လံာ်တၢ်ဂံၢ် 3:31 - Sgaw Karen Common Bible

³¹ အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 3:31 Iomraidhean Croise

လံာ်တၢ်ဟးထီၣ်ကွံာ် 37:1

စီၤဘစၤလအ့လးမၤထီၣ်တၢ်အၢၣ်လီၤအီလီၤအတလါစီဆှံ လၢသ့ၣ်ဖှ့ၡံးတၤန့ၣ်လီၤ. အထီအိၣ်ဝဲခံပျၢ်တထါ, အလဲၢ်တပျၢ်တထါဒီးအကစီၤထီၣ်တပျၢ်တထါ န့ၣ်လီၤ.

လံာ်တၢ်ဟးထီၣ်ကွံာ် 40:30

အဝဲပာ်သရာ်လၢတၢ်သ့စီအဂီၢ်ဖဲဒဲစီဆှံဒီးတၢ်လုၢ်လီၢ်အဘၢၣ် စၢၤဒီးမၤပှဲၤအီၤလၢထံန့ၣ်လီၤ.

လံာ်တၢ်ဂံၢ် 3:30

အိၣ်ဒီး-စီၤဧူးစံၤအ့လးအဖိခွါစီၤအလံစဖၣ်ဒ်ဒူၣ်ထၢအခိၣ် အသိးန့ၣ်လီၤ.

လံာ်တၢ်ဂံၢ် 3:32

ပှၤလ့ၤဝံဖိတဖၣ်အခိၣ်မ့ၢ်ဝဲပှၤလုၢ်တၢ်အခိၣ်စီၤအၤဟရိၣ်အဖိ ခွါစီၤအလၤဧစၢ်န့ၣ်လီၤ. အဝဲမ့ၢ်ပှၤအခိၣ်လၢပှၤတဖၣ်လၢအမၤအမူအဒါလၢတၢ်အလီၢ်စီဆှံ အပူၤအဂီၢ်န့ၣ်လီၤ.

လံာ်မးသဲ 5:15

ပှၤဒွဲၣ်ထီၣ်မ့ၣ်အူဒၢဒီးပာ်အီၤလၢနာ်အဖီလာ်န့ၣ်တအိၣ်ဘၣ် နီတဂၤဘၣ်. မ့မ့ၢ်ပာ်ဝဲလၢမ့ၣ်အူဒၢအလီၢ်အဖီခိၣ်ဒီးမ့ၣ်အူန့ၣ်ဟ့ၣ်ထီၣ်တၢ် ကပီၤလၢပှၤအိၣ်လၢဟံၣ်ပူၤခဲလၢာ်အဂီၢ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.