လံာ်တၢ်ဂံၢ် 3:27 - Sgaw Karen Common Bible

²⁷ စီၤကဃးအဒူၣ်အထၢန့ၣ်မ့ၢ်စီၤဧၤမရၣ်, စီၤယံးစဟၢ်, စီၤဃ့ ဘြိၣ်ဒီး, စီၤဧူးစံၤအ့လး, အဟံၣ်ဖိဃီဖိတဖၣ်အတၢ်ပာ်ဖှိၣ်ထီၣ်အသး န့ၣ်လီၤ.

လံာ်တၢ်ဂံၢ် 3:27 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:12

စီၤကဃးအိၣ်ဒီးအဖိခွါလွံၢ်ဂၤလၢအမ့ၢ်ဝဲ, စီၤဧၤမရၣ်, စီၤယံးစဟၢ်, စီၤဃ့ဘြိၣ်ဒီးစီၤဧူးစံၤအ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:23

မူဒါတဖၣ်ဘၣ်တၢ်ဟ့ၣ်လီၤစ့ၢ်ကီးအီၤဆူစီၤဧၤမရၣ်, စီၤယံးစဟၢ်, စီၤဃ့ဘြိၣ်ဒီးစီၤဧူးစံၤအ့လးအစၢၤအသွဲၣ်တဖၣ်အအိၣ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:30

လၢစီၤဃ့ဘြိၣ်အစၢၤအသွဲၣ်အကျါစီၤဃၡၤဘယၤဒီးအ ဘူးအတံၢ်တကထိနွံကယၤဂၤ, ပှၤသ့ပှၤဘၣ်လီၤဆီခဲလၢာ်, ဘၣ်တၢ်ပာ်အီၤဒ်ပှၤကဲခိၣ်ကဲနၢ်လၢတၢ်ပၢတၢ်ဆှၢကယဲၢ်တၢ်ဘူၣ် တၢ်ဘါဒီးတၢ်မၤဘၣ်ထွဲဒီးထံကီၢ်အတၢ်ဂ့ၢ်တၢ်ကျိၤတဖၣ်အဂီၢ်, လၢထံကျိယၢ်ဒ့ၣ်အမုၢ်နုာ်ကီၢ်အံၣ်စရ့လးအပူၤန့ၣ်လီၤ.

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်တၢ်ဂံၢ် 3:19

စီၤကဃးအဖိခွါအိၣ်လွံၢ်ဂၤလၢအမ့ၢ်, စီၤဧၤမရၣ်, စီၤယံးစဟၢ်, စီၤဃ့ဘြိၣ်, ဒီးစီၤဧူးစံၤအ့လးန့ၣ်လီၤ.

လံာ်တၢ်ဂံၢ် 3:26

ယၣ်ဘျးသဒၢလၢဂၢၤလၢအအိၣ်ဝးတရံးဒဲစီဆှံ, ဒီးတၢ်လုၢ်လီၢ်, ဒီးယၣ်ဘျးသဒၢလၢဂၢၤအကျဲစၢၤအဂီၢ်န့ၣ်လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်မၤဘၣ်ဃးဒီးတၢ်ပီးတၢ်လီ တဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 3:28

ပှၤပိာ်ခွါလၢအသးအိၣ်တလါဒီးဆူအဖီခိၣ်လၢအဘၣ်တၢ်ကွဲးနီၣ် အမံၤန့ၣ်ခဲလၢာ်ပာ်ဖှိၣ်အနီၣ်ဂံၢ်အိၣ်ဝဲ, ဃိးကထိဃုကယၤဂၤန့ၣ်လီၤ.

လံာ်စီၤယိၤၡူ 21:5

ဒီးပှၤကဃးဖိလၢအအိၣ်လီၤတဲာ်တဖၣ်န့ၣ်, ခီဖျိတၢ်ဖးအဝဲသ့ၣ်ဒိးန့ၢ်ဘၣ်ဝဲဝ့ၢ်အဖျၢၣ်တဆံလၢအ့ဖရဲၣ်အဒူၣ် ဒီးလၢဒၣ်အဒူၣ်ဒီးမနၤၡ့ၤအဒူၣ်တဝာ်အဒူၣ်ဖိထၢဖိတဖၣ်အအိၣ်န့ၣ်လီၤ.