ၣ်ဟဲစိာ်ဒဲစီဆှံန့ၣ်ဆူစီၤမိၤၡ့အအိၣ်, ဃုာ်ဒီးကယဲၢ်အတၢ်ပီးတၢ်လီ, အနီၣ်ဘျးတဖၣ်, ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, ဒီးအထူၣ်ခီၣ်ထံးတဖၣ်,

လံာ်တၢ်ဂံၢ် 3:35

ပှၤအဒူၣ်ထၢအံၤကဘၣ်သူၣ်ထီၣ်အဒဲလၢဒဲစီဆှံအကလံၤစိးတခီ, အိၣ်ဒီးစီၤအဘံဃယ့းလးအဖိခွါစီၤစူရံၤအ့လးဒ်ဒူၣ်ထၢ အံၤအခိၣ်အသိးန့ၣ်လီၤ.

လံာ်တၢ်ဂံၢ် 3:37

အဝဲသ့ၣ်ဘၣ်မူဘၣ်ဒါစ့ၢ်ကီးလၢဒဲအထူၣ်တဖၣ်, အထူၣ်ခီၣ်ထံးတဖၣ်, ဒဲအနီၣ်ပျၤတဖၣ်, ဒီးပျံၤတဖၣ်လၢဒဲအဂၢၤအချၢအဂီၢ်န့ၣ်လီၤ.

လံာ်တၢ်ဂံၢ် 7:8

ဒီးလ့ၣ်လွံၢ်ခိၣ်ဒီးကျီၢ်ဖါဃိးဒုဆူပှၤမရၤရံၤဖိတဖၣ် အအိၣ်လီၤ. အဝဲသ့ၣ်အတၢ်မၤခဲလၢာ်ကဘၣ်တၢ်မၤဝံၤအီၤလၢစီၤ အၤဟရိၣ်အဖိခွါစီၤအံၤသမၢ်အတၢ်ပၢတၢ်ဆှၢအဖီလာ်န့ၣ်လီၤ.