လံာ်တၢ်ဂံၢ် 3:13 - Sgaw Karen Common Bible

¹³ ခဲကနံၣ်အံၤလၢယကအိၣ်ဒီးအံၣ်စရ့လးအဖိခွါဝဲၢ်ကိတဖၣ်ဒ် ယတၢ်ဒၣ်ယဲအလီၢ်န့ၣ်, ယအိၣ်ဒီးပှၤလ့ၤဝံဖိတဖၣ်ဒီးအဝဲသ့ၣ်ဘၣ်ဃးဒီးယၤလီၤ. ယဲဒၣ်အံၤယမ့ၢ်ယွၤလီၤ.”

လံာ်တၢ်ဂံၢ် 3:13 Iomraidhean Croise

လံာ်စီၤနဃ့မယၤ 10:36

ပဝဲတဂၤဘၣ်တဂၤစုာ်စုာ်, ပကဟဲစိာ်ပဖိဝဲၢ်ကိပိာ်ခွါလၢအအိၣ် ဖျဲၣ်ထီၣ်ဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ်အပူၤ ဒီးလုၢ်ထီၣ်အီၤဆူကစၢ်ယွၤအအိၣ်, ဒ်ယူဒၤအတၢ်သိၣ်တၢ်သီဃ့ဝဲအသိးန့ၣ်လီၤ. ဂီၤဖံးဖိအဆိကတၢၢ်လၢပဝဲတဂၤစုာ်စုာ်ပဂီၤဖံးမိၢ်တဖၣ်ဖှံလီၤဝဲ, ဒီးပသိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤလၢအဖှံလီၤအဆိက တၢၢ်န့ၣ်, ပကပာ်စီဆှံစ့ၢ်ကီးအီၤန့ၣ်လီၤ.

လံာ်တၢ်ဟးထီၣ်ကွံာ် 13:12

သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:19

ကယဲၢ်ဖိဝဲၢ်ကိအပိာ်ခွါဒီးဆၣ်ဖိကီၢ်ဖိလၢသုဘုၣ်အီၤအဖါ ဝဲၢ်ကိန့ၣ်ဘၣ်ဃးဒီးယၤလီၤ.

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:26

မ့မ့ၢ်ဆၣ်ဖိကီၢ်ဖိအဝဲၢ်ကိန့ၣ်မ့ၢ်ယွၤအတၢ်ဒီးဘၣ်ဃးဒီးယွၤလီၤ. ဒီးဂီၤဖံးမ့ၢ်ဂ့ၤ, သိမ့ၢ်ဂ့ၤ, အဝဲၢ်ကိန့ၣ်မ့ၢ်ယွၤအတၢ်လီၤ. ပှၤတဘၣ်လုၢ်ထီၣ်အီၤနီတဂၤဘၣ်.

လံာ်တၢ်ဂံၢ် 18:15

ဖိဝဲၢ်ကိကိးဂၤဒဲးမ့ၢ်ဂ့ၤဆၣ်ဖိကီၢ်ဖိအဝဲၢ်ကိကိးဒုဒဲး မ့ၢ်ဂ့ၤလၢပှၤအံၣ်စရ့လးဖိဟ့ၣ်ထီၣ်ဆူယအိၣ်န့ၣ်ဘၣ်ဃးဒီးနၤ လီၤ. ဘၣ်ဆၣ်ဒီးနကဘၣ်တူၢ်လိာ်တၢ်လၢတၢ်ကပှ့ၤကဒါက့ၤဖိဝဲၢ်ကိကိး ဂၤဒဲးအဂီၢ်ဒီးနဘၣ်တူၢ်လိာ်စ့ၢ်ကီးတၢ်လိးက့ၤတၢ်အပှ့ၤလၢ ကယဲၢ်ဆၣ်ဖိကီၢ်ဖိအဝဲၢ်ကိ, ကိးဒုးဒဲးလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိး အဂီၢ်န့ၣ်လီၤ.

လံာ်တၢ်ဂံၢ် 18:6

ယမ့ၢ်ပှၤတဂၤလၢအဃုထၢတ့ၢ်နဘူးနတံၢ်ပှၤလ့ၤဝံဖိတဖၣ်လၢပှၤ အံၣ်စရ့လးဖိတဖၣ်အကျါဒ်တၢ်ဟ့ၣ်တမံၤဆူနအိၣ်လီၤ. အဝဲသ့ၣ်ဘၣ်တၢ်ပာ်စီဆှံထီၣ်အီၤဆူယအိၣ်, ဒ်သိးအဝဲသ့ၣ်မၤအမူအဒါတဖၣ်လၢဒဲစီဆှံအပူၤကသ့ဝဲဒၣ်န့ၣ် လီၤ.

လံာ်တၢ်ဂံၢ် 3:41

ဘၣ်ဆၣ်ဒီးလၢအဝဲသ့ၣ်အလီၢ်န့ၣ်ယဃ့ကယဲၢ်ပှၤလ့ၤဝံဖိတဖၣ်ဒ် ယတၢ်အသိးန့ၣ်လီၤ. ယဲဒၣ်အံၤယမ့ၢ်ယွၤလီၤ. ယဃ့စ့ၢ်ကီးပှၤလ့ၤဝံဖိတဖၣ်အဂီၤဘုၣ်ဂီၤဖံးလၢကယဲၢ်ဂီၤ ဘုၣ်ဂီၤဖံးဝဲၢ်ကိတဖၣ်အလီၢ်န့ၣ်လီၤ.”

လံာ်တၢ်ဂံၢ် 33:4

ပှၤတဖၣ်လၢအခူၣ်လီၤကွံာ်အဖိဝဲၢ်ကိတဖၣ်လၢယွၤမၤသံတ့ၢ်အီၤ န့ၣ်လီၤ. လၢအတၢ်မၤဒ်အံၤအဃိ, ယွၤဒုးနဲၣ်ဝဲလၢအဝဲအစိကမီၤဒိၣ်န့ၢ်ဒံးကီၢ်အဲၤကူပတူး အကစၢ်တဖၣ်တက့ၢ်န့ၣ်လီၤ.

လံာ်လူၤကၣ် 2:23

ဒ်တၢ်ကွဲးအသးလၢကစၢ်ယွၤအတၢ်သိၣ်တၢ်သီအပူၤအိၣ်ဝဲအသိး, “ကယဲၢ်ဖိဝဲၢ်ကိပိာ်ခွါတဂၤလၢ်လၢ်ကဘၣ်တၢ်ပာ်စီဆှံအီၤလၢ ကစၢ်ယွၤအမဲာ်ညါ,” န့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,