လံာ်တၢ်ဂံၢ် 29:6 - Sgaw Karen Common Bible

⁶ လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.

လံာ်တၢ်ဂံၢ် 29:6 Iomraidhean Croise

လံာ်စီၤဧ့စြၤ 3:4

အဝဲသ့ၣ်, သ့ၣ်နီၣ်မၤလၤကပီၤဘူၣ်ဒဲဒ်တၢ်သိၣ်တၢ်သီတဖၣ်အိၣ်ဝဲ အသိးဒီးကိးမုၢ်နံၤဒဲးန့ၣ်အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဒ်မုၢ်တနံၤန့ၣ်အတၢ်အိၣ်ဝဲအသိး,

လံာ်တၢ်ဂံၢ် 15:24

လၢကမျၢၢ်ဒီဒူၣ်တပာ်သူၣ်ပာ်သးအဃိဒီး, တၢ်ကမူၤကမၣ်မ့ၢ်မၤဘၣ် ဖုးအသးန့ၣ်, အဝဲသ့ၣ်ကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်မ့ၣ်အူလၢ အသိး, တၢ်နၢမူလၢအဘၣ်ယွၤအသး, ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံလီၤတံၢ်လီၤ ဆဲးန့ၣ်လီၤ. လၢန့ၣ်အမဲာ်ညါ, အဝဲသ့ၣ်ကဘၣ်လုၢ်စ့ၢ်ကီးမဲာ်တဲးလဲးဖါတဒုဒ် တၢ်လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

လံာ်တၢ်ဂံၢ် 15:4

ပှၤတဂၤလၢ်လၢ်လၢအဟ့ၣ်ထီၣ်သိတဒုမ့ၢ်ဂ့ၤ, မဲာ်တဲးလဲးတဒုမ့ၢ် ဂ့ၤဒ်တၢ်လုၢ်မ့ၣ်အူတမံၤဆူယွၤအအိၣ်န့ၣ်ကဘၣ်ဟဲစိာ်ကိၣ်ကမူၣ် အဃၢလီၤတယၢၢ်တအ့စရိၣ်ဃါဃုာ်အသးဒီးသ့ၣ်စၤယံးအသိ တဟံၣ်လွံၢ်ပူတပူဃုာ်ဒီးဆၣ်ဖိကီၢ်ဖိတဒုစုာ်စုာ်, ဒ်တၢ်လုၢ်ဘု ဧိၤဟုဧိၤအသိး,

လံာ်တၢ်ဂံၢ် 28:27

လုၢ်ထီၣ်တၢ်လုၢ်မ့ၣ်အူတခါ, ဒ်တၢ်နၢမူတမံၤလၢအမၤမုာ်ယွၤ အသးတက့ၢ်. ကျီၢ်ဖါသးစၢ်ခံဒု, သိဖါတဒုဒီး, သိဖါဖိအသးအိၣ်တနံၣ်နွံဒုလၢအပူၤဒီးတၢ်သံၣ်သူမီၣ်ကျာ် တဖၣ်ကိးဒုဒဲးန့ၣ်လီၤ.

လံာ်တၢ်ဂံၢ် 29:18

လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်တဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

လံာ်တၢ်ဂံၢ် 29:21

လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤတဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

လံာ်တၢ်ဂံၢ် 29:5

လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤအသိးဒီးလၢကျဲဒ်အံၤန့ၣ်, မၤတၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီထီၣ်က့ၤပှၤဂီၢ်မုၢ် အဂီၢ်တက့ၢ်.

လံာ်တၢ်ဂံၢ် 9:14

ပှၤတခီဘီမုၢ်ဖိတဂၤလၢအအိၣ်လၢသုကျါမ့ၢ်သးအိၣ်မၤဘူၣ်လဲၤ ကပာ်န့ၣ်, အဝဲကဘၣ်မၤအီၤဒ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢ တဖၣ်အိၣ်ဝဲအသိးန့ၣ်လီၤ. ယူဒၤအတၢ်သိၣ်တၢ်သီတမံၤဃီအံၤဘၣ်ထွဲဒီးပှၤကိးဂၤဒဲးလၢ အမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤန့ၣ်လီၤ.